დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
| „საერთაშორისო გამოფენებში საქართველოს მონაწილეობის საკოორდინაციო უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2026 წლის 27 მარტის №126 დადგენილებაში ცვლილების შეტანის თაობაზე | |
|---|---|
| დოკუმენტის ნომერი | 514 |
| დოკუმენტის მიმღები | საქართველოს მთავრობა |
| მიღების თარიღი | 02/11/2026 |
| დოკუმენტის ტიპი | საქართველოს მთავრობის დადგენილება |
| გამოქვეყნების წყარო, თარიღი | ვებგვერდი, 03/11/2026 |
| სარეგისტრაციო კოდი | 010220030.10.003.026064 |
|
| მუხლი 1 |
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საერთაშორისო გამოფენებში საქართველოს მონაწილეობის საკოორდინაციო უწყებათაშორისი კომისიის შექმნისა და მისი დებულების დამტკიცების შესახებ“ საქართველოს მთავრობის 2026 წლის 27 მარტის №126 დადგენილებაში (www.matsne.gov.ge, 27/03/2026, 010220030.10.003.025675) შეტანილ იქნეს ცვლილება და დადგენილების პირველი მუხლის პირველი პუნქტი ჩამოყალიბდეს შემდეგი რედაქციით:
„1. საერთაშორისო ასპარეზზე საქართველოს პოზიციონირების ხელშეწყობის, ქვეყნის კულტურული, ეკონომიკური, ტექნოლოგიური, საგანმანათლებლო და ტურისტული პოტენციალის პოპულარიზაციისა და საერთაშორისო გამოფენებში საქართველოს მონაწილეობის კოორდინაციის მიზნით, შეიქმნას უწყებათაშორისი კომისია (შემდგომში − კომისია) შემდეგი შემადგენლობით: ა) საქართველოს საგარეო საქმეთა მინისტრის პირველი მოადგილე − კომისიის თავმჯდომარე; ბ) საქართველოს მთავრობის ადმინისტრაციის უფროსის მოადგილე − კომისიის თავმჯდომარის მოადგილე; გ) საქართველოს განათლების, მეცნიერებისა და ახალგაზრდობის მინისტრის მოადგილე − კომისიის წევრი; დ) საქართველოს გარემოს დაცვისა და სოფლის მეურნეობის მინისტრის მოადგილე − კომისიის წევრი; ე) საქართველოს ეკონომიკისა და მდგრადი განვითარების მინისტრის მოადგილე − კომისიის წევრი; ვ) საქართველოს თავდაცვის მინისტრის მოადგილე − კომისიის წევრი; ზ) საქართველოს იუსტიციის მინისტრის მოადგილე − კომისიის წევრი; თ) საქართველოს კულტურის მინისტრის მოადგილე − კომისიის წევრი; ი) საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის მოადგილე − კომისიის წევრი; კ) საქართველოს რეგიონული განვითარებისა და ინფრასტრუქტურის მინისტრის მოადგილე − კომისიის წევრი; ლ) საქართველოს სპორტის მინისტრის მოადგილე − კომისიის წევრი; მ) საქართველოს ფინანსთა მინისტრის მოადგილე − კომისიის წევრი; ნ) საქართველოს შინაგან საქმეთა მინისტრის მოადგილე − კომისიის წევრი; ო) საქართველოს საგარეო საქმეთა სამინისტროს წარმომადგენელი − კომისიის მდივანი.“. |
| მუხლი 2 |
დადგენილება ამოქმედდეს გამოქვეყნებისთანავე.
|
|
უკან დაბრუნება
დოკუმენტის კომენტარები