,,საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის №213 ბრძანებით დამტკიცებულ საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპურ დებულებაში და მის №1 დანართში ცვლილებებისა და დამატებების შეტანის თაობაზე“

სახელმწიფო სარეგისტრაციო კოდი 040.030.000.22.027.010.171

საქართველოს იუსტიციის მინისტრის

ბრძანება №92

2007 წლის 4 აპრილი

ქ. თბილისი

„ საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის №213 ბრძანებით დამტკიცებულ საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპურ დებულებაში და მის №1 დანართში ცვლილებებისა და დამატებების შეტანის თაობაზე

„ ნორმატიული აქტების შესახებ“ საქართველოს კანონის 36-ე მუხლის თანახმად, ვბრძანებ:

    მუხლი 1

„ საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის №213 ბრძანებით (სსმ III, №13, 31.01.2006წ., მუხ. 156) დამტკიცებულ საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპურ დებულებაში და მის №1 დანართში შეტანილ იქნეს შემდეგი ცვლილებები და დამატებები:

1) დებულების მე-2 მუხლს დაემატოს შემდეგი შინაარსის 2¹ პუნქტი:

„ 2¹. სამოქალაქო რეესტრის სააგენტოს ბათუმის სამსახური კანონმდებლობით გათვალისწინებული წესით გასცემს, აგრეთვე, საინფორმაციო ბარათს აჭარის ავტონომიური რესპუბლიკის ტერიტორიაზე რეგისტრირებულ პირთა შესახებ.“.

2) მე-3 მუხლის მე-5 პუნქტი ჩამოყალიბდეს შემდეგი რედაქციით:

„ 5. სამსახურის უფროსის არყოფნის შემთხვევაში, მოადგილე ხელმძღვანელობს სამსახურის საქმიანობას და ახორციელებს ამ მუხლის მე-3 პუნქტით გათვალისწინებულ უფლებამოსილებებს, ასევე, სამსახურის უფროსის დავალებით ასრულებს სამსახურის უფროსის კონკრეტულ დავალებებს.“.

3) დებულების №1 დანართის პირველი პუნქტი ჩამოყალიბდეს შემდეგი რედაქციით:

„ 1. სამოქალაქო რეესტრის სააგენტოს ტერიტორიული სამსახურების, რომლებიც ქ. თბილისში ახორციელებენ დებულების მე-2 მუხლის პირველი პუნქტით (გარდა „ ზ“ ქვეპუნქტისა) გათვალისწინებულ უფლებამოსილებებს, სამოქმედო ტერიტორიაა:

ა) გლდანის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე სოფელი გლდანი და ზაჰესი;

ბ) დიდუბის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია;

გ) ვაკის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე წყნეთი, ბეთანია და ახალდაბა;

დ) ისნის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია;

ე) მთაწმინდა-კრწანისის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე წავკისი, კოჯორი, ოქროყანა, შინდისი და ტაბახმელა;

ვ) ნაძალადევის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია;

ზ) საბურთალოს სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე სოფელი დიღომი და მუხათგვერდი;

თ) სამგორის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია, ასევე დიდი ლილო და პატარა ლილო;

ი) ჩუღურეთის სამსახური: საქართველოს ცენტრალური საარჩევნო კომისიის დადგენილებით განსაზღვრული შესაბამისი საარჩევნო ოლქის ტერიტორია.

4) დებულების №1 დანართის მე-7 პუნქტი ჩამოყალიბდეს შემდეგი რედაქციით:

„ 7. სამოქალაქო რეესტრის სააგენტოს ქურთას თემის სამსახურის სამოქმედო ტერიტორია განისაზღვრება ქურთას თემით, ქალაქი ცხინვალით, ყოფილი ცხინვალისა და ჯავის რაიონების იმ დასახლებებით, რომლებიც არ განეკუთვნება ქურთას თემს“.

5) დებულების №1 დანართს დაემატოს შემდეგი შინაარსის 7¹ და 7² პუნქტები:

„ 7¹. სამოქალაქო რეესტრის სააგენტოს ერედვის თემის სამსახურის სამოქმედო ტერიტორია განისაზღვრება ერედვის თემით, ქალაქი ცხინვალით, ყოფილი ცხინვალისა და ჯავის რაიონების იმ დასახლებებით, რომლებიც არ განეკუთვნება ერედვის თემს.

7². სამოქალაქო რეესტრის სააგენტოს ქარელის სამსახურის სამოქმედო ტერიტორიას, შესაბამისი რაიონის ტერიტორიასთან ერთად, განეკუთვნება, აგრეთვე, თიღვის თემი და ყოფილი ზნაურის რაიონის ის დასახლებები, რომლებიც არ განეკუთვნება თიღვის თემს.“.

    მუხლი 2

ბათილად იქნეს ცნობილი „ საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურის ტიპური დებულების დამტკიცებისა და სამოქმედო ტერიტორიის განსაზღვრის შესახებ“ საქართველოს იუსტიციის მინისტრის 2006 წლის 30 იანვრის №213 ბრძანებით დამტკიცებულ დანართ №1-ში „ საჯარო სამართლის იურიდიული პირის – სამოქალაქო რეესტრის სააგენტოს ტერიტორიული სამსახურების სამოქმედო ტერიტორია“ ცვლილების შეტანის თაობაზე“ საქართველოს იუსტიციის მინისტრის 2007 წლის 21 თებერვლის №45 ბრძანება.

    მუხლი 3

ეს ბრძანება ამოქმედდეს გამოქვეყნებისთანავე.

გ. ქავთარაძე