ელექტროენერგეტიკის სექტორში დერეგულირების თაობაზე

სახელმწიფო სარეგისტრაციო კოდი 200.280.000.22.025.010.250

საქართველოს ენერგეტიკის

მინისტრის ბრძანება №30

2007 წლის 25 აპრილი

ქ. თბილისი

ელექტროენერგეტიკის სექტორში დერეგულირების თაობაზე

,,ელექტროენერგეტიკისა და ბუნებრივი გაზის შესახებ“ საქართველოს კანონის მე-2 მუხლის ,,ჯ“ ქვეპუნქტის, მე-3 მუხლის მე-4 პუნქტის თანახმად, ვბრძანებ:

1.    მცირე სიმძლავრის ელექტროსადგურებზე განხორციელდეს დერეგულირება.

2. ელექტროენერგიის განაწილების ლიცენზიატებმა, პირველ პუნქტში აღნიშნულ მცირე სიმძლავრის ელექტროსადგურების მოთხოვნის შემთხვევაში, გააფორმონ მათთან ხელშეკრულება ელექტროენერგიის გატარებაზე.

3. ძალადაკარგულად გამოცხადდეს ,,გარდამავალ ეტაპზე ელექტროენერგეტიკული სექტორის სისტემის ფუნქციონირების, მათ შორის, სისტემის კომერციული ოპერატორის ჩამოყალიბების, საქმიანობისა და პირდაპირი ხელშეკრულებების გაფორმების დროებითი წესის“ დამტკიცების შესახებ“ საქართველოს ენერგეტიკის მინისტრის 2006 წლის 2 აგვისტოს №68 ბრძანება (სსმ, III, 08.08.2006 წ., №105, მუხლი 1440).

4. ბრძანება ძალაშია გამოქვეყნებისთანავე.

ნ. გილაური