დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
| „საბაჟო ფორმალობის განხორციელებისთვის საჭირო სხვა ადგილების საბაჟო კონტროლის ზონად განსაზღვრის შესახებ“ შემოსავლების სამსახურის უფროსის 2020 წლის 12 თებერვლის №3386 ბრძანებაში ცვლილების შეტანის თაობაზე | |
|---|---|
| დოკუმენტის ნომერი | 25628 |
| დოკუმენტის მიმღები | შემოსავლების სამსახური |
| მიღების თარიღი | 06/11/2026 |
| დოკუმენტის ტიპი | შემოსავლების სამსახურის ინდივიდუალურ-ადმინისტრაციული აქტი |
| გამოქვეყნების წყარო, თარიღი | ვებგვერდი, 10/11/2026 |
| სარეგისტრაციო კოდი | 000000000.00.00.016818 |
სსიპ – შემოსავლების სამსახურის უფროსის
ბრძანება №25628
2026 წლის 6 ნოემბერი
ქ. თბილისი
„საბაჟო ფორმალობის განხორციელებისთვის საჭირო სხვა ადგილების საბაჟო კონტროლის ზონად განსაზღვრის შესახებ“ შემოსავლების სამსახურის უფროსის 2020 წლის 12 თებერვლის №3386 ბრძანებაში ცვლილების შეტანის თაობაზე
საქართველოს ზოგადი ადმინისტრაციული კოდექსის 63-ე მუხლისა და „საჯარო სამართლის იურიდიული პირის – შემოსავლების სამსახურის დებულების დამტკიცების შესახებ“ საქართველოს ფინანსთა მინისტრის 2011 წლის 23 მაისის №303 ბრძანებით დამტკიცებული დებულების მე-3 მუხლის მე-2 პუნქტის „უ“ ქვეპუნქტის საფუძველზე, ვბრძანებ:
1. „საბაჟო ფორმალობის განხორციელებისთვის საჭირო სხვა ადგილების საბაჟო კონტროლის ზონად განსაზღვრის შესახებ“ შემოსავლების სამსახურის უფროსის 2020 წლის 12 თებერვლის №3386 ბრძანებაში შეტანილ იქნეს ცვლილება და ამ ბრძანების 22 პუნქტის შემდეგ დაემატოს შემდეგი შინაარსის 23 პუნქტი:
„23. 65.10.40.248 საკადასტრო კოდზე მდებარე საბაჟო საწყობებისა (დანიშნულების კოდები: GET94, GET95, GET96 და GET97) და სავაგონო სასწორის (სიტუაციურ გეგმა-ნახაზზე აღნიშნული შენობა-ნაგებობა №7.11) დამაკავშირებელი, 1 435 მმ სიგანის მისასვლელი ლიანდაგი, აგრეთვე აღნიშნული სავაგონო სასწორი, რომელზეც ხორციელდება საბაჟო საწყობებიდან გადაადგილებული, საბაჟო ზედამხედველობის ქვეშ მყოფი საქონლით დატვირთული სარკინიგზო ვაგონების აწონვა, განისაზღვროს საბაჟო კონტროლის ზონებად.“.
2. ეს ბრძანება ამოქმედდეს ხელმოწერისთანავე.
სამსახურის უფროსი მამუკა ბარათაშვილი
უკან დაბრუნება
დოკუმენტის კომენტარები