„საქართველოს იუსტიციის სამინისტროს სასჯელაღსრულების დეპარტამენტში წვევამდელთა ჩარიცხვისა და სამხედრო სამსახურის მოხდის წესის დამტკიცების თაობაზე“ საქართველოს იუსტიციის მინისტრის 2007 წლის 26 მარტის №89 ბრძანებაში ცვლილებებისა და დამატების შეტანის თაობაზე“

სახელმწიფო სარეგისტრაციო კოდი 100.020.010.22.027.010.746

საქართველოს იუსტიციის მინისტრის

ბრძანება №269

2007 წლის 15 აგვისტო

ქ. თბილისი

„საქართველოს იუსტიციის სამინისტროს სასჯელაღსრულების დეპარტამენტში წვევამდელთა ჩარიცხვისა და სამხედრო სამსახურის მოხდის წესის დამტკიცების თაობაზე“ საქართველოს იუსტიციის მინისტრის                  2007 წლის 26 მარტის №89 ბრძანებაში ცვლილებებისა და დამატების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის მოთხოვნათა შესაბამისად, ვბრძანებ:

1. საქართველოს იუსტიციის მინისტრის 2007 წლის 26 მარტის №89 ბრძანებით (სსმ III, 27.03.2007, №41, მუხ. 474) დამტკიცებულ „საქართველოს იუს­ტიციის სამი­ნის­ტროს სასჯელაღსრულების დეპარ­ტამენ­ტში წვევამდელთა ჩარიცხვისა და სამხედრო სამსახურის მოხ­დის წესში“ შევიდეს შემდეგი ცვლილე­ბები და დამატება:

ა) მე-14 მუხლი ჩამოყალიბდეს შემდეგი რედაქციით:

     „მუხლი 14.

შერჩეული კანდიდატების სამხედრო ვალდებულების მოსახდელად სამსახურში ჩარიცხვა და წოდების მინი­ჭე­ბა ფორმდება საქართველოს იუსტიციის სამინის­ტროს სასჯელაღსრულების დეპარტამენტის თავმჯდო­მარის ბრძანებით. მათ მიერ სამხედრო ვალდებულების მოხდა აითვლება სამსახურში ჩარიცხვიდან.“;

ბ) მე-17 მუხლი ჩამოყალიბდეს შემდეგი რედაქციით:

     „მუხლი 17.

სამსახურში ჩარიცხული სავალდებულო სამხედრო მოსამსახურე დეპარტამენტის თავმჯდომარის ბრძანე­ბით მიემაგრება სამსახურის კონკრეტულ დანაყოფს. შე­საძლებელია სავალდებულო სამხედრო მოსამსახურის სამსახურის სხვა დანაყოფში გადაადგილება.“;

გ) დაემატოს შემდეგი შინაარსის მე-18 მუხლი:

     „მუხლი 18.

სამსახურში, სავალდებულო სამხედრო მოსამსახუ­რის შესასრულებელი სამსახურებრივი მოვალეობების სპეციფიკიდან გამომდინარე, შეიძლება დაწესდეს სპეცია­ლური სამსახურებრივი გრაფიკი (განრიგი), რომელსაც სამსახურის დანაყოფების მიხედვით ამტკიცებს დეპარ­ტამენტის თავმჯდომარე სამსახურის უფროსის წარდგი­ნებით.“.

2. ეს ბრძანება ამოქმედდეს გამოქვეყნებისთანავე.

გ. ქავთარაძე