საქართველოს იუსტიციის სამინისტროს სასჯელაღსრულების დეპარტამენტის ექიმ-ექსპერტთა ჯგუფის დებულების დამტკიცების თაობაზე

სახელმწიფო სარეგისტრაციო კოდი 100.020.010.22.027.010.693

საქართველოს იუსტიციის მინისტრის

ბრძანება №246

2007 წლის 1 აგვისტო

 ქ. თბილისი

საქართველოს იუსტიციის სამინისტროს სასჯელაღსრულების დეპარტამენტის ექიმ-ექსპერტთა ჯგუფის დებულების დამტკიცების თაობაზე

„პატიმრობის შესახებ“ საქართველოს კანონის პირველი მუხლის 2¹ პუნქტის შესაბამისად, ვბრძანებ:

1. დამტკიცდეს საქართველოს იუსტიციის სამინის­ტროს სასჯელაღსრულების დეპარტამენტის ექიმ-ექსპერ­ტთა ჯგუფის დებულება თანდართული სახით.

2. ეს ბრძანება ამოქმედდეს გამოქვეყნებისთანავე.

გ. ქავთარაძე

დანართი

იუსტიციის სამინისტროს სასჯელაღსრულების დეპარტამენტის ექიმ-ექსპერტთა ჯგუფის დებულება

    მუხლი 1. ზოგადი დებულებები

1. საქართველოს იუსტიციის სამინისტროს სასჯელ­აღ­სრულების დეპარტამენტის (შემდგომში – დეპარტა­მენტი) ექიმ-ექსპერტთა ჯგუფი (შემდგომში – ჯგუფი) არის სასჯელაღსრულების დეპარტამენტის სტრუქ­ტუ­რუ­ლი ერთეული.

2. წინამდებარე დებულება განსაზღვრავს ჯგუფის ამო­ცანებს, დაკომპლექტებისა და უფლებამოსილების წესს.

3. ჯგუფი წარმოადგენს უმაღლესი სამედიცინო განათ­ლების მქონე, დადგენილი წესით სერტიფიცი­რებულ პირთა ჯგუფს.

4. ჯგუფის საქმიანობის სამართლებრივი საფუძ­ვლებია: საქართველოს კონსტიტუცია, „პატიმრობის შესახებ“ საქართველოს კანონი, „ჯანმრთელობის შესახებ“ საქართველოს კანონი, საქართველოს იუს­ტი­ციის სამინისტროს და საქართველოს შრომის, ჯან­მრთე­ლობისა და სოციალური დაცვის სამინის­ტროს შესაბამისი სამართლებრივი აქტები.

5. ჯგუფი აღჭურვილია სამედიცინო აპარატურითა და ინვენტარით.

    მუხლი 2. ჯგუფის ამოცანები და ფუნქციები

1. ჯგუფის ამოცანებია:

ა) სასჯელაღსრულების დაწესებულებებში მყოფი (გარდა სასჯელაღსრულების დეპარტამენტის მსჯავ­რდე­­ბულთა და პატიმართა სამკურნალო დაწესებუ­ლე­­ბისა) მსჯავრდებულთა და პატიმართა (შემდგომ­ში – პატიმართა) მკურნალობა;­

ბ) დეპარტამენტის სავალდებულო სამხედრო მოსამ­სახურეებზე სამედიცინო ზედამხედველობის განხორ­ციელება, მათი ჯანმრთელობის მდგომარეობის პე­რი­ოდული შემოწმება და შესაბამისი სამედიცინო ხასიათის ღონისძიებათა დაგეგმვა;

გ) პატიმართა კლინიკო-დიაგნოსტიკური გამოკვლე­ვების ჩატარება და მათი ჯანმრთელობის მდგომარეობის შესწავლა;

დ) პატიმართა სამედიცინო რეაბილიტაცია;

ე) პატიმართა სამედიცინო-ამბულატორიული მომ­სახურება.

2. ჯგუფის ფუნქციებია:

ა) მოქმედი კანონმდებლობის ფარგლებში მაღალ­კვალიფიციური სამედიცინო დახმარების გაწევა ავად­მყოფი პატიმრებისათვის;

ბ) იმ ღონისძიებათა დაგეგმვა და განხორციელება, რომლებიც ხელს შეუწყობენ სამკურნალო-დიაგნოს­ტი­კური პროცესების, ჯგუფის მუშაობის მაჩვენებლების გაუმჯობესებას;

გ) სასჯელაღსრულების დაწესებულებებში მყოფ პატი­მართა პროფილაქტიკური კომისიური შემოწმება;

დ) პატიმარ ავადმყოფთა კონსულტაციური და სა­დიაგ­ნოსტიკო მომსახურების ტიპის შერჩევა;

ე) საჭიროების შემთხვევაში სამედიცინო ჩვენების მიხედვით ავადმყოფებისათვის მკურნალობის ტაქტიკის შერჩევა და დეპარტამენტის ხელმძღვანელობასთან შეთანხმებით მისი განხორციელება;

ვ) საჭიროების შემთხვევაში დეპარტამენტისა და სასჯელაღსრულების დაწესებულებებისათვის ქმედითი დახმარების გაწევა.

    მუხლი 3. ჯგუფის სტრუქტურა და მართვა

1. ჯგუფს ხელმძღვანელობს უფროსი, რომელსაც თანამდებობაზე ნიშნავს და თანამდებობიდან ათავისუფ­ლებს დეპარტამენტის თავმჯდომარე.

2. ჯგუფის უფროსი დაკისრებული სამსახურებრივი ამოცანების შესრულებისას ანგარიშვალდებულია დეპარტამენტის თავმჯდომარის და პატიმართა უფლებე­ბის დაცვის და სოციალურ საკითხთა დარგში თავ­მჯდომარის მოადგილის წინაშე.

3. ჯგუფის შემადგენლობა და საშტატო ნუსხა გა­ნისაზღვრება დეპარტამენტის თავმჯდომარის ბრძა­ნებით.

4. ჯგუფის უფროსი:

ა) ხელმძღვანელობს და წარმართავს ჯგუფის საქმია­ნობას, კოორდინაციას უწევს ჯგუფის მუშაობას და აწეს­რიგებს მისი საქმიანობის სფეროს მიკუთვნებულ საკითხებს;

ბ) უშუალოდ მონაწილეობს ჯგუფის ამოცანებისა და ფუნქციების განხორციელებაში;

გ) კოორდინაციას უწევს ჯგუფის ურთიერთობას დეპარტამენტის სხვა სტრუქტურულ ერთეულებთან და დაწესებულებებთან;

დ) იღებს გადაწყვეტილებებს თავისი კომპეტენციის ფარგლებში;

ე) აკონტროლებს ჯგუფზე დაკისრებული მოვალეო­ბების ჯეროვნად შესრულებას;

ვ) მონაწილეობს ჯგუფის მოსამსახურეთა კანდიდა­ტურების შერჩევაში;

ზ) წარუდგენს დეპარტამენტის თავმჯდომარეს წინადადებებს ჯგუფის მუშაობის ორგანიზაციის, მო­ხელეთა წახალისებისა და დისციპლინური პასუხის­­მგებლობის დაკისრების მიზანშეწონილობის თაობაზე;

თ) შუამდგომლობს ჯგუფის საქმიანობისათვის საჭირო სახსრების და მატერიალური საშუალებების გამოყოფის თაობაზე;

ი) შეიმუშავებს და დეპარტამენტის თავმჯდომარეს წარუდგენს ჯგუფის სამუშაო გეგმას;

კ) ანაწილებს ფუნქციებს ჯგუფის მოსამსახურეებს შორის.

5. ჯგუფის მოსამსახურეები:

ა) დაკისრებული სამსახურებრივი ამოცანების შესრულებისას ანგარიშვალდებულნი არიან ჯგუფის უფროსის წინაშე;

ბ) ჯგუფის მოსამსახურეებს თანამდებობაზე ნიშნავს და თანამდებობიდან ათავისუფლებს დეპარტამენტის თავმჯდომარე.

    მუხლი 4. ჯგუფის უფლებამოსილებანი

1. ჯგუფი თავისი კომპეტენციის ფარგლებში ახდენს დაწესებულებების სამედიცინო ნაწილებში პატიმართა ჯანმრთელობის მდგომარეობის განხილვას, ატარებს ავადმყოფთა კონსულტაციებს ადგილზე და საჭიროების შემთხვევაში მონაწილეობს მათი გამოკვლევებისა და მკურნალობის პროცესის განსაზღვრაში.

2. ჯგუფის გადაწყვეტილების მიღებისას, ყოველ კონკრეტულ სიტუაციაში სავალდებულოა დაავადების შესაბამისი პროფილის ექიმის მონაწილეობა.

3. ჯგუფის მიერ დეპარტამენტის ხელმძღვანელობის დავალების საფუძველზე, მოწმდება სასჯელაღსრულე­ბის დაწესებულებებში სამედიცინო პერსონალის მიერ ავადმყოფთათვის გაწეული სამედიცინო დახმარების ხარისხი, ჯგუფი ახდენს აგრავაციის და კლინიკური შეცდო­­მების დაფიქსირებას. შედეგები მოხსენდება დეპარტამენტის ხელმძღვანელობას შემდგომი რეაგი­რებისათვის.

4. კოორდინირებას უწევს ტუბ.დაავადებების და აივ ინფექცია/შიდსის სახელმწიფო პროგრამით გათვა­ლის­წინებული ღონისძიებების ჩატარებას.

5. ახორციელებს კონტროლს დაწესებულებებში სა­ნი­ტა­რიულ-ჰიგიენურ და ეპიდემიოლოგიურ მდგო­მა­რეო­ბაზე.

6. ჯგუფი უშუალოდ ექვემდებარება დეპარტამენტის თავმჯდ­ომარეს და თავმჯდომარის მოადგილეს პატიმარ­თა უფლებების დაცვის და სოციალურ საკით­ხთა დარგში.

    მუხლი 5. დასკვნითი დებულებები   

1. ჯგუფის რეორგანიზაცია ან/და ლიკვიდაცია ხორ­ციელდება კანონმდებლობით დადგენილი წესით.

2. წინამდებარე დებულების გაუქმება, მასში ცვლი­ლებებისა და დამატებების შეტანა ხორციელდება მოქმედი კანონმდებლობის შესაბამისად.