თერჯოლის მუნიციპალიტეტის საკრებულოს 2018 წლის 7 ნოემბრის №44 დადგენილებაში „წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდის, სახელმწიფო სასწავლო გრანტის მფლობელი სტუდენტის დაჯილდოებისა და ახალგაზრდული ინიციატივის დაფინანსების წესი’’ ცვლილების შეტანის შესახებ

1. დადგენილების სათაური ჩამოყალიბდეს შემდეგი რედაქციით:

„წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდისა და ახალგაზრდული ინიციატივის დაფინანსების წესი“.

2. დადგენილების დანართის სათაური ჩამოყალიბდეს შემდეგი რედაქციით:

„წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდისა და ახალგაზრდული ინიციატივის დაფინანსების წესი“.

3. დადგენილების დანართის პირველი მუხლი ჩამოყალიბდეს შემდეგი რედაქციით:

„მუხლი 1. ზოგადი დებულება

ეს წესი განსაზღვრავს წარმატებული სპორტსმენისა და წარმატებული მწვრთნელის, ოქროსა და ვერცხლის მედალოსანი სკოლის მოსწავლეების, წარმატებული ახალგაზრდის დაჯილდოებისა და ახალგაზრდული ინიციატივის დაფინანსების პირობებსა და წესს.“.

4. დადგენილების დანართის მე-2  მუხლის ,,ბ“ ქვეპუნქტი ჩამოყალიბდეს ახალი რედაქციით:

„ბ) წარმატებული სპორტსმენი – საქართველოს, ევროპის, მსოფლიოს და ოლიმპიურ (პარალიმპიურ) თამაშებში თერჯოლის ან საქართველოს სახელით მოასპარეზე, თერჯოლის მუნიციპალიტეტში რეგისტრირებული სპორტსმენი და/ან საერთაშორისო ფედერაციის მიერ აღიარებულ, როგორც საქართველოს, ასევე საერთაშორისო ტურნირებზე ა(ა)იპ – თერჯოლის სპორტული სკოლისა და სპორტულ-გამაჯანსაღებელი მუნიციპალური ცენტრის სახელით მოასპარეზე სპორტსმენი, რომელმაც დაიკავა I, II ან III ადგილი;“.

5. დადგენილების დანართის მე-2 მუხლიდან ამოღებულ იქნეს „ზ“ ქვეპუნქტი.

6. დადგენილების დანართის მე-3 მუხლი  ჩამოყალიბდეს შემდეგი რედაქციით:

„მუხლი 3. წარმატებული  სპორტსმენისა  და  წარმატებული  მწვრთნელის  დაჯილდოება

 1. წარმატებული სპორტსმენის ფულადი ჯილდოს ოდენობა განისაზღვროს შემდეგი სახით:

ა) საქართველოს ჩემპიონატის I ადგილი  – 600 ლარი; II ადგილი – 500; III – 400 ლარი;

ბ) საერთაშორისო ფედერაციის მიერ აღიარებულ საქართველოსა და საერთაშორისო ტურნირზე: I ადგილი – 700 ლარი, II ადგილი – 600 ლარი, III ადგილი – 500 ლარი;

გ) ევროპის ჩემპიონატზე: I ადგილი – 2 000 ლარი, II ადგილი – 1 500 ლარი, III ადგილი – 1 000 ლარი;

დ) მსოფლიო ჩემპიონატზე: I ადგილი – 4 000 ლარი, II ადგილი – 3 000 ლარი, III ადგილი – 2 000 ლარი;

 ე) ოლიმპიურ (პარალიმპიურ) თამაშებზე: I ადგილი – 8000 ლარი, II ადგილი – 6 000 ლარი, III ადგილი – 4 000 ლარი.

2. წარმატებული მწვრთნელის ფულადი ჯილდოს ოდენობა განისაზღვროს შემდეგი სახით:

„ა) უმაღლესი სპორტული მიღწევებისთვის (საქართველოს, ევროპის, მსოფლიოს, ოლიმპიურ ჩემპიონატზე I, II, III საპრიზო ადგილი) – 2000 ლარი;

ბ) სპორტული მიღწევებისთვის  (საერთაშორისო ფედერაციის მიერ აღიარებულ   როგორც საქართველოს,  ასევე  საერთაშორისო   ტურნირებზე I, II, III საპრიზო ადგილი) – 1500 ლარი.“.

3. წარმატებულ სპორტსმენებსა და მწვრთნელებს სპორტის სფეროში შეტანილი განსაკუთრებული წვლილისა და უმაღლესი სპორტული მიღწევებისთვის, საქართველოს, ევროპის, მსოფლიოს, ოლიმპიურ (პარალიმპიურ) თამაშებსა და საერთაშორისო ფედერაციის მიერ აღიარებულ საქართველოსა და საერთაშორისო ტურნირებზე/შეჯიბრებებზე მიღწეული შედეგების შესაბამისად, ფულადი ჯილდო ეძლევათ ერთჯერადად, თითოეულ, შესაბამის ჩემპიონატზე/შეჯიბრებაზე სპორტული  სახეობების მიხედვით,  მიღწეული შედეგისთვის. ჯილდოზე სპორტსმენებსა და მწვრთნელებს თერჯოლის მუნიციპალიტეტის მერს წარუდგენს ა(ა)იპ – თერჯოლის სპორტული სკოლისა და სპორტულ-გამაჯანსაღებელი მუნიციპალური ცენტრის დირექტორი.’’.

7. დადგენილების დანართიდან ამოღებულ იქნეს 6¹ მუხლი.“.