დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „ნოტარიუსობის კანდიდატთა საკვალიფიკაციო გამოცდის ჩატარების წესისა და ნოტარიუსობის კანდიდატის კონკურსის წესით შერჩევის შესახებ დებულებებისა და ნოტარიუსობის კანდიდატთა საკვალიფიკაციო გამოცდის პროგრამის დამტკიცების თაობაზე“ საქართველოს იუსტიციის მინისტრის 2002 წლის 6 ივნისის №422 ბრძანებაში ცვლილებების შეტანის თაობაზე | |
|---|---|
| დოკუმენტის ნომერი | 163 |
| დოკუმენტის მიმღები | საქართველოს იუსტიციის მინისტრი |
| მიღების თარიღი | 06/06/2007 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | სსმ, 80, 08/06/2007 |
| ძალის დაკარგვის თარიღი | 01/04/2010 |
| სარეგისტრაციო კოდი | 170.050.000.22.027.010.414 |
სახელმწიფოსარეგისტრაციო კოდი 170.050.000.22.027.010.414
საქართველოს იუსტიციის
მინისტრის ბრძანება №163
2007 წლის 6 ივნისი
ქ. თბილისი
„ნოტარიუსობის კანდიდატთა საკვალიფიკაციო გამოცდის ჩატარების წესისა და ნოტარიუსობის კანდიდატის კონკურსის წესით შერჩევის შესახებ დებულებებისა და ნოტარიუსობის კანდიდატთა საკვალიფიკაციო გამოცდის პროგრამის დამტკიცების თაობაზე“ საქართველოს იუსტიციის მინისტრის 2002 წლის 6 ივნისის №422 ბრძანებაში ცვლილებების შეტანის თაობაზე
„ნოტარიატის შესახებ“ საქართველოს კანონის მე-12 მუხლის მე-6 პუნქტის, მე-13 მუხლისა და „ნორმატიული აქტების შესახებ“ საქართველოს კანონის 36-ე მუხლის შესაბამისად, ვბრძანებ:
მუხლი 1.
„ნოტარიუსობის კანდიდატთა საკვალიფიკაციო გამოცდის ჩატარების წესისა და ნოტარიუსობის კანდიდატის კონკურსის წესით შერჩევის შესახებ დებულებებისა და ნოტარიუსობის კანდიდატთა საკვალიფიკაციო გამოცდის პროგრამის დამტკიცების თაობაზე“ საქართველოს იუსტიციის მინისტრის 2002 წლის 6 ივნისის №422 ბრძანებით (სსმ III, 2002 წ., №57, მუხ. 527) დამტკიცებული ნოტარიუსობის კანდიდატის კონკურსის წესის მე-4 მუხლი ჩამოყალიბდეს შემდეგი რედაქციით:
„მუხლი 4. მოთხოვნები, რომელიც კონკურსის დროს წაეყენებათ ნოტარიუსობის კანდიდატებს
1. კონკურსში მონაწილეობისათვის დაიშვება უმაღლესი იურიდიული განათლების მქონე საქართველოს მოქალაქე, რომელსაც გავლილი აქვს სტაჟირება „ნოტარიატის შესახებ“ საქართველოს კანონით დადგენილი წესით და ჩაბარებული აქვს ნოტარიუსობის საკვალიფიკაციო გამოცდა.
2. კონკურსში მონაწილეობის მისაღებად დაიშვებიან აგრეთვე პირები, რომლებსაც აქვთ სამეცნიერო ხარისხი სამოქალაქო, საერთაშორისო კერძო სამართლის ან სამოქალაქო საპროცესო სამართლის სპეციალობით და გავლილი აქვთ „ნოტარიატის შესახებ“ საქართველოს კანონის 27-ე მუხლის მე-2 პუნქტითა და 28-ე მუხლით გათვალისწინებული სტაჟირება.“.
მუხლი 2.
ეს ბრძანება ამოქმედდეს გამოქვეყნებისთანავე.
გ. ქავთარაძე
დოკუმენტის კომენტარები