„საჯარო სამართლის იურიდიული პირის − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში ცვლილების შეტანის თაობაზე

დოკუმენტის სტრუქტურა

განმარტებების დათვალიერება

დაკავშირებული დოკუმენტები

დოკუმენტის მონიშვნები

„საჯარო სამართლის იურიდიული პირის − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში ცვლილების შეტანის თაობაზე
დოკუმენტის ნომერი	508
დოკუმენტის მიმღები	საქართველოს მთავრობა
მიღების თარიღი	26/10/2026
დოკუმენტის ტიპი	საქართველოს მთავრობის დადგენილება
გამოქვეყნების წყარო, თარიღი	ვებგვერდი, 27/10/2026
ძალაში შესვლის თარიღი	01/11/2026
სარეგისტრაციო კოდი	040030000.10.003.026056

PDF გადმოწერა

„საჯარო სამართლის იურიდიული პირის − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში ცვლილების შეტანის თაობაზე

მუხლი 1

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, „საჯარო სამართლის იურიდიული პირის − შემოსავლების სამსახურის მიერ მომსახურების გაწევისათვის საფასურებისა და მათი განაკვეთების დამტკიცების შესახებ“ საქართველოს მთავრობის 2010 წლის 30 მარტის №96 დადგენილებაში (სსმ, III, №33, 31/03/2010) შეტანილ იქნეს ცვლილება და:

1. დადგენილების 1⁴ მუხლს დაემატოს შემდეგი შინაარსის მე-5 პუნქტი:

„5. „სსიპ – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“ 156³ და 156⁴ გრაფებით გათვალისწინებული მომსახურების საფასური გადახდილი უნდა იქნეს არაუგვიანეს აღნიშნული საქონლის საქართველოს საბაჟო ტერიტორიიდან გატანისა.“.

2. დადგენილებით დამტკიცებული „სსიპ – შემოსავლების სამსახურის მიერ მომსახურების გაწევისათვის საფასურებისა და მათი განაკვეთების“:

ა) 86-ე გრაფა ჩამოყალიბდეს შემდეგი რედაქციით:

„86

რეექსპორტის დეკლარაციის წარდგენით დეკლარირებული საქონლის გაფორმება (გარდა 75-ე, 156³ და 156⁴ გრაფებით გათვალისწინებული შემთხვევისა)

50 ლარი“;

ბ) 156² გრაფის შემდეგ დაემატოს შემდეგი შინაარსის 156³ და 156⁴ გრაფები:

„156³	სეს ესნ-ის 2711 სასაქონლო პოზიციაში კლასიფიცირებული თხევადი აირის რეექსპორტში ან ტრანზიტის პროცედურაში გაფორმება (გარდა იმ შემთხვევისა, როდესაც საქონლის გადაზიდვა ხორციელდება მილსადენის ან მხოლოდ სარკინიგზო ან/და საზღვაო ტრანსპორტის გამოყენებით ან/და როდესაც საქონლის დეკლარირებისას წარდგენილია პრეფერენციული წარმოშობის სერტიფიკატი EUR.1 ან წარმოშობის დეკლარაცია)		1 ტონა – 90 ლარი
156⁴	სეს ესნ-ის 27-ე ჯგუფში კლასიფიცირებული ნახშირის რეექსპორტში ან ტრანზიტის პროცედურაში გაფორმება (გარდა იმ შემთხვევისა, როდესაც საქონლის გადაზიდვა ხორციელდება მხოლოდ სარკინიგზო ან/და საზღვაო ტრანსპორტის გამოყენებით ან/და როდესაც საქონლის დეკლარირებისას წარდგენილია პრეფერენციული წარმოშობის სერტიფიკატი EUR.1 ან წარმოშობის დეკლარაცია)		1 ტონა – 40 ლარი“.

მუხლი 2

ამ დადგენილების მოქმედება არ ვრცელდება საქართველოს საბაჟო ტერიტორიაზე ამავე დადგენილების ძალაში შესვლამდე შემოტანილი სეს ესნ-ის 2711 სასაქონლო პოზიციაში კლასიფიცირებული თხევადი აირისა და 27-ე ჯგუფში კლასიფიცირებული ნახშირის რეექსპორტში ან ტრანზიტის პროცედურაში გაფორმებაზე.

მუხლი 3

დადგენილება ამოქმედდეს 2026 წლის 1 ნოემბრიდან.

პრემიერ-მინისტრი ირაკლი კობახიძე