„მესტიის მუნიციპალიტეტის მერიის ზედამხედველობისა და მუნიციპალური ინსპექციის სამსახურის დებულების დამტკიცების შესახებ” მესტიის მუნიციპალიტეტის საკრებულოს 2024 წლის 31 იანვრის №3 დადგენილებაში ცვლილების შეტანის თაობაზე

„4. შინაურ ბინადარ ცხოველთა მოვლა-პატრონობის, საშენების რეგისტრაციისა და სანაშენე ცხოველების გამრავლებაზე თანხმობის გაცემის სფეროში:

ა) მუნიციპალიტეტის უფლებამოსილების ფარგლებში შინაურ ბინადარ ცხოველთა მოვლა-პატრონობისა და ყოლის წესის მოთხოვნების შესრულებაზე კონტროლის განხორციელება;

ბ) შინაური ბინადარი ცხოველების საშენების რეგისტრაციის შესახებ ადმინისტრაციული წარმოების განხორციელება და საშენის რეგისტრაციის მოწმობის გაცემა კანონმდებლობით დადგენილი წესით;

გ) კონკრეტული სანაშენე ცხოველის ერთჯერადად გამრავლების უფლების მინიჭების საკითხის განხილვა და შესაბამისი ინდივიდუალური ადმინისტრაციულ-სამართლებრივი აქტის გამოცემა;

დ) რეგისტრირებული საშენების საქმიანობის კანონმდებლობასთან შესაბამისობის შემოწმება, გამოვლენილი ხარვეზების აღმოსაფხვრელად შესაბამისი ღონისძიებების განხორციელება და კანონით გათვალისწინებულ შემთხვევებში საშენის ფუნქციონირების შეჩერების შესახებ გადაწყვეტილების მიღება;

ე) ძაღლების მოშენებაზე მოქმედი მორატორიუმის მოთხოვნების შესრულებაზე კონტროლის განხორციელება მუნიციპალიტეტის უფლებამოსილების ფარგლებში;

ვ) შინაურ ბინადარ ცხოველთა მოვლა-პატრონობისა და საშენების საქმიანობის სფეროში უფლებამოსილ სახელმწიფო ორგანოებთან და მუნიციპალიტეტის მერიის შესაბამის სტრუქტურულ ერთეულებთან კოორდინაცია;

ზ) შინაურ ბინადარ ცხოველთა მოვლა-პატრონობისა და საშენების საქმიანობის სფეროში კანონმდებლობითა და მუნიციპალიტეტის სამართლებრივი აქტებით განსაზღვრული სხვა უფლებამოსილებების განხორციელება.“.