„ადიგენის მუნიციპალიტეტის ტერიტორიაზე მწვანე ნარგავების მოვლისა და აღდგენის წესის დამტკიცების შესახებ“ ადიგენის მუნიციპალიტეტის საკრებულოს 2015 წლის 20 აპრილის №21 დადგენილებაში ცვლილების შეტანის თაობაზე

ა)დადგენილებით დამტკიცებული დანართი №1-ის მე-3 მუხლის მე-2 პუნქტი ჩამოყალიბდეს შემდეგი რედაქციით:

„2. მწვანე ნარგავების მოვლის პროცესს ახორციელებს ადიგენის მუნიციპალიტეტის მერია. დაბა აბასთუმნის ადმინისტრაციულ ერთეულში მწვანე ნარგავების მოვლისა და აღდგენის ღონისძიებებს  ახორციელებს ადიგენის მუნიციპალიტეტის საჯარო სამართლის იურიდიული პირი „აბასთუმნის განვითარების სააგენტო“ ამ წესის შესაბამისად.“.

ბ)დადგენილებით დამტკიცებული დანართი №1-ის მე-3 მუხლს დაემატოს შემდეგი შინაარსის მე-5, მე-6, მე-7 და მე-8 პუნქტები:

„5. კერძო საკუთრებაში არსებულ ტერიტორიაზე განთავსებული მწვანე ნარგავების მოვლა-პატრონობასა და შენარჩუნებას უზრუნველყოფს შესაბამისი მესაკუთრე.

6. კერძო საკუთრებაში არსებული ხე-მცენარის ტოტების მუნიციპალურ გზაზე, ქუჩაზე, ტროტუარზე ან სხვა საზოგადოებრივ სივრცეში გადმოწევა იმგვარად, რომ აღნიშნული აფერხებდეს სატრანსპორტო ან ქვეითთა გადაადგილებას, ზღუდავდეს ხილვადობას, ქმნიდეს საფრთხეს ან აზიანებდეს მუნიციპალურ ინფრასტრუქტურას, მათ შორის, გარე განათების სადენებსა და სანათებს დაუშვებელია.

7. ამ მუხლის მე-6 პუნქტით გათვალისწინებული გარემოების გამოვლენის შემთხვევაში მუნიციპალიტეტის შესაბამისი უფლებამოსილი პირი ადგენს დათვალიერების აქტს და მესაკუთრეს განუსაზღვრავს გონივრულ ვადას ხე-მცენარის ტოტების გასხვლისა და ტერიტორიის მოწესრიგებისათვის.

8. მესაკუთრის მიერ ამ მუხლის მე-7 პუნქტით გათვალისწინებული მოთხოვნის დადგენილ ვადაში შეუსრულებლობის შემთხვევაში მუნიციპალიტეტი უფლებამოსილია განახორციელოს კანონმდებლობით გათვალისწინებული შესაბამისი ღონისძიებები.“.