„აფთიაქების მოწყობისა და ექსპლუატაციის სანიტარიული წესების დამტკიცების შესახებ“ საქართველოს შრომის, ჯანმრთელობის და სოციალური დაცვის მინისტრის 2003 წლის 12 ნოემბრის №282/ნ ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 470.160.010.22.035.010.640

საქართველოს შრომის, ჯანმრთელობისა და სოციალური დაცვის მინისტრის ბრძანება №228/ნ

2007 წლის 23 ივლისი

ქ. თბილისი

„აფთიაქების მოწყობისა და ექსპლუატაციის სანიტარიული წესების დამტკიცების შესახებ“ საქართველოს შრომის, ჯანმრთელობის და სოციალური დაცვის მინისტრის 2003 წლის 12 ნოემბრის №282/ნ ბრძანებაში ცვლილებების შეტანის თაობაზე

„ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:

მუხლი 1. „აფთიაქების მოწყობისა და ექსპლუატაციის სანიტარიული წესების დამტკიცების შესახებ“ საქართველოს შრომის, ჯანმრთელობის და სოციალური დაცვის მინისტრის 2003 წლის 12 ნოემბრის №282/ნ ბრძანების (სსმ III, 2003 წ., №134, მუხ. 1105) პირველი პუნქტით დამტკიცებული აფთიაქების მოწყობისა და ექსპლუატაციის სანიტარიული წესების მე-4 მუხლის:

1. მე-7 პუნქტი ჩამოყალიბდეს შემდეგი რედაქციით:

„7. სააფთიაქო დაწესებულების შენობას უნდა ჰქონდეს ბუნებრივი ან/და ხელოვნური განათება. განათება უნდა იყოს გათვალისწინებული მთელი შენობისათვის. გარდა ამისა, ცალკეული სამუშაო ადგილისათვის უნდა მოეწყოს ადგილობრივი განათება. ხელოვნური განათება ხორციელდება ლუმინესცენტური და ვარვარების ნათურებით დანართი 1-ის ცხრილი 2-ის შესაბამისად.“

2. მე-9 პუნქტი ჩამოყალიბდეს შემდეგი რედაქციით:

,,9. აღჭურვილობა უნდა განთავსდეს კედლიდან ისეთი დაშორებით, რომ შესაძლებელი იყოს მისი დასუფთავება, დეზინფექცია და შეკეთება. აღჭურვილობამ არ უნდა შეაფერხოს განათების შეღწევადობა და არ ჩახერგოს გასასვლელები. კონკრეტულ საწარმო სათავსებში არ დაიშვება იმ მანქანების, აპარატების და სხვათა განთავსება, რომლებიც არ არიან დაკავშირებული მოცემული საწარმო სათავსის ტექნოლოგიურ პროცესთან.“.

მუხლი 2. ბრძანება ამოქმედდეს გამოქვეყნებისთანავე.

ლ. ჭიპაშვილი