„ენერგეტიკისა და წყალმომარაგების შესახებ“ საქართველოს კანონში ცვლილების შეტანის თაობაზე

ა) სათაური ჩამოყალიბდეს შემდეგი რედაქციით:

„გარდამავალი პერიოდებისთვის წყალმომარაგებისა და ბუნებრივი გაზის ტარიფების დადგენის პრინციპები და წყალმომარაგების საფასურის დარიცხვის წესი“;

ბ) პირველი პუნქტი ჩამოყალიბდეს შემდეგი რედაქციით:

„1. კომისია უფლებამოსილია წყალმომარაგებისა და ბუნებრივი გაზის ტარიფები ამ მუხლით გათვალისწინებული გარდამავალი პერიოდებისთვის დაადგინოს შემდეგი პრინციპების გათვალისწინებით:

ა) 2036 წლის 1 იანვრამდე წყალმომარაგების მომსახურების ღირებულება სხვადასხვა კატეგორიის მომხმარებლებზე განსხვავებული პროპორციებით გაანაწილოს ან/და წყალმომარაგების საყოფაცხოვრებო მომხმარებლებისთვის დაადგინოს განსხვავებული ტარიფები მოხმარების მიხედვით;

ბ) 2038 წლის 1 იანვრამდე ბუნებრივი გაზის საყოფაცხოვრებო მომხმარებლებისთვის დაადგინოს განსხვავებული ტარიფები მოხმარების მიხედვით.“.

მუხლი 2. ეს კანონი ამოქმედდეს გამოქვეყნებისთანავე.