„საქართველოს შინაგან საქმეთა სამინისტროს მიგრაციის დეპარტამენტის დებულების დამტკიცების შესახებ“ საქართველოს შინაგან საქმეთა მინისტრის 2014 წლის 6 აგვისტოს №588 ბრძანებაში ცვლილების შეტანის თაობაზე

ა) პირველ პუნქტს დაემატოს შემდეგი შინაარსის „გ“ და „დ“ ქვეპუნქტები:

„გ) აღმოსავლეთ საქართველოს საბადრაგო განყოფილება;

დ) დასავლეთ საქართველოს საბადრაგო განყოფილება.“;

ბ) მე-2 პუნქტს დაემატოს შემდეგი შინაარსის „ე⁹“ − „ე¹¹“ ქვეპუნქტები:

„ე⁹) უზრუნველყოფს დროებითი განთავსების ცენტრში, აგრეთვე დროებითი მოთავსების იზოლატორებში მოთავსებული/დაკავებული უცხოელის ან/და თავშესაფრის მაძიებლის გადაყვანას/ესკორტირებას, სასამართლო სხდომაში მონაწილეობის, სამედიცინო მომსახურების მიღების ან/და უცხოელის საქართველოდან გაძევების მიზნით და სხვა გარემოებების არსებობისას;

ე¹⁰) ახორციელებს დაკავებული უცხოელის სხვა ქვეყანაში გადაყვანის/ესკორტირების შესახებ მიღებული გადაწყვეტილების აღსრულებას და შეიმუშავებს მასთან დაკავშირებულ დამატებით უსაფრთხოების ღონისძიებებს;

ე¹¹) უსაფრთხოების უზრუნველყოფის მიზნით, დროებითი განთავსების ცენტრში, აგრეთვე დროებითი მოთავსების იზოლატორებში მოთავსებული/დაკავებული უცხოელის ან/და თავშესაფრის მაძიებლის გადაყვანის/ესკორტირების განხორციელებისას, უზრუნველყოფს უცხოელის ან/და თავშესაფრის მაძიებლის საქართველოს კანონმდებლობით დადგენილი წესით პირად დათვალიერებას და საქართველოს კანონმდებლობით გათვალისწინებული სხვა ღონისძიებების განხორციელებას;“.