„საქართველოს განათლების, მეცნიერებისა და ახალგაზრდობის სამინისტროს ეკონომიკური დეპარტამენტის დებულების დამტკიცების შესახებ“ საქართველოს განათლების, მეცნიერებისა და ახალგაზრდობის მინისტრის 2025 წლის 19 სექტემბრის №100/ნ ბრძანებაში ცვლილების შეტანის თაობაზე

1. მე-2 პუნქტის:

ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) ზედამხედველობს და კოორდინაციას უწევს ბუღალტრული აღრიცხვისა და ანგარიშგების სამმართველოსა და საბიუჯეტო სამმართველოს მიერ სამსახურებრივი უფლებამოსილების შესრულებას;“;

ბ) „ზ“ ქვეპუნქტის შემდეგ დაემატოს შემდეგი შინაარსის „ზ¹“ და „ზ²“ ქვეპუნქტები:

„ზ¹) ორგანიზებას უწევს და ახორციელებს შესაბამის სამუშაოებს სამინისტროს წლიური ბიუჯეტის პროექტის შედგენის მიზნით;

ზ²) ახორციელებს სამინისტროს დამტკიცებული წლიური ბიუჯეტის ხარჯვითი ნაწილის მდგომარეობის პერიოდულ ანალიზს და შეფასებას და აწვდის შესაბამის ინფორმაციას დეპარტამენტის უფროსს;“;

2. მე-3 პუნქტის:

ა) „ბ“ ქვეპუნქტი ჩამოყალიბდეს შემდეგი რედაქციით:

„ბ) ზედამხედველობს და კოორდინაციას უწევს ქონების მართვის სამმართველოსა და ტექნიკური უზრუნველყოფისა და ზედამხედველობის სამმართველოს მიერ სამსახურებრივი უფლებამოსილების შესრულებას;“;

ბ) „ვ“ და „ზ“ ქვეპუნქტები ამოღებულ იქნეს.