„გარდაბნის მუნიციპალიტეტის მერიის განათლების, კულტურის, ახალგაზრდობის, სპორტის, ძეგლთა დაცვის, ტურიზმისა და გენდერული თანასწორობის საქმეთა სამსახურის დებულების დამტკიცების თაობაზე“ გარდაბნის მუნიციპალიტეტის საკრებულოს 2024 წლის 30 მაისის №15 დადგენილებაში ცვლილების შეტანის თაობაზე

1. დადგენილების სათაური ჩამოყალიბდეს შემდეგი რედაქციით:

„გარდაბნის მუნიციპალიტეტის მერიის განათლების, კულტურისა და სპორტის სამსახურის დებულების დამტკიცების თაობაზე“.

2. დადგენილების პირველი მუხლი ჩამოყალიბდეს შემდეგი რედაქციით:

„მუხლი 1

დამტკიცდეს „გარდაბნის მუნიციპალიტეტის მერიის განათლების, კულტურისა და სპორტის სამსახურის დებულება“ დანართის შესაბამისად.“.

3. დადგენილების დანართის:

ა) სათაური ჩამოყალიბდეს შემდეგი რედაქციით:

„გარდაბნის მუნიციპალიტეტის მერიის განათლების, კულტურისა და  სპორტის სამსახურის დებულება“;

ბ) პირველი მუხლის პირველი პუნქტი ჩამოყალიბდეს შემდეგი რედაქციით:

„1. გარდაბნის მუნიციპალიტეტის მერიის განათლების, კულტურისა და სპორტის სამსახური (შემდგომში – სამსახური) წარმოადგენს გარდაბნის მუნიციპალიტეტის მერიის (შემდგომში – მერია) სტრუქტურულ ერთეულს, რომელიც უზრუნველყოფს გარდაბნის მუნიციპალიტეტის (შემდგომში – მუნიციპალიტეტი) დაქვემდებარებაში არსებული განათლების, კულტურის, ახალგაზრდობისა და სპორტის  დაწესებულებათა კოორდინაციასა და საქმიანობის ხელშეწყობას. სამსახურის კომპეტენციაში  შემავალი ფუნქციების განხორციელებისას მოქმედებს მერიის სახელით და  ანგარიშვალდებულია გარდაბნის მუნიციპალიტეტის მერის წინაშე (შემდგომში – მერი).“;

გ) მე-3 მუხლი ჩამოყალიბდეს შემდეგი რედაქციით:

„მუხლი 3. სამსახურის ფუნქციები

სამსახურის ფუნქციებია:

ა) განათლების, კულტურის, ახალგაზრდობისა და სპორტის განვითარების მუნიციპალურ პროგრამათა განხორციელების კოორდინაცია და მონიტორინგი მათ მიმდინარეობაზე;

ბ) მუნიციპალიტეტში ადრეული ასაკის, სკოლამდელი აღზრდისა და განათლების მომსახურებისა და სასკოლო მზაობის სერვისების მიწოდების მონიტორინგი;

გ) კულტურის, განათლების (მათ შორის, ადრეული და სკოლამდელი განათლების),  ახალგაზრდობისა და  სპორტის სფეროში მუნიციპალიტეტის მიერ შექმნილი დაწესებულებების (ა.(ა.)ი.პ-ები) საქმიანობის კოორდინაცია;

დ) საჭიროების შემთხვევაში პრობლემური საკითხების გადასაჭრელად მუნიციპალიტეტის მერთან წინადადებების წარდგენა;

ე) საგანმანათლებლო, კულტურული, ახალგაზრდული, სპორტული და ტურისტული სფეროების ხელშეწყობა;

ვ) წარმატებულ კურსდამთავრებულთა (ოქროსა და ვერცხლისმედალოსანთა) წახალისების ხელშეწყობა;

ზ) სამოქალაქო საზოგადოების მშენებლობაში ახალგაზრდობის ჩართულობის ზრდა;

თ) ახალგაზრდებისთვის მათი მონაწილეობის მიზნით სოციალურ-საგანმანათლებლო,  გასართობ-შემეცნებითი,  სპორტული და სხვა ტიპის ღონისძიებების მოწყობა;

ი) ახალგაზრდული ინიციატივების, ადგილობრივი და საერთაშორისო ახალგაზრდული პროექტების  ხელშეწყობა;

კ) ხალხური შემოქმედების, თეატრალური, მუსიკალური, მხატვრული და ხელოვნების სხვა დარგების განვითარების ხელშემწყობ ღონისძიებათა დაგეგმვა-განხორციელება და ორგანიზება;

ლ) თეატრის, კინოს, მუსიკის, ქორეოგრაფიის, სახვითი, გამოყენებითი, პროფესიული და ხალხური ხელოვნების დარგების, სპორტული განათლებისა და სპორტის განვითარებისათვის ხელსაყრელი პირობების შექმნა, დაცვა და პოპულარიზაცია;

მ) კომპეტენციის ფარგლებში საბიბლიოთეკო საქმიანობისათვის ხელის შეწყობა;

ნ) ადგილობრივი კონკურსების, დათვალიერებების, ფესტივალების, გამოფენების, შეჯიბრებების, ტურნირებისა და სხვა კულტურულ-საგანმანათლებლო და სპორტული ღონისძიებების ორგანიზება-ხელშეწყობა;

ო) სპორტის სახეობათა ტრადიციების შენარჩუნების, დაცვისა და განვითარებისათვის სათანადო პირობების შექმნა, სპორტულ-გამაჯანსაღებელი აქტივობებისა და სპორტსმენთა მომზადების ორგანიზაციულ-მეთოდური ხელშეწყობა;

პ)  შემოქმედებითი კოლექტივებისა და ინდივიდუალური შემსრულებლებისთვის სხვადასხვა ფესტივალში, დათვალიერებასა და  კონკურსში მონაწილეობის ხელშეწყობა როგორც ქვეყნის ტერიტორიაზე, ასევე ქვეყნის გარეთ;

ჟ) ხალხური რეწვის ოსტატთა, ფერმწერთა,  მხატვარ-დეკორატორთა გამოფენების მოწყობის  ან/და გამოფენებში მონაწილეობის ხელშეწყობა როგორც ქვეყნის ტერიტორიაზე, ასევე ქვეყნის გარეთ;

რ) სპორტის სხვადასხვა სახეობაში წარმატებულ სპორტსმენთა წახალისება-დაჯილდოება;

ს) ოლიმპიადებსა და  სხვა სპორტულ ღონისძიებებში მონაწილეობისთვის  ხელის შეწყობა;

ტ) სამსახურის კომპეტენციას მიკუთვნებულ სფეროში განსახორციელებელი საქმიანობის უზრუნველყოფის მიზნით შექმნილი მუნიციპალიტეტის კერძო სამართლის იურიდიული პირების მხრიდან სამუშაო გეგმების, პროგრამებისა და ბიუჯეტის პროექტების სამსახურთან განხილვა-შეთანხმება, ბიუჯეტის ხარჯვის მიზნობრიობის შეფასება და საჭიროების შემთხვევაში სათანადო რეკომენდაციებისა და წინადადებების მომზადება; 

უ) შეზღუდული შესაძლებლობის მქონე ბავშვებისა და ახალგაზრდების საზოგადოებრივ ცხოვრებაში ჩაბმის ხელშეწყობისთვის აუცილებელი პროექტების შემუშავება ან/და წარმოდგენილ პროექტებში მონაწილეობის მიღების ხელშეწყობა;

ფ) შესაბამის უწყებებთან კოორდინირებით სოციალურად დაუცველთა კულტურულ- საგანმანათლებლო, ახალგაზრდული და სპორტული პროექტების შემუშავება-ორგანიზება;

ქ) მუნიციპალიტეტის მერის ცალკეულ დავალებათა შესრულება;

ღ) საქართველოს კანონმდებლობით და მუნიციპალიტეტის სამართლებრივი აქტებით განსაზღვრული  სხვა ფუნქციების განხორციელება.“;

დ) მე-5 მუხლის მე-2 პუნქტი ჩამოყალიბდეს შემდეგი რედაქციით:

„2. სამსახურის სტრუქტურული ქვედანაყოფებია:

ა) განათლებისა და კულტურის განყოფილება;

ბ) სპორტისა და ახალგაზრდობის საქმეთა განყოფილება.“;

ე) მე-6 და მე-7 მუხლები ჩამოყალიბდეს შემდეგი რედაქციით:

„მუხლი 6. განათლებისა და კულტურის განყოფილება

განათლებისა და კულტურის განყოფილების ფუნქციებია:

ა) კულტურულ-საგანმანათლებლო ღონისძიებათა დაგეგმვა, ორგანიზება და ჩატარება;

ბ) თვითმმართველი ერთეულის ბიუჯეტის დაფინანსებაზე მყოფი კულტურის, განათლებისა და მოსწავლე-ახალგაზრდობის დაწესებულებების (არასამეწარმეო (არაკომერციული) იურიდიული პირები) დამტკიცებულ პროგრამათა განხორციელების კოორდინაცია;

გ) სამსახურის მმართველობის სფეროში შემავალი დაწესებულებების (არასამეწარმეო (არაკომერციული) იურიდიული პირები) კულტურულ-საგანმანათლებლო, ახალგაზრდული,  ხალხური შემოქმედების, თეატრალური, მუსიკალური, მხატვრული და ხელოვნების სხვა დარგების განვითარების ხელშეწყობა;

დ) განათლებისა და კულტურის სფეროში დასაქმებულთა მოღვაწეობის წარმოჩენისა და პოპულარიზაციის ხელშეწყობა, გამოჩენილი პიროვნებების ხსოვნის უკვდავყოფა;

ე) საქართველოს კანონმდებლობით, მერიის დებულებით, ამ დებულებითა და მუნიციპალიტეტის სხვა     სამართლებრივი აქტებით განსაზღვრული ფუნქციების განხორციელება.

მუხლი 7. სპორტისა და ახალგაზრდობის  საქმეთა განყოფილება

სპორტისა და ახალგაზრდობის  საქმეთა განყოფილების ფუნქციებია:

ა) თვითმმართველი ერთეულის ბიუჯეტის დაფინანსებაზე მყოფი სპორტული და ახალგაზრდული დაწესებულებების (არასამეწარმეო (არაკომერციული) იურიდიული პირები) დამტკიცებულ პროგრამათა განხორციელების კოორდინაცია;

ბ) სამსახურის მმართველობის სფეროში შემავალი დაწესებულებების (არასამეწარმეო (არაკომერციული) იურიდიული პირები) სპორტულ-ახალგაზრდულ ღონისძიებათა და სპორტული მიმართულებების/სახეობების განვითარების ხელშეწყობა;

გ) სპორტული და ახალგაზრდული ღონისძიებების დაგეგმვა-ორგანიზება, მასობრივი სპორტულ-გამაჯანსაღებელი ღონისძიებების ჩატარება;

დ) სპორტის სფეროში დასაქმებულთა მოღვაწეობის წარმოჩენისა და პოპულარიზაციის ხელშეწყობა, გამოჩენილი პიროვნებების (სპორტსმენების, მწვრთნელებისა და სხვათა)  ხსოვნის უკვდავყოფა;

ე) საქართველოს კანონმდებლობით, მერიის დებულებით, ამ დებულებითა და მუნიციპალიტეტის სხვა სამართლებრივი აქტებით განსაზღვრული ფუნქციების განხორციელება.“;

ვ) მე-8 მუხლი ამოღებულ იქნეს.