საქართველოს სახელმწიფო უსაფრთხოების სამსახურის ეკონომიკური დეპარტამენტის დებულების დამტკიცების თაობაზე

2. დეპარტამენტს შესაძლებელია ჰქონდეს ბეჭედი სამსახურის გერბის გამოსახულებითა და დეპარტამენტის სახელწოდებით.

3. დეპარტამენტს შესაძლებელია ჰქონდეს ბლანკი საქართველოს მცირე სახელმწიფო გერბის, სამსახურის გერბის, სახელწოდებისა და მისამართის აღნიშვნით.

4. დეპარტამენტი ანგარიშვალდებულია საქართველოს სახელმწიფო უსაფრთხოების სამსახურის უფროსის და კურატორი სამსახურის უფროსის მოადგილის წინაშე.

ა) სამსახურის დანაყოფების მატერიალურ-ტექნიკური და ფინანსური მომსახურება, სამსახურის სამეურნეო საქმიანობის ორგანიზება;

ბ) სახელმწიფო შესყიდვების განხორციელება;

გ) სამსახურის ყოველი მომდევნო წლის ბიუჯეტის პროექტის შემუშავება და მისი დროული წარდგენის უზრუნველყოფა;

დ) ფინანსური ანგარიშგების (ბალანსის) შედგენა და შესაბამის დაწესებულებაში მისი დროული წარდგენის უზრუნველყოფა;

ე) საბიუჯეტო სახსრების მოზიდვა, საბიუჯეტო ასიგნებათა განაწილება და ეკონომიკური კლასიფიკაციის მიხედვით მის ხარჯვაზე კონტროლის განხორციელება;

ვ) სამსახურის საბიუჯეტო ასიგნებებში (დამტკიცებულ გეგმებში) საჭიროების მიხედვით ცვლილებების განხორციელება კანონმდებლობით დადგენილი წესით;

ზ) ბუღალტრული აღრიცხვის სწორი ორგანიზება და სამსახურის მოსამსახურეთა შრომის ანაზღაურების  დარიცხვა და დროული გაცემა;

თ) ბუღალტრული აღრიცხვის წარმოება, პირველადი დოკუმენტების შედგენა ოპერაციის განხორციელების მომენტში, შემოსული პირველადი საბუთების აუცილებელი შემოწმება დადგენილი წესით;

ი) ბუღალტრული დოკუმენტების, აღრიცხვის რეგისტრების, ხარჯთა ნუსხების, მათი გაანგარიშებების და სხვა საბუთების შენახვა და დადგენილი წესით არქივში ჩაბარება;

კ) კანონმდებლობით დადგენილი წესით, კომპეტენციის ფარგლებში სამსახურის ბალანსზე რიცხული სახელმწიფო ქონების მართვა, აგრეთვე  სარგებლობაში გადაცემის ორგანიზაციული უზრუნველყოფა;

ლ) კომპეტენციის ფარგლებში სამსახურის ძირითადი საშუალებების, ფულადი სახსრებისა და სასაქონლო მატერიალური ფასეულობების ინვენტარიზაციის ჩატარების ორგანიზება კანონმდებლობით დადგენილ ვადებში;

მ) სამსახურის ბალანსზე არსებული ინფრასტრუქტურული ობიექტების, შენობა-ნაგებობების მდგომარეობის შესახებ მონაცემების შეგროვება და ანალიზი, მათი რეკონსტრუქციის, კაპიტალური სამშენებლო სამუშაოების, მიმდინარე სარემონტო სამუშაოების შესახებ წინადადებებისა და მოთხოვნების შესწავლა/ანალიზი და კომპეტენციის ფარგლებში საპროექტო მომსახურების, კაპიტალური სამშენებლო, სამშენებლო-სარემონტო სამუშაოების დაგეგმვა,  ორგანიზება და შესრულების კონტროლი კანონმდებლობით დადგენილი წესით;

ნ) სამსახურის ბალანსზე არსებული შენობა-ნაგებობების მიმდინარე სარემონტო სამუშაოების ჩატარება, ხარჯთაღრიცხვის/დეფექტური აქტის შედგენა, საჭირო სამშენებლო მასალების შეძენა და ნორმირებული ხარჯვის კონტროლი;

ო) სამსახურის ამოცანებისა და ფუნქციების შესრულების ხელშეწყობის მიზნით, წლიური საბიუჯეტო კანონით დამტკიცებული ასიგნებების ფარგლებში, „სახელმწიფო შესყიდვების შესახებ“ საქართველოს კანონითა და შესაბამისი ნორმატიული აქტებით დადგენილი წესით სახელმწიფო შესყიდვების განხორციელება და მატერიალურ-ტექნიკური უზრუნველყოფა; სამსახურის მიერ დაგეგმილი გამარტივებული შესყიდვის, გამარტივებული ელექტრონული ტენდერის და ელექტრონული ტენდერის, კონკურსის, ასევე კონსოლიდირებული ტენდერის, ერთიანი ელექტრონული ტენდერის საშუალებით სახელმწიფო შესყიდვის განხორციელებისათვის საჭირო დოკუმენტაციის შედგენა, აღრიცხვა და შენახვა; საიდუმლო შესყიდვების განხორციელება;

პ) სამსახურის ეკონომიკური საქმიანობის ორგანიზება, სასაწყობო მეურნეობის სწორი წარმართვა, სასაქონლო-მატერიალურ ფასეულობათა და ფულად საშუალებათა მიღების, აღრიცხვის, გამოყენების, შენახვისა და დაცვის ოპერაციების კანონმდებლობის მოთხოვნათა შესაბამისად გაფორმება;

ჟ) მოქმედი კანონმდებლობის თანახმად სამსახურის ადმინისტრაციასთან კოორდინაციით ახორციელებს საიდუმლო საქმისწარმოების ორგანიზებას;

რ) სამსახურის დანაყოფების საკანცელარიო ნივთებით, ინვენტარით, ოპერატიულ-­ტექნიკური და კავშირგაბმულობის საშუალებებით, კომპიუტერული ტექნიკითა და სხვა ორგტექნიკით, სატრანსპორტო საშუალებებით, საკვები პროდუქტებით და სხვა მატერიალური საშუალებებით უზრუნველყოფა;

ს) სამსახურის ბალანსზე რიცხული ავტოსატრანსპორტო საშუალებების აღრიცხვაზე დაყენება, აღრიცხვიდან მოხსნა, ტექნიკური გამართულობის შემოწმება და შეკეთება; ავტომეურნეობის საჭირო სათადარიგო ნაწილებითა და საწვავ-­საცხები მასალებით უზრუნველყოფა;

ტ) სამსახურის დანაყოფების იარაღით, საბრძოლო მასალით და აღჭურვილობით უზრუნველყოფა და მის ბრუნვაზე კონტროლის განხორციელება;

უ) სამსახურის დანაყოფების ფინანსური და მატერიალურ-ტექნიკური უზრუნველყოფა;

ფ) სამსახურის მმართველობის სფეროში შემავალი საჯარო სამართლის იურიდიული პირებისა და სახელმწიფო საქვეუწყებო დაწესებულების მიერ, შესაბამისი კომპეტენციების განსაზღვრის თაობაზე სამსახურის უფროსის ბრძანების ან სხვა სამართლებრივი აქტის საფუძველზე, განხორციელებული საფინანსო-ეკონომიკური საქმიანობის კოორდინაცია კანონმდებლობის შესაბამისად;

ქ) საქართველოს კანონმდებლობის შესაბამისად სხვა ფუნქციების განხორციელება. 

ა) სამსახურის ბიუჯეტის პროექტის შედგენის, დაფინანსების, ანგარიშგების, მატერიალურ-ტექნიკური უზრუნველყოფის, სამშენებლო-სარემონტო სამუშაოების და სახელმწიფო შესყიდვების განხორციელების ცალკეული საკითხების განხილვისა და გადაწყვეტის პროცესში მიიღოს საჭირო მონაცემები და ინფორმაცია და/ან შესაბამისი განმარტებების მისაცემად მოიწვიოს სამსახურის დანაყოფების უფლებამოსილი თანამშრომლები;

ბ) გამოითხოვოს და მიიღოს სამსახურის სტრუქტურული ქვედანაყოფებიდან, ტერიტორიული ორგანოებიდან (არსებობის შემთხვევაში), სამსახურის მმართველობის სფეროში შემავალი საჯარო სამართლის იურიდიული პირებისგან და სახელმწიფო საქვეუწყებო დაწესებულებისგან კანონმდებლობით განსაზღვრული ინფორმაცია და სხვა დოკუმენტები;

გ) მონაწილეობა მიიღოს სამსახურში შექმნილი დროებითი ან მუდმივმოქმედი კომისიების მუშაობაში;

დ) სამსახურის ხელმძღვანელობას დადგენილი წესის შესაბამისად წარუდგინოს სათანადო წინადადებები სამართლებრივი აქტის შემუშავებისა და გამოცემის თაობაზე;

ე) მის წინაშე მდგარი ამოცანების შესრულებისას, კანონმდებლობით დადგენილი წესით, კომპეტენციის ფარგლებში, საქმიანი ურთიერთობები დაამყაროს და ითანამშრომლოს საქართველოს პარლამენტის, მთავრობის ადმინისტრაციის, პრეზიდენტის ადმინისტრაციის, სამინისტროების, სხვა უწყებების, სახელმწიფო რწმუნებულების, ადგილობრივი თვითმმართველობის ორგანოების, აგრეთვე საერთაშორისო ორგანიზაციებისა და საზღვარგარეთის ქვეყნების შესაბამის ქვედანაყოფებთან;

ვ) სამსახურის უფროსისა და კურატორი სამსახურის უფროსის  მოადგილის სპეციალური და ოპერატიული, აგრეთვე სხვა დავალებების შესაბამისად, ცალკეული საკითხის მომზადებისას იმუშაოს დამოუკიდებლად ან სამსახურის სხვა დანაყოფთან ერთად;

ზ) კომპეტენციის ფარგლებში დაგეგმოს პროექტები, რომლებიც ხელს შეუწყობენ სამსახურის პოლიტიკის ეფექტურ რეალიზებას;

თ) კომპეტენციის ფარგლებში განახორციელოს სამსახურის უფროსის და/ან კურატორი სამსახურის უფროსის მოადგილის მიერ ხელმოსაწერი დოკუმენტების ვიზირება;

ი) მოქმედი კანონმდებლობით დადგენილ ფარგლებში, დაკისრებული ფუნქციებისა და ამოცანების შესრულების მიზნით, განახორციელოს სხვა უფლებამოსილებანი.

2. დეპარტამენტის დირექტორი თავისი კომპეტენციის ფარგლებში:

ა) წარმოადგენს დეპარტამენტს მასზე დაკისრებული უფლება-მოვალეობების განხორციელებისას;

ბ) საერთო ხელმძღვანელობას უწევს დეპარტამენტის საქმიანობას და კოორდინაციას უწევს (მოადგილეების მეშვეობით) დეპარტამენტის სტრუქტურული დანაყოფების კომპეტენციას მიკუთვნებული საკითხების შესრულებას;

გ) კანონმდებლობით დადგენილი წესით უზრუნველყოფს დეპარტამენტში დასანიშნი კანდიდატების განხილვას და შერჩევას, ხოლო აღნიშნული ღონისძიებების განსახორციელებლად და მასთან დაკავშირებული ზოგიერთი პროცედურული  საკითხის მოსაწესრიგებლად, თავის კომპეტენციის ფარგლებში გამოსცემს შესაბამის ინდივიდუალურ ადმინისტრაციულ-სამართლებრივ აქტს; სამსახურის უფროსს, კურატორი სამსახურის უფროსის მოადგილესთან შეთანხმებით, წარუდგენს დეპარტამენტის შესაბამის თანამდებობებზე დასანიშნ კანდიდატებს/მოსამსახურეებს, ასევე მოსამსახურეთა მივლინების საკითხებს. უზრუნველყოფს სასწავლო კურსებზე გასაგზავნ მოსამსახურეთა შერჩევას. კურატორი სამსახურის უფროსის მოადგილესთან შეთანხმებით სამსახურის უფროსს დასამტკიცებლად წარუდგენს დეპარტამენტის ან/და მასში შემავალი დანაყოფის (დანაყოფების) სამსახურებრივ ინსტრუქციას/რეგლამენტს მოსამსახურეთა ძირითადი ფუნქცია­-მოვალეობების განსაზღვრის შესახებ; დეპარტამენტის პირად შემადგენლობას განუსაზღვრავს კონკრეტულ/პერსონალურ ფუნქცია-­მოვალეობებს; დეპარტამენტში პირის შტატგარეშე მოსამსახურედ მიღებისას ადგენს შრომითი ხელშეკრულების პირობებს;

დ) კანონმდებლობით დადგენილი წესით სამსახურის უფროსს, კურატორი სამსახურის უფროსის მოადგილესთან შეთანხმებით, წარუდგენს წინადადებებს დეპარტამენტის თანამშრომელთა წახალისების ან მათი დისციპლინური პასუხისმგებლობის თაობაზე;

ე) შუამდგომლობს სამსახურის უფროსთან და/ან კურატორი სამსახურის უფროსის მოადგილესთან დეპარტამენტის მოსამსახურეთა კვალიფიკაციის ამაღლებისა და გადამზადების შესახებ;

ვ) დადგენილი წესის მიხედვით იხილავს შემოსულ კორესპონდენციას და იღებს შესაბამის გადაწყვეტილებას;

ზ) ხელს აწერს ან ვიზას ადებს დეპარტამენტში მომზადებულ დოკუმენტებს;

თ) კომპეტენციის ფარგლებში გამოსცემს ინდივიდუალურ ადმინისტრაციულ-სამართლებრივ აქტებს;

ი) კურატორი სამსახურის უფროსის  მოადგილესთან შეთანხმებით სამსახურის უფროსს დასამტკიცებლად წარუდგენს დეპარტამენტის სტრუქტურას და საშტატო განრიგს;

კ) სამსახურის ხელმძღვანელობის წინაშე შუამდგომლობს იმ ფინანსური სახსრებისა და მატერიალური ფასეულობების გამოყოფის თაობაზე, რომელიც საჭიროა დეპარტამენტის ამოცანების შესასრულებლად;

ლ) პერიოდულად ისმენს დეპარტამენტში შემავალი დანაყოფების უფროსების ანგარიშს მათ მიერ გაწეული მუშაობის შესახებ;

მ) სამსახურის ხელმძღვანელობას წარუდგენს წინადადებებს იმ საკითხებზე, რომლებიც დეპარტამენტის კომპეტენციას განეკუთვნება;

ნ) ასრულებს სამსახურის უფროსის და კურატორი სამსახურის უფროსის მოადგილის ცალკეულ მითითებებსა და დავალებებს;

ო) საქართველოს კანონმდებლობის შესაბამისად ახორციელებს სხვა უფლებამოსილებებს. 

2. დეპარტამენტის დირექტორის მოადგილეთა რაოდენობა განისაზღვრება სამსახურის უფროსის მიერ დამტკიცებული საშტატო ნუსხით.

3. დეპარტამენტის დირექტორის მოადგილეები ხელს უწყობენ დეპარტამენტის დირექტორს, მასზე დაკისრებულ უფლება-მოვალეობათა განხორციელების დაგეგმვა–კოორდინაციასა და ორგანიზებაში.

4. დეპარტამენტის დირექტორის არყოფნისას დირექტორის მოვალეობას სამსახურის უფროსის ან კურატორი სამსახურის უფროსის  მოადგილის დავალებით ასრულებს დეპარტამენტის დირექტორის ერთ-ერთი მოადგილე.

5. დეპარტამენტის დირექტორის მოადგილე სამსახურის უფროსის გადაწყვეტილებით იმავდროულად შეიძლება იყოს დეპარტამენტის ერთ-ერთი დანაყოფის უფროსი.

6. დეპარტამენტის დირექტორის მოადგილეები პასუხისმგებელნი არიან მათ საკურატორო სფეროში შემავალი დანაყოფების მიერ გაწეულ საქმიანობაზე.

7. დეპარტამენტის დირექტორის მოადგილეები ხელს აწერენ ან ვიზას ადებენ მათ საკურატორო სფეროში შემავალი დანაყოფების მიერ მომზადებულ დოკუმენტებს.

8. დეპარტამენტის დირექტორის მოადგილეები ახორციელებენ დეპარტამენტის დირექტორის, კურატორი სამსახურის უფროსის  მოადგილისა და სამსახურის უფროსის მითითებებსა და დავალებებს და კანონმდებლობით განსაზღვრულ სხვა ფუნქციებს.

2. სტრუქტურული დანაყოფის უფროსი თავისი კომპეტენციის ფარგლებში:

ა) წარმართავს დანაყოფის  საქმიანობას;

ბ) უშუალოდ ამზადებს გადაწყვეტილებას მასზე დაწერილ დოკუმენტაციაზე ან ანაწილებს მათ დანაყოფის მოსამსახურეებს შორის;

გ) ახორციელებს ზედამხედველობას და პასუხისმგებელია დანაყოფის მიერ გაწეულ საქმიანობაზე და მოსამსახურეთა მიერ სამსახურებრივი მოვალეობების ჯეროვან შესრულებაზე; 

დ) დეპარტამენტის დირექტორს ან/და კურატორ  დეპარტამენტის დირექტორის მოადგილეს პერიოდულად წარუდგენს ანგარიშს დანაყოფის მიერ გაწეული საქმიანობის თაობაზე;

ე) ხელს აწერს ან ვიზას ადებს დანაყოფში  მომზადებულ დოკუმენტებს;

ვ) ახორციელებს  დეპარტამენტის კურატორი დირექტორის  მოადგილის, დეპარტამენტის დირექტორის, კურატორი სამსახურის უფროსის  მოადგილის და სამსახურის უფროსის ცალკეულ მითითებებსა და დავალებებს და კანონმდებლობით განსაზღვრულ სხვა ფუნქციებს.

3. სტრუქტურული დანაყოფის უფროსს შესაძლოა ჰყავდეს მოადგილე ან მოადგილეები, რომელსაც დეპარტამენტის დირექტორის წარდგინებით თანამდებობაზე ნიშნავს და თანამდებობიდან ათავისუფლებს სამსახურის უფროსი.

4. სტრუქტურული დანაყოფის უფროსის მოადგილეთა რაოდენობა განისაზღვრება სამსახურის უფროსის მიერ დამტკიცებული საშტატო ნუსხით.

ა) ფინანსებისა და შესყიდვების მთავარი სამმართველო;

ბ) მატერიალურ-ტექნიკური უზრუნველყოფის მთავარი სამმართველო;

გ) შეიარაღების სამსახური;

დ) სამშენებლო მთავარი სამმართველო;

ე) ორგანიზაციული უზრუნველყოფის განყოფილება;

ვ) ტრანსპორტის მთავარი სამმართველო.

ა) სამსახურის ბალანსზე რიცხული, აგრეთვე სამსახურის საწყობში და საწყობგარეშე მატერიალური ფასეულობების ბუღალტრული აღრიცხვა;

ბ) მიღებული საგადასახდო მოთხოვნებისა და შესაბამისი პირველადი დოკუმენტაციის ბუღალტრული გატარების უზრუნველყოფა;

გ) მოქმედი კანონმდებლობისა და ინვენტარიზაციის შედეგების გათვალისწინებით საბუღალტრო მონაცემებში შესაბამისი ცვლილებების განხორციელება;

დ) სამსახურის მიერ დადებული საიჯარო ხელშეკრულებების საფუძველზე სამსახურის სადეპოზიტო ანგარიშზე ჩარიცხული თანხების კონტროლი;

ე) ფინანსური აქტივებისა და ვალდებულებების ინვენტარიზაცია;

ვ) სამსახურის მმართველობის სფეროში შემავალი საჯარო სამართლის იურიდიული პირების და სახელმწიფო საქვეუწყებო დაწესებულების მიერ წარმოდგენილი წლიური ანგარიშგებების საფუძველზე ნაერთი ბალანსის მომზადება და კანონმდებლობით განსაზღვრულ ვადებში საქართველოს ფინანსთა სამინისტროს სახაზინო სამსახურში წარდგენა;

ზ) სამსახურის მოსამსახურეთა ფულადი უზუნველყოფა;

თ) კანონმდებლობით დადგენილი წესით წარმომადგენლობითი ხარჯების დაფინანსება;

ი) კომპეტენციის ფარგლებში სტატისტიკური ინფორმაციისა და დეკლარაციების მომზადება და შესაბამის დაწესებულებებში წარდგენა;

კ) შესაბამისი პირველადი დოკუმენტების შემოწმება, დამუშავება, ბუღალტრული აღრიცხვის წარმოება;

ლ) სალაროს ოპერაციების წარმოება;

მ) კომპეტენციის ფარგლებში კომერციულ ბანკებთან ურთიერთობა;

ნ) კანონმდებლობით დადგენილი წესით ბუღალტრული დოკუმენტების, ბრძანებების, მემორიალური ორდერების, რეესტრების  და სხვა დოკუმენტების შენახვა და დადგენილი წესით არქივში ჩაბარება;

ო) კომპეტენციის ფარგლებში სახელმწიფო შესყიდვების შესახებ ხელშეკრულებების პროექტების ფინანსური პარამეტრების შემოწმება, გამოყოფილი ასიგნების ფარგლებში გაფორმებული სახელმწიფო შესყიდვების შესახებ ხელშეკრულების შესაბამისი ვალდებულების დოკუმენტების მომზადება;

პ) სახელმწიფო შესყიდვის შესახებ ხელშეკრულებების შესაბამისად ანგარიშსწორებისათვის საჭირო დოკუმენტების დამუშავება და შესაბამისი საგადასახდო მოთხოვნების მომზადება;

ჟ) სამსახურის მიმდინარე ფინანსური მდგომარეობის ანალიზის მიზნით ნაერთი ცხრილების შედგენა და დეპარტამენტის ხელმძღვანელობისათვის წარდგენა;

რ) მიღებული ინფორმაციის დამუშავების საფუძველზე სახელმწიფო შესყიდვის შესახებ ხელშეკრულებების შესრულების ვადების გადაცილების შემთხვევაში ინფორმაციაზე დროული რეაგირება;

ს) ქვეყნის ძირითადი მონაცემებისა და მიმართულებების დოკუმენტში სამსახურის პრიორიტეტების ასახვის მიზნით, სამსახურის საშუალოვადიანი სამოქმედო გეგმების და პროგრამების გასული ორი წლის შეფასების, მიმდინარე წლის სამოქმედო გეგმისა და მომდევნო სამი წლის შესახებ ინფორმაციების დამუშავება და საქართველოს ფინანსთა სამინისტროში წარდგენა;

ტ) სამსახურის პრიორიტეტებისა და დანაყოფების მოთხოვნების საფუძველზე სამსახურის ბიუჯეტის პროექტის შემუშავება და საქართველოს ფინანსთა სამინისტროში განსახილველად წარდგენა;

უ) დადგენილი წესის შესაბამისად, სამსახურის დამტკიცებული ბიუჯეტის კვარტალური განწერის მომზადება და საქართველოს ფინანსთა სამინისტროში წარდგენა;

ფ) საჭიროებიდან გამომდინარე, სამსახურის ბიუჯეტის დამტკიცებული გეგმების დაზუსტების მიზნით, შესაბამისი ცვლილებების მომზადება და საქართველოს ფინანსთა სამინისტროში წარდგენა;

ქ) საბიუჯეტო სახსრების მოზიდვა და ეკონომიკური კლასიფიკაციის მიხედვით მათ ხარჯვაზე კონტროლის განხორციელება;

ღ) სახელმწიფო ბიუჯეტის შესახებ საქართველოს კანონით გათვალისწინებულ შეზღუდვებზე საქართველოს მთავრობასთან გამონაკლისების შეთანხმებისათვის შესაბამისი დოკუმენტაციის მომზადება;

ყ) სამსახურის მიერ გრანტის სახით მიღებული დაფინანსების ხარჯვის შესახებ ანგარიშების მომზადება;

შ) სამსახურეობრივი მოვალეობის შესრულების დროს დაშავებულ ან დაღუპულ თანამშრომლებზე და მათი ოჯახის წევრებზე განვლილ და მიმდინარე წლებში გაცემული ფულადი კომპენსაციის შესახებ ინფორმაციის მომზადება;

ჩ) სამსახურის მოსამსახურეთათვის ბინის დაქირავების მიზანშეწონილობის საკითხების განმხილველი კომისიისათვის შესაბამისი დოკუმენტაციის მომზადება და განსახილველად წარდგენა. აგრეთვე,  თანამშრომლების ბინის ქირავნობებთან და ბინის ქირის საკომპენსაციო თანხებთან დაკავშირებული ინფორმაციის შესაბამისი დოკუმენტაციის მომზდება;

ც) სამსახურის  საშტატო განრიგში ცვლილების პროექტების განხილვა და მათი ფინანსური გაანგარიშების მომზადება;

ძ) საჭიროების შემთხვევაში სამსახურის მასშტაბით შესაბამისი ფინანსური მითითებების და ინსტრუქციების პროექტების  მომზადება;

წ) კომპეტენციის ფარგლებში დეპარტამენტში შემოსული მოქალაქეთა განცხადებების, სამართლებრივი აქტების პროექტების განხილვა და შესაბამისი რეაგირება;

ჭ) მოქმედი კანონმდებლობის შესაბამისად სახელმწიფო შესყიდვების დაგეგმვა – წლიური შესყიდვების გეგმის შედგენა-დამტკიცება-კორექტირება. აგრეთვე, სახელმწიფო შესყიდვების გეგმის სახელმწიფო შესყიდვების ერთიან ელექტრონულ სისტემაში ასახვა;

ხ) შემსყიდველ ორგანიზაციებთან ერთად ერთობლივი შესყიდვის განხორციელების შესაძლებლობის შესახებ წინადადებების მომზადება და შემდგომი რეაგირების მიზნით ეკონომიკური დეპარტამენტის ხელმძღვანელობისათვის წარდგენა;

ჯ) სახელმწიფო შესყიდვების შესახებ დადებული ხელშეკრულებების და მათში განხორციელებული ცვლილებების სახელმწიფო შესყიდვების ერთიან ელექტრონულ სისტემაში ატვირთვა, ასევე ატვირთული ხელშეკრულებების შესრულების მიმდინარეობის თაობაზე სახელმწიფო შესყიდვების ერთიან ელექტრონულ სისტემაში ინფორმაციის განთავსება;

ჰ) სახელმწიფო შესყიდვების მარეგულირებელი კანონმდებლობის საფუძველზე და მისი ეფექტური შესრულების მიზნით, სახელმწიფო შესყიდვების განხორციელებასთან დაკავშირებული ცალკეული დოკუმენტების (მოთხოვნის და სხვა) ფორმების შემუშავება და შემდომი რეაგირების მიზნით ეკონომიკური დეპარტამენტისა და სამსახურის ხელმძღვანელობისათვის წარდგენა;

ჰ^​1) კომპეტენციის ფარგლებში სახელმწიფო შესყიდვების განხორციელებასთან დაკავშირებული ნორმატიული აქტების პროექტების მომზადებაში  მონაწილეობის მიღება;

ჰ^​2) კომპეტენციის ფარგლებში სატენდერო კომისიის აპარატში მონაწილეობის მიღება;

ჰ^​3) დეპარტამენტის შესაბამისი დანაყოფების მიერ წარმოდგენილი შესყიდვის ობიექტის სავარაუდო ღირებულების დადგენის/დაზუსტების, პოტენციური მიმწოდებლების გამოვლენისა და შემსყიდველი ორგანიზაციისათვის მისაღები ხელშეკრულების პირობების განსაზღვრის მიზნით ბაზრის გამოკვლევა, პოტენციური მიმწოდებლების შემოთავაზებების ანალიზი და სახელმწიფო შესყიდვების განხორციელების მიზნით დამუშავებული ინფორმაციის შემდგომი მსვლელობის მიცემა;

ჰ⁴) სახელმწიფო შესყიდვების წლიური გეგმით განსაზღვრული შესყიდვის პროცედურების „სახელმწიფო შესყიდვების შესახებ“ საქართველოს კანონითა და შესაბამისი ნორმატიული აქტების მოთხოვნათა დაცვით წარმართვა;

ჰ^​5) სახელმწიფო შესყიდვებთან დაკავშირებული ხელშეკრულებებისა და საჭიროების შემთხვევაში მათში განსახორციელებელი ცვლილებების პროექტების მომზადება და სამსახურის შესაბამის მოსამსახურეთა მიერ ვიზირებებით უზრუნველყოფა;

ჰ^​6) ეკონომიკური დეპარტამენტის მიერ დადებული სახელმწიფო შესყიდვების შესახებ ხელშეკრულებების რეგისტრაცია, შენახვა და დაცვა;

ჰ⁷) მოქმედი კანონმდებლობით დადგენილ ფარგლებში სხვა საქმიანობის განხორციელება.

2. მატერიალურ-ტექნიკური უზრუნველყოფის მთავარი სამმართველოს კომპეტენციაა:

ა) სამსახურის სარგებლობაში არსებული შენობებისა და მიმდებარე ტერიტორიებზე მდებარე მაღალი და დაბალი ძაბვის ქვესადგურების, გამართულად მუშაობის ზედამხედველობა და ამ მიზნით სადღეღამისო მორიგეობის დაწესება, დიზელ-გენერატორების ტექნიკურად გამართულობის კონტროლი და ელექტროენერგიის გათიშვის შემთხვევაში დიზელ-გენერატორების საშუალებით სამსახურის უწყვეტი ელექტოენერგიით მომარაგების უზრუნველყოფა;

ბ) სამსახურის სარგებლობაში არსებული წყლის სატუმბი მოწყობილობების, საქვაბე სისტემების, ვენტილაციისა და კონდენცირების სისტემების გამართულად მუშაობის უზრუნველყოფა, შენობებში არსებული სანტექნიკური, საკანალიზაციო და სანიაღვრე სისტემების მოვლა-პატრონობა და ამ მიზნით სადღეღამისო მორიგეობის დაწესება;

გ) სამსახურის სარგებლობაში არსებულ შენობებში სახანძრო უსაფრთხოების წესების დაცვა და მათი შესრულების  კონტროლი;

დ) სამსახურის სარგებლობაში არსებული შენობებისა და მიმდებარე ტერიტორიებზე დამონტაჟებული შეზღუდული დაშვების სისტემების და ლიფტების დეტალური რევიზია და ტექნიკური პრობლემების არსებობის შემთხვევაში მათი დროული აღმოფხვრა;

ე) სამსახურის სარგებლობაში არსებული შენობების მიმდებარე ტერიტორიებზე  არსებული მწვანე საფარის და ნარგავების მოვლა-პატრონობა. სეზონურობის გათვალისწინებით შესაბამისი ღონისძიებების გატარება, რითიც უზრუნველყოფილი იქნება მათი სიცოცხლისუნარიანობა და ესთეტიკური იერსახე;

ვ) სამსახურის სარგებლობაში არსებული  ინვენტარის, ავეჯის და სხვადასხვა მატერიალური ფასეულობების მოვლა-პატრონობა და დაზიანების შემთხვევაში შესაძლებლობის ფარგლებში შეკეთების უზრუნველყოფა;

ზ) სამსახურის სარგებლობაში არსებული შენობებისა და მიმდებარე ტერიტორიების ყოველდღიური დალაგება-დასუფთავების და სანიტარიულ-ჰიგიენური ნორმების დაცვის ზედამხედველობა;

თ) კომპეტენციის ფარგლებში გარემონტებული და მშენებლობადამთავრებული შენობების ექსპლუატაციაში მიღების ორგანიზება;

ი) საკომენდანტო სამსახურის საქმიანობის სრულყოფის მიზნით  დეპარტამენტის ხელმძღვანელობისათვის შესაბამისი წინადადებების წარდგენა;

კ) სამსახურის სარგებლობაში არსებული შენობა-ნაგებობების ექსპლუატაციასთან დაკავშირებული სახელმწიფო შესყიდვების შესახებ ხელშეკრულებების ტექნიკური პირობების მომზადება, დეპარტამენტის შესაბამის დანაყოფში გადაგზავნა და კომპეტენციის ფარგლებში სახელმწიფო შესყიდვის შესახებ ხელშეკრულებების შესრულების კონტროლის განხორციელება, შესაბამისი მიღება-ჩაბარების აქტების შედგენა და დეპარტამენტის შესაბამის დანაყოფში მიწოდება;

ლ) სამსახურის სარგებლობაში არსებული შენობა-ნაგებობების ექსპლუატაციასთან დაკავშირებული მატერიალურ-ტექნიკური უზრუნველყოფის საკითხებზე სამსახურის წლიური მოთხოვნილებების სავარაუდო მოცულობების განსაზღვრა და წლიური სახელმწიფო შესყიდვის გეგმის შედგენის მიზნით დეპარტამენტის შესაბამის დანაყოფში გადაგზავნა;

მ) სამსახურის სარგებლობაში არსებული ობიექტების ყოველთვიური კომუნალური გადასახადების (ელექტროენერგიის, წყალის, ბუნებრივი აირის, დასუფთავების მოსაკრებლის) დოკუმენტაციის დარიცხვის კონტროლი და პროცესების მართვა;

ნ) დეპარტამენტის საკომენდანტო დანაყოფების საჭიროებისათვის ხარჯვადი მცირეფასიანი მატერიალური ფასეულობების სტატისტიკის წარმოება;    

ო) კანონმდებლობით დადგენილი წესით სამსახურის მიერ  ქონების სარგებლობაში   სასყიდლით ან უსასყიდლოთ, ვადით ან უვადოთ, აუქციონის ფორმით ან მის გარეშე და სხვა ფორმებით გადაცემის, მიღების და განკარგვასთან დაკავშირებული საქმიანობის განხორციელება;

პ) სამსახურის ბალანსზე რიცხული ბინების სამსახურის მოსამსახურეთათვის სარგებლობაში გადაცემასთან დაკავშირებით შესაბამისი მიღება-ჩაბარების აქტის გაფორმება;

ჟ) სამსახურის ბალანსზე რიცხული უძრავი ქონების ინვენტარიზაცია, საინფორმაციო ბაზის შევსება, განახლება,   საბუღალტრო მონაცემების და არსებული  მგომარეობის გათვალისწინებით  შესაბამისი ცვლილებების განხორციელება, მათ შორის, საკადასტრო აზომვითი ნახაზების, გეგმების და ტექნიკური პასპორტების დამზადების უზრუნველყოფა;

რ) კანონმდებლობით დადგენილი წესით  შესაბამისი ქმედებების გატარება     ფიზიკური პირის ან კერძო სამართლის იურიდიული პირისთვის მის მიერ დაზიანებული სამსახურის სარგებლობაში/ბალანსზე არსებული მოძრავი ქონების გადაცემა სხვა ქონების სანაცვლოდ, ასევე სადაზღვევო შემთხვევის დადგომისას, დაზღვევის ხელშეკრულებით გათვალისწინებულ შემთხვევაში მოძრავი ნივთის საკუთრებაში გადაცემა მზღვეველისთვის მის მიერ დაზიანებული ნივთის იდენტური დაუზიანებელი ნივთის გადაცემის სანაცვლოდ;

ს)  კანონმდებლობით დადგენილი წესით,  ფიზიკური პირის ან კერძო სამართლის იურიდიული პირის მიერ გადაცემული ქონების (ან/და შესრულებული სამუშაოს) მიღება და შესაბამისი ქმედებების გატარება;

ტ) კომპეტენციის ფარგლებში, უფლებამოსილების მინიჭების დოკუმენტის საფუძველზე, ქონების განკარგვასთან, მიღებასთან,  გადაცემასთან, რეგისტრაციასთან  დაკავშირებული  დოკუმენტაციის, ხელშეკრულებებისა და მიღება-ჩაბარების აქტების გაფორმება;

უ) სამსახურის  ბალანსზე რიცხული ქონების  ჩამოწერის საკითხების  ორგანიზება კანონმდებლობით დადგენილი წესის შესაბამისად;

ფ) სამსახურის ქონების მართვის საკითხების შესწავლა და დეპარტამენტის ხელმძღვანელობასთან შესაბამისი წინადადებების წარდგენა;

ქ) მატერიალურ-ტექნიკური უზრუნველყოფის საკითხებზე სამსახურის დანაყოფების მოთხოვნის საფუძველზე წლიური მოთხოვნილებების სავარაუდო მოცულობების განსაზღვრა და წლიური სახელმწიფო შესყიდვის გეგმის შედგენის მიზნით დეპარტამენტის შესაბამის დანაყოფში გადაგზავნა;

ღ) დეპარტამენტის სასაწყობო სამსახურში არსებული აქტივების ნაშთების ანალიზის საფუძველზე, მარაგების შევსების მიზნით და/ან სამსახურის სტრუქტურული ქვედანაყოფების მოთხოვნის საფუძველზე საჭირო მატერიალური ფასეულობების და მომსახურების ტექნიკური მახასიათებლების განსაზღვრა/დაზუსტება, კომპეტენციის ფარგლებში სავარაუდო ღირებულების მოძიება და სახელმწიფო შესყიდვების განხორციელების მიზნით დეპარტამენტის შესაბამის დანაყოფში გადაგზავნა;  

ყ) სამსახურის დანაყოფების მოთხოვნის საფუძველზე მათი  საკანცელარიო, სამეურნეო და ჰიგიენური საქონლით, საყოფაცხოვრებო  და კომპიუტერული ტექნიკით და მათი აქსესუარებით, ბეჭდური პროდუქციით, ბეჭდებით, შტამპებით, მობილური და შიდა ქსელური მოხმარების ტელეფონებით, ოპერატიულ-ტექნიკური კავშირგაბმულობის საშუალებებით, ავეჯით, უნიფორმით და სხვა ყოველდღიური მოხმარების საქონლით უზრუნველყოფა;

შ) სამსახურის დანაყოფების მოთხოვნის საფუძველზე წარმომადგენლობითი და საპროტოკოლო ღონისძიებების კომპეტენციის ფარგლებში უზრუნველყოფა. სამსახურის შესაბამისი დანაყოფების კვების ორგანიზება და სამსახურში მოქმედი შესაბამისი სასადილოების გამართული ფუნქციონირების ზედამხედველობა;

ჩ) კომპეტენციის ფარგლებში სახელმწიფო შესყიდვის შესახებ ხელშეკრულებების შესრულების კონტროლის განხორციელება და შესაბამისი მიღება-ჩაბარების აქტების შედგენა და დეპარტამენტის შესაბამის დანაყოფში გადაგზავნა;

ც) კომპეტენციის ფარგლებში სამსახურის შესაბამის დანაყოფებში სამუშაო პირობების გაუმჯობესებისა და სრულყოფის საკითხების შესწავლა და დეპარტამენტის ხელმძღვანელობასთან შესაბამისი წინადადებების წარდგენა;

ძ) სასაწყობო მეურნეობის სწორად წარმართვის ორგანიზება;

წ) სამსახურისთვის სხვადასხვა ფორმით გადაცემული და/ან სამსახურის სისტემიდან მიღებული აქტივების (სატელეფონო სასაუბრო ბარათების, ავტოსატრანსპორტო საშუალების რეცხვის ტალონების, საწვავის ტალონებისა და საწვავის პლასტიკური ბარათების, ავტოსატრანსპორტო საშუალებებისა და სხვადასხვა ტექნიკური საშუალებების ახალი და მეორადი სათადარიგო ნაწილების, საცხებ-საპოხი მასალების, კვების პროდუქტების, სხვადასხვა ნედლეულის, მარაგების, სასადილო ინვენტარის, საოფისე ინვენტარის, ტექნიკის, სხვადასხვა მოწყობილობების და დანადგარების, ჰიგიენური საშუალებებისა და სამეურნეო საქონლის, საკანცელარიო და ყოველდღიური მოხმარების საგნების, უნიფორმის, ავეჯეულობის, მეორადი მოხმარების და ექსპლუატაციიდან გამოსული მატერიალური ფასეულობების, სამშენებლო-სარემონტო მასალების, ხელსაწყოების და სხვა.) მიღება, აღრიცხვა, დასაწყობება და მოთხოვნილების შესაბამისად გაცემა/განაწილება;

ჭ) საწყობში არსებული აქტივების სააღრიცხვო ბარათების წარმოება, საინფორმაციო ბაზების შევსება, განახლება და სისტემატიზაცია, საწყობის ნაშთების შედარება საბუღალტრო მონაცემებთან;

ხ) შემოსავლის  და გასავლის ზედდებულების დადგენილი წესით შედგენა და მათი გადაგზავნა დეპარტამენტის შესაბამის დანაყოფში. კომპეტენციის ფარგლებში აქტივების მიღება-ჩაბარების აქტების გაფორმება;

ჯ) კანონმდებლობით დადგენილი წესით აქტივების ინვენტარიზაციაში მონაწილეობა. გამოვლენილი ხმარებისათვის უვარგისი აქტივებისა და სრულად ამორტიზირებული აქტივების ჩამოწერის მიზნით შესაბამისი დოკუმენტაციის მომზადება;

ჰ) სასაწყობო მეურნეობაში არსებულ აქტივებზე ზედამხედველობისა და კონტროლის განორციელების მიზნით სასაწყობო მეურნეობაში განთავსებულ აქტივებზე მატერიალურად პასუხისმგებელი პირების განსაზღვრა და მათი შეცვლისას მათ პასუხისმგებლობაში არსებული აქტივების ინვენტარიზაციის ჩატარების ორგანიზება;

ჰ¹) სამსახურის ექსპლუატაციაში არსებული მატერიალური ფასეულობების  ინვენტარიზაციის ჩატარება;

ჰ²)  სამსახურის შესაბამის სტრუქტურულ ქვედანაყოფებზე რიცხული და ექსპლუატაციაში არსებული მატერიალური ფასეულობების მონაცემთა ბაზის შექმნა და განახლება;

ჰ³)  მატერიალური ფასეულობების შიდა გადაადგილებაზე/მოძრაობაზე კონტროლი, შესაბამისი მიღება-ჩაბარების აქტის გაფორმება;

ჰ⁴) ექსპლუატაციიდან გამოსული მატერიალური ფასეულობების სასაწყობო სამსახურისათვის გადაცემის ორგანიზება;

ჰ⁵) კადრების განკარგულებაში მყოფ, სამსახურის სხვა დანაყოფში გადასულ  ან სამსახურიდან დათხოვნილ თანამშრომლებზე რიცხული მატერიალური ფასეულობების აღრიცხვა, სხვა მატერიალურ პასუხისმგებელ პირებთან მიღება-ჩაბარების აქტების მომზადება;

ჰ⁶) ექსპლუატაციაში არსებული მატერიალური ფასეულობების აღრიცხვის სრულყოფის საკითხების შესწავლა და დეპარტამენტის ხელმძღვანელობასთან შესაბამისი წინადადებების წარდგენა;

ჰ⁷) მოქმედი კანონმდებლობით დადგენილ ფარგლებში სხვა საქმიანობის განხორციელება.

3. შეიარაღების სამსახურის ძირითადი ამოცანები და ფუნქციებია:

ა) სამსახურის დანაყოფების იარაღით, საბრძოლო მასალით და აღჭურვილობით უზრუნველყოფა და მის ბრუნვაზე კონტროლის განხორციელება;

ბ) იარაღის, საბრძოლო მასალისა და აღჭურვილობასთან დაკავშირებით დეპარტამენტში შემოსული კორესპონდენციის აღრიცხვა, დამუშავება და დანიშნულებისამებრ გადაგზავნა.

გ) მოქმედი კანონმდებლობით დადგენილ ფარგლებში სხვა საქმიანობის განხორციელება.

4. სამშენებლო მთავარი სამმართველოს კომპეტენციაა:

ა) სამშენებლო-სარემონტო სამუშაოების საჭიროების შესახებ მოთხოვნების ფორმატის შემუშავება სამსახურის მასშტაბით, მათი დანერგვა და შემოსული მოთხოვნების სისტემატიზაცია;

ბ) სამშენებლო-სარემონტო სამუშაოების საჭიროების წინასწარი იდენტიფიკაციის და შემდგომი საქმიანობის დაგეგმვის მიზნით სამსახურის ინფრასტრუქტურული ობიექტების მუდმივი მონიტორინგი;

გ) სამშენებლო-სარემონტო სამუშაოების საჭიროების შესახებ მოთხოვნებთან დაკავშირებული ინფორმაციის მოძიება და დამუშავება. აგრეთვე მოთხოვნების შესრულების საორიენტაციო ვადების, ფინანსური და ტექნიკური პარამეტრების დადგენა, მოთხოვნების დაკმაყოფილების აუცილებლობის შესახებ არგუმენტირებული წინადადებების მომზადება და სამსახურის ეკონომიკური დეპარტამენტის ხელმძღვანელობისათვის წარდგენა;

დ) სამშენებლო-სარემონტო სამუშაოების საჭიროების შესახებ მოთხოვნების დაკმაყოფილების გეგმის შემუშავება და მოთხოვნების დაკმაყოფილებაზე და/ან დაკმაყოფილებაზე უარის შესახებ არგუმენტირებული ინფორმაციის სამსახურის შესაბამისი დანაყოფებისათვის მიწოდება;

ე) სამშენებლო-სარემონტო სამუშაოების გადაუდებელი შესყიდვის საშუალებით განხორციელების შესახებ შემოსული მოთხოვნების შესახებ ინფორმაციის დამუშავება, დამატებითი ინფორმაციის მოძიება და დაკმაყოფილების აუცილებლობის შესახებ არგუმენტირებული წინადადებების მომზადება და სამსახურის ეკონომიკური დეპარტამენტის ხელმძღვანელობისათვის წარდგენა;

ვ) სამშენებლო-სარემონტო სამუშაოების სანებართვო დოკუმენტაციის მომზადება, სამშენებლო-სარემონტო სამუშაოების განხორციელებისათვის საჭირო ვადების განსაზღვრა და შესაბამის სამსახურთან შეთანხმების მიზნით სათანადო ღონისძიებების განხორციელება;

ზ) სამშენებლო-სარემონტო სამუშაოების ფინანსური პარამეტრების დადგენა, საპროექტო დოკუმენტაციის მომზადება და შეთანხმება მოთხოვნის თავდაპირველ ავტორთან;

თ) სახელმწიფო შესყიდვების შესახებ ხელშეკრულებების შესრულების კონტროლის სათანადოდ განხორციელების მიზნით მიმწოდებელის მიერ ხელშეკრულებით ნაკისრი ვალდებულებების შესრულების კონტროლის გეგმა-გრაფიკის შედგენა;

ი) მიმწოდებლების მიერ ხელშეკრულებით ნაკისრი ვალდებულებების შესრულების კონტროლის პროცესში აღმოჩენილი ხარვეზების, სტანდარტებიდან გადახრების და სხვა ტიპის პრობლემატიკის აღრიცხვა და რეაგირების შესაბამისი მოქმედებების დაგეგმვა-განხორციელება;

კ) მიმწოდებლების მიერ ხელშეკრულებით ნაკისრი ვალდებულებების შესრულების კონტროლის ამსახველი დოკუმენტაციის (დასურათება, ვიდეოგადაღება, აქტები და სხვა) წარმოება და პროექტების მიხედვით სისტემატიზაცია;

ლ) სამშენებლო-სარემონტო სამუშაოების დასრულებისას სახელმწიფო შესყიდვის შესახებ ხელშეკრულებით განსაზღვრულ სამუშაოთა შესრულების ამსახველი დოკუმენტაციის გაფორმების უზრუნველყოფა, მათ შორის, საჭიროების შემთხვევაში შესრულებულ სამუშაოთა ხელშეკრულებით განსაზღვრულ სამუშაოებთან შესაბამისობის დადასტურების მიზნით ექსპერტის მოწვევის საკითხის დაყენება ეკონომიკური დეპარტამენტის ხელმძღვანელობის წინაშე;

მ) სამშენებლო-სარემონტო სამუშაოების მიმწოდებელთა ბაზის შექმნა და სისტემატური განახლება. აგრეთვე, მიმწოდებელთა ბაზის სრულყოფის მიზნით, მიმწოდებელთა მიერ ხელშეკრულებით ნაკისრი ვალდებულებების შესრულების შესახებ დადებითი თუ უარყოფითი ინფორმაციის ბაზაში შეტანა;

ნ) დასრულებული სამშენებლო-სარემონტო სამუშაოების ექსპლუატაციაში მიღების ორგანიზება მატერიალურ-ტექნიკური უზრუნველყოფის მთავარი სამმართველოს ქონების მართვისა და ექსპლუატაციის სამმართველოსთან ერთად;

ო) მოქმედი კანონმდებლობით დადგენილ ფარგლებში სხვა საქმიანობის განხორციელება.

5. ორგანიზაციული უზრუნველყოფის განყოფილების კომპეტენციაა:

ა) სამსახურის ადმინისტრაციასთან კოორდინაციით მოქმედი კანონმდებლობის შესაბამისად დეპარტამენტის საქმისწარმოების ორგანიზება;

ბ) დეპარტამენტში განსახილველად შემოსული, კონტროლზე აყვანილი დოკუმენტების აღრიცხვა, მათი შესრულების კონტროლი და ანალიზი (ვადების მიხედვით);

გ) დეპარტამენტში შემოსული და დეპარტამენტში მომზადებული (საიდუმლო და არასაიდუმლო) კორესპონდენციის რეგისტრაცია და მიღება-დაგზავნის უზრუნველყოფა;

დ) დეპარტამენტში დოკუმენტების შედგენის, გაფორმების და დოკუმენტბრუნვის ხარისხის  ამაღლების  მიზნით რეკომენდაციების შემუშავება და მათი პრაქტიკაში დანერგვის მიზნით შესაბამისი ღონისძიებების განხორციელება;

ე)  დეპარტამენტის ხელმძღვანელებისა და სტრუქტურული ერთეულების საინფორმაციო მომსახურების გაწევა;

ვ) დეპარტამენტის არქივში მიღებული დოკუმენტაციის აღრიცხვა, შენახვა-დაცვა და  არქივში დაცული დოკუმენტების გამოყენების კოორდინაცია;

ზ) დეპარტამენტის კომპეტენციის მიხედვით არქივის დაკომპლექტება იმ დოკუმენტებით, რომელთა შემადგენლობა გათვალისწინებულია არქივის დებულებით;

თ) კომპეტენციის ფარგლებში დეპარტამენტში შემოსული კორესპოდენციების განხილვა და შესაბამისი რეაგირება;

ი) კანონმდებლობით გათვალისწინებული სხვა უფლებამოსილებების განხორციელება.

6. ტრანსპორტის მთავარი სამმართველოს კომპეტენციაა:

ა) სამსახურში არსებული სატრანსპორტო საშუალებების აღრიცხვა, შესაბამისი საინფორმაციო ბაზების წარმოება და სისტემატური განახლება;

ბ) სატრანსპორტო საშუალებების ტექნიკური მდგომარეობის, ექსპლუატაციაში ყოფნის, მათზე გაწეული ხარჯების და სხვა ინფორმაციის შესახებ სტატისტიკური მონაცებების წარმოება;

გ) სამსახურის ავტოპარკის გამართული ფუნქციონირების უზრუნველყოფის მიზნით, სამსახურის დანაყოფების მოთხოვნის საფუძველზე და/ან წინა წლების გამოცდილების გათვალისწინებით, წლიური მოთხოვნილებების სავარაუდო მოცულობების განსაზღვრა და წლიური სახელმწიფო შესყიდვის გეგმის შედგენის მიზნით დეპარტამენტის შესაბამის დანაყოფში გადაგზავნა;

დ) სამსახურის ავტოპარკის გამართული ფუნქციონირების უზრუნველყოფის მიზნით, საჭირო მატერიალური ფასეულობების და მომსახურების (მათ შორის, დასაზღვევი სატრანსპორტო საშუალებების) მოცულობის, ტექნიკური მახასიათებლების განსაზღვრა, კომპეტენციის ფარგლებში სავარაუდო ღირებულების მოძიება და სახელმწიფო შესყიდვების განხორციელების მიზნით დეპარტამენტის შესაბამის დანაყოფში გადაგზავნა;  

ე) სამსახურის ავტოპარკის გამართული ფუნქციონირების უზრუნველყოფის მიზნით გაფორმებული სახელმწიფო შესყიდვის შესახებ ხელშეკრულებების შესრულების კონტროლის განხორციელება და შესაბამისი მიღება-ჩაბარების აქტების შედგენა, მიღება-ჩაბარების აქტების შემდგომი რეაგირების მიზნით დეპარტამენტის შესაბამის დანაყოფში გადაგზავნა, მიღებული საქონლის სამსახურის სისტემაში გადანაწილების კოორდინაცია და შესყიდული საქონლის რაციონალურად გამოყენების მონიტორინგი;

ვ) სამსახურის ავტოპარკის გამართული ფუნქციონირების უზრუნველყოფისათვის საჭირო მატერიალური ფასეულობებისა და მომსახურების მიღების მიზნით, კომპეტენციის ფარგლებში დეპარტამენტის შესაბამისი დანაყოფიდან  მიღებული პრეტენდენტების სატენდერო წინადადებების სამსახურის მოთხოვნებთან შესაბამისობის დადგენა;

ზ) სამსახურის სისტემაში ან სისტემიდან სხვა უწყებებში სატრანსპორტო საშუალებების მიღებისა და გადაცემის კოორდინაცია;

თ) სატრანსპორტო საშუალებების სარეგისტრაციო მოწმობების, სახელმწიფო სანომრე ნიშნების და სხვადასხვა სახის მოწმობებისა და საშვების დამზადების და შეცვლის კოორდინაცია. პარკირების წესების დარღვევის თაობაზე შემოსული კორესპონდენციის განხილვა და კომპეტენციის ფარგლებში რეაგირება;

ი) სამსახურის სატრანსპორტო საშუალებების ინვენტარიზაციის და სატრანსპორტო საშუალებების ჩამოწერის კომისიების მუშაობაში მონაწილეობა;

კ) სამსახურზე რიცხული ავტოპარკის გამართული მუშაობის უზრუნველყოფა;

ლ) სამსახურის დანაყოფების მოთხოვნების უზრუნველყოფის მიზნით მოსამსახურეების, საკვები პროდუქტების, საწვავის, სამშენებლო-სარემონტო მასალების და სხვა მატერიალური ფასეულობების ტრანსპორტირება;

მ) მძღოლების (სპეციალისტების) მიერ სატრანსპორტო საშუალებების სწორი ექსპლუატაციისა და უსაფრთხოების ნორმების განუხრელი დაცვის მიზნით მათთვის სათანადო ინსტრუქტაჟის ჩატარება და მათი შესრულების მონიტორინგი;

ნ) სამსახურის სატრანსპორტო საშუალებების მონაწილეობით მომხდარ ავტოსატრანსპორტო შემთხვევებზე კომპეტენციის ფარგლებში რეაგირება, აღრიცხვა, ანალიზი და დეპარტამენტის ხელმძღვანელობისათვის შესაბამისი ინფორმაციისა და წინადადებების მიწოდება;

ო) სამსახურის ავტოსამრეცხაოების გამართული მუშაობის უზრუნველყოფა და სამრეცხაოების მიერ სახარჯი მასალების რაციონალური ხარჯვის მონიტორინგი;

პ) სატრანსპორტო საშუალებების შესახებ სარეგისტრაციო ჟურნალებსა და  საინფორმაციო ბაზებში (Eflow ავტოპარკის მართვის ელექტრონული სისტემა, ტრანსპორტის ბარათი) შესაბამისი ინფორმაციის შეტანა და სისტემატური განახლება;

ჟ) სატრანსპორტო საშუალებებით მომსახურებასთან დაკავშირებული მოთხოვნების მიღება, დამუშავება და ავტოსატრანსპორტო საშუალებების რაციონალური განაწილება და მართვა;

რ) სამსახურის სისტემის სატრანსპორტო საშუალებების გამართული ფუნქციონირების უზრუნველსაყოფად, შესაბამისი ხელშეკრულებების საფუძველზე სარემონტო სამუშაოების ჩატარება და ამ მიზნით საჭირო მარაგ-ნაწილების მარაგების შექმნა და რაციონალურად გამოყენება;

ს) სამსახურის ავტოპარკის გამართული ფუნქციონირების უზრუნველყოფის მიზნით საჭირო მატერიალური ფასეულობების და მომსახურების მოცულობის, ტექნიკური მახასიათებლების განსაზღვრა, კომპეტენციის ფარგლებში სავარაუდო ღირებულების მოძიება და სახელმწიფო შესყიდვების განხორციელების მიზნით დეპარტამენტის შესაბამის დანაყოფში გადაგზავნა;  

ტ) სამსახურის სატრანსპორტო საშუალებების ტექნიკური მომსახურების მიზნით გაფორმებული სახელმწიფო შესყიდვის შესახებ ხელშეკრულებების შესრულების კონტროლის განხორციელება და შესაბამისი მიღება-ჩაბარების აქტების შედგენა, მიღება-ჩაბარების აქტების შემდგომი რეაგირების მიზნით ფინანსებისა და შესყიდვების მთავარ სამართველოში გადაგზავნა;

უ) სამსახურის სატრანსპორტო საშუალებების გეგმური და არაგეგმური ტექნიკური მომსახურების გრაფიკის შედგენა;

ფ) მოქმედი კანონმდებლობით დადგენილ ფარგლებში სხვა საქმიანობის განხორციელება.