„საჯარო სამართლის იურიდიული პირის – სურსათის ეროვნული სააგენტოს დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2018 წლის 26 თებერვლის №2-107 ბრძანებაში ცვლილების შეტანის თაობაზე

„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის შესაბამისად, ვბრძანებ :

„საჯარო სამართლის იურიდიული პირის – სურსათის ეროვნული სააგენტოს დებულების დამტკიცების შესახებ“ საქართველოს გარემოს დაცვისა და სოფლის მეურნეობის მინისტრის 2018 წლის 26 თებერვლის №2-107 ბრძანებაში (ვებგვერდი, 27/02/2018, სარეგისტრაციო კოდი 040030000.22.023.016482) შეტანილ იქნეს ცვლილება და ბრძანების პირველი მუხლით დამტკიცებული დებულების:

1.  მე-4 მუხლის მე-2 პუნქტს დაემატოს შემდეგი შინაარსის „ჟ“ ქვეპუნქტი:

„ჟ) პროტოკოლის სამსახური.“.

2. მე-5 მუხლს დაემატოს შემდეგი შინაარსის მე-16 პუნქტი:

„16. პროტოკოლის სამსახურის ფუნქციებია:

ა) სააგენტოში ოფიციალური და სამუშაო შეხვედრების ორგანიზება და კოორდინაცია;

ბ) სააგენტოს ხელმძღვანელი პირების მნიშვნელოვანი საპროტოკოლო შეხვედრების ორგანიზება, როგორც ქვეყნის შიგნით, ასევე საზღვარგარეთ;

გ) კომპეტენციის ფარგლებში, სააგენტოს უფროსის, სააგენტოს უფროსის მოადგილეებისა და  თანამშრომელთა სავიზო მომსახურების ორგანიზება;

დ) კანონმდებლობით დაკისრებული სხვა უფლება-მოვალეობების განხორციელება.“.