აქციზური საქონლის წარმოებისათვის მისართების, გამხსნელებისა და ანტიდეტონატორების არგამოყენების დამადასტურებელი დოკუმენტაციის ნუსხის განსაზღვრის შესახებ

სახელმწიფო სარეგისტრაციო კოდი 200.120.000.22.033.010.232

საქართველოს ფინანსთა

მინისტრის ბრძანება №379

2007 წლის 23 აპრილი

ქ. თბილისი

აქციზური საქონლის წარმოებისათვის მისართების, გამხსნელებისა და ანტიდეტონატორების არგამოყენების დამადასტურებელი დოკუმენტაციის ნუსხის განსაზღვრის შესახებ

საქართველოს საგადასახდო კოდექსის მე-3 მუხლის საფუძველზე და 265-ე მუხლის ,,ზ“ ქვეპუნქტის მოთხოვნების აღსრულების მიზნით, ვბრძანებ:

1. საქართველოს საგადასახდო კოდექსის 258-ე მუხლის 23-ე სტრიქონით გათვალისწინებული საქონლის იმპორტის დროს გადახდილი აქციზის თანხის უკან დაბრუნებისათვის აუცილებელია საბაჟო ორგანოებს წარედგინოს შემდეგი დოკუმენტები:

ა) გადამხდელის განცხადება გადახდილი აქციზის თანხის დაბრუნების შესახებ;

ბ) შევსებული სატვირთო საბაჟო დეკლარაცია, რომლის მიხედვითაც მოხდა გადახდილი გადასახადის გამოთვლა;

გ) საგადასახადო დავალება, რომლის მიხედვითაც მოხდა დღგ-სა და აქციზის გადახდა ბანკის მიერ გაკეთებული აღნიშვნით გადახდის თაობაზე;

დ) გადამხდელის საგადასახადო აღრიცხვის ადგილის მიხედვით მდებარე საგადასახადო ორგანოს მიერ გაცემული ცნობა, რომ საქონელი არ იქნა გამოყენებული აქციზური საქონლის წარმოებისათვის.

2. აქციზური საქონლის წარმოებისათვის მისართების, გამხსნელებისა და ანტიდეტონატორების არგამოყენების დამადასტურებელი ცნობის ფორმა და მისი გაცემის წესი განისაზღვრება საქართველოს ფინანსთა მინისტრის ინდივიდუალური ადმინისტრაციულ-სამართლებრივი აქტით.

3. ბრძანება ამოქმედდეს გამოქვეყნებისთანავე.

ა. ალექსიშვილი