,,საქართველოში აქციზური მარკების აღრიცხვის, რეალიზაციისა და კონტროლის წესის შესახებ“ დებულების დამტკიცების თაობაზე“ საქართველოს ფინანსთა მინისტრის 2007 წლის 3 მაისის №460 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 200.120.000.22.033.010.524

საქართველოს ფინანსთა მინისტრის

ბრძანება №779

2007 წლის 2 ივლისი

ქ. თბილისი

,,საქართველოში აქციზური მარკების აღრიცხვის, რეალიზაციისა და კონტროლის წესის შესახებ“ დებულების დამტკიცების თაობაზე“ საქართველოს ფინანსთა მინისტრის 2007 წლის 3 მაისის №460 ბრძანებაში ცვლილებების შეტანის თაობაზე

,,ნორმატიული აქტების შესახებ” საქართველოს კანონის 36-ე მუხლის შესაბამისად, ვბრძანებ:

1. საქართველოს ფინანსთა მინისტრის 2007 წლის 3 მაისის №460 ბრძანებით დამტკიცებულ ,,საქართველოში აქციზური მარკების აღრიცხვის, რეალიზაციისა და კონტროლის წესის შესახებ“ დებულებაში (სსმ III, 07.05.07, №62, მუხლი 702) შეტანილ იქნეს შემდეგი ცვლილებები:

ა) მე-4 მუხლის პირველი პუნქტი ჩამოყალიბდეს შემდეგი რედაქციით:

,,1. მეწარმე სუბიექტები, რომლებიც აწარმოებენ აქციზური მარკებით ნიშანდებას დაქვემდებარებულ აქციზურ საქონელს ან ახორციელებენ მის იმპორტს, ვალდებულნი არიან ამ დებულების შესაბამისად, საგადასახადო აღრიცხვის მიხედვით საგადასახადო ინსპექციებში წარადგინონ ანგარიში (აქციზის ყოველთვიური დეკლარაციის №2 დანართი ადგილობრივი წარმოებისათვის და დანართი №10 იმპორტის შემთხვევაში) აქციზური მარკების გამოყენების შესახებ”.

ბ) მე-4 მუხლის მე-3 პუნქტი ჩამოყალიბდეს შემდეგი რედაქციით:

,,3. ანგარიშები წარედგინება გადამხდელის საგადასახადო აღრიცხვის მიხედვით საგადასახადო ინსპექციას, ხოლო იმპორტის შემთხვევაში საგადასახადო ინსპექციასა და საბაჟო ორგანოებს”.

გ) ამოღებულ იქნეს მე-4 მუხლის მე-4 პუნქტი.

2. ბრძანება ამოქმედდეს 2007 წლის 1 აგვისტოდან.

ა. ალექსიშვილი