„საჯარო სამართლის იურიდიული პირის – „ეროვნული გამოცდების ცენტრის“ დებულების დამტკიცების შესახებ“ საქართველოს განათლებისა და მეცნიერების მინისტრის 2007 წლის 5 თებერვლის №93 ბრძანებაში ცვლილებებისა და დამატებების შეტანის თაობაზე

სახელმწიფო სარეგისტრაციო კოდი 040.030.000.22.022.010.684

საქართველოს განათლებისა და მეცნიერების მინისტრის

ბრძანება №561

2007 წლის 31 ივლისი

ქ. თბილისი

„საჯარო სამართლის იურიდიული პირის – ეროვნული გამოცდების ცენტრის დებულების დამტკიცების შესახებ“ საქართველოს განათლებისა და მეცნიერების მინისტრის 2007 წლის 5 თებერვლის  №93 ბრძანებაში ცვლილებებისა და დამატებების შეტანის თაობაზე

,,ნორმატიული აქტების შესახებ“ საქართველოს კანონის 36-ე მუხლის, საქართველოს ზოგადი ადმინისტრაციული კოდექსის 63-ე მუხლის, „უმაღლესი განათლების შესახებ“ საქართველოს კანონის 51-ე მუხლის, 53-ე მუხლის მე-2 და მე-5 პუნქტების, „ზოგადი განათლების შესახებ“ საქართველოს კანონის 21⁵ მუხლის მე-5 პუნქტის, 28¹ მუხლის მე-2 პუნქტის „ვ“ ქვეპუნქტისა და „საქართველოს განათლებისა და მეცნიერების სამინისტროს დებულების დამტკიცების შესახებ“ საქართველოს მთავრობის 2004 წლის 21 მაისის №37 დადგენილებით დამტკიცებული დებულების მე-3 მუხლის მე-2 პუნქტის „ა“ და „მ“ ქვეპუნქტების საფუძველზე, ვბრძანებ:

1. „საჯარო სამართლის იურიდიული პირის – ეროვ­ნული გამოცდების ცენტრის დებულების დამტკიცების შესახებ“ საქართველოს განათლებისა და მეცნიერების მინისტრის 2007 წლის 5 თებერვლის  №93 ბრძანებაში (სსმ III, 13.02.2007წ., №20, მუხ. 229) შეტანილ იქნეს შემდეგი ცვლილებები და დამატებები:

ა) ბრძანების სათაურში შეტანილ იქნეს ცვლილება და ჩამოყალიბდეს შემდეგი რედაქციით:

„საჯარო სამართლის იურიდიული პირის – გამოცდების ეროვნული ცენტრის დებულების დამტკიცების შესახებ.“;

ბ) ბრძანების პირველ პუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„1. დამტკიცდეს საჯარო სამართლის იურიდიული პირის – გამოცდების ეროვნული ცენტრის თანდართული დებულება.“;

გ) ბრძანებით დამტკიცებული „საჯარო სამართლის იურიდიული პირის – ეროვნული გამოცდების ცენტრის დებულების“ სათაურში შეტანილ იქნეს ცვლილება და ჩამოყალიბდეს შემდეგი რედაქციით:

„საჯარო სამართლის იურიდიული პირის – „გამოცდების ეროვნული ცენტრის“ დებულება.“;

დ) ბრძანებით დამტკიცებული დებულების პირველი მუხლის პირველ პუნქტში შეტანილ იქნეს ცვლილება და ჩამოყალიბდეს შემდეგი რედაქციით:

„1. საჯარო სამართლის იურიდიული პირი – „გამოცდების ეროვნული ცენტრი“ (შემდგომში –  ცენტრი) არის „უმაღლესი განათლების შესახებ“ საქართველოს კანონით შექმნილი  საქართველოს განათლებისა და მეცნიერების სამინისტროს (შემდგომში – სამინისტრო)  სისტემაში შემავალი საჯარო სამართლის იურიდიული პირი.“;

ე) ბრძანებით დამტკიცებული დებულების მე-2 მუხლის პირველ პუნქტს დაემატოს „კ“ ქვეპუნქტი და ჩამოყალიბდეს შემდეგი რედაქციით:

„კ) უზრუნველყოს მასწავლებლის სასერტიფიკაციო გამოცდების ჩატარება სამინისტროს მიერ დადგენილი წესის შესაბამისად.“;

ვ) ბრძანებით დამტკიცებული დებულების მე-2 მუხლის მე-2 პუნქტს დაემატოს „ა¹“ და „ა²“ ქვეპუნქტები და ჩამოყალიბდეს შემდეგი რედაქციით:

„ა¹) შეიმუშავებს აკრედიტებულ უმაღლეს საგანმანათლებლო დაწესებულებაში ჩარიცხვისა და სახელმწიფო სასწავლო გრანტის განაწილების  წესს და დასამტკიცებლად წარუდგენს სამინისტროს;

ა²) შეიმუშავებს უცხო ქვეყნის სრული ზოგადი განათლების  მქონე პირთათვის ერთიან ეროვნულ გამოცდებში მონაწილეობის წესს და დასამტკიცებლად წარუდგენს სამინისტროს.“;

ზ) ბრძანებით დამტკიცებული დებულების მე-2 მუხლის მე-2 პუნქტს დაემატოს „ბ¹“ და „ბ²“  ქვეპუნქტები და ჩამოყალიბდეს შემდეგი რედაქციით:

„ბ¹) უზრუნველყოფს მასწავლებლის სასერტიფიკაციო გამოცდების ჩატარებას სამინისტროს მიერ დადგენილი წესის შესაბამისად;

„ბ²) მონაწილეობას ღებულობს საჯარო სამართლის იურიდიული პირის – მასწავლებელთა პროფესიული განვითარების ცენტრის მიერ მასწავლებელთა სერტიფიცირების დებულების შემუშავებაში.“.

2. ბრძანება ძალაში შევიდეს გამოქვეყნებისთანავე.

ა. ლომაია