დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
| სპეციალური პენიტენციური სამსახურის იმ თანამდებობების ნუსხის, რომლებზედაც პირები ინიშნებიან უკონკურსოდ, გამოსაცდელი ვადისა და სასწავლო კურსის გავლის გარეშე და ამ თანამდებობებზე მათი დანიშვნის წესის დამტკიცების შესახებ | |
|---|---|
| დოკუმენტის ნომერი | 1264 |
| დოკუმენტის მიმღები | საქართველოს იუსტიციის მინისტრი |
| მიღების თარიღი | 17/11/2026 |
| დოკუმენტის ტიპი | საქართველოს მინისტრის ბრძანება |
| გამოქვეყნების წყარო, თარიღი | ვებგვერდი, 17/11/2026 |
| სარეგისტრაციო კოდი | 010320040.22.027.017745 |
|
პენიტენციური კოდექსის მე-12 მუხლის მე-9 ნაწილის „ა.დ“ ქვეპუნქტისა და „ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „ბ“ ქვეპუნქტის შესაბამისად ვბრძანებ: |
1.
დამტკიცდეს საქართველოს იუსტიციის სამინისტროს სისტემაში შემავალი სახელმწიფო საქვეუწყებო დაწესებულების – სპეციალური პენიტენციური სამსახურის იმ თანამდებობების ნუსხა, რომლებზედაც პირები ინიშნებიან უკონკურსოდ, გამოსაცდელი ვადისა და სასწავლო კურსის გავლის გარეშე და ამ თანამდებობებზე მათი დანიშვნის თანდართული წესი. |
2.
ძალადაკარგულად გამოცხადდეს „სპეციალური პენიტენციური სამსახურის სპეციალური დანაყოფების იმ თანამდებობათა ნუსხის, რომლებზეც პირები ინიშნებიან უკონკურსოდ, გამოსაცდელი ვადისა და სასწავლო კურსის გავლის გარეშე და ამ თანამდებობებზე მათი დანიშვნის წესის შესახებ“ საქართველოს იუსტიციის მინისტრის 2019 წლის 22 ნოემბრის №461 ბრძანება. |
3.
ეს ბრძანება ამოქმედდეს გამოქვეყნებისთანავე. |
|
სპეციალური პენიტენციური სამსახურის იმ თანამდებობების ნუსხა, რომლებზედაც პირები ინიშნებიან უკონკურსოდ, გამოსაცდელი ვადისა და სასწავლო კურსის გავლის გარეშე და ამ თანამდებობებზე მათი დანიშვნის წესი
მუხლი 1. იმ თანამდებობების ნუსხა, რომლებზედაც პირები ინიშნებიან უკონკურსოდ, გამოსაცდელი ვადისა და სასწავლო კურსის გავლის გარეშე საქართველოს იუსტიციის სამინისტროს სისტემაში შემავალ სახელმწიფო საქვეუწყებო დაწესებულებაში – სპეციალურ პენიტენციურ სამსახურში უკონკურსოდ, გამოსაცდელი ვადისა და სასწავლო კურსის გავლის გარეშე, ინიშნებიან სპეციალური პენიტენციური სამსახურის შემდეგ თანამდებობებზე:
მუხლი 2. თანამდებობაზე დანიშვნის საფუძველი ამ წესით განსაზღვრულ თანამდებობაზე კანდიდატი ინიშნება პირადი განცხადების საფუძველზე, თუ იგი აკმაყოფილებს შესაბამისი თანამდებობისათვის საქართველოს კანონმდებლობით დადგენილ მოთხოვნებს.
მუხლი 3. სპეციალური შემოწმება ამ წესით განსაზღვრულ თანამდებობაზე დასანიშნი პირი (კანდიდატი) გადის სპეციალურ შემოწმებას.
მუხლი 4. თანამდებობაზე დანიშვნა ამ წესით განსაზღვრულ თანამდებობაზე კანდიდატი ინიშნება მისი დანიშვნის უფლებამოსილების მქონე პირის მიერ, საქართველოს კანონმდებლობით დადგენილი წესის შესაბამისად. | ||||||||||||||||||||||||||||||||||||||||||||||||||||||||||||||||||||||
უკან დაბრუნება
დოკუმენტის კომენტარები