„ექსტერნატის ფორმით მიღებული განათლების სერტიფიცირების დებულების დამტკიცების შესახებ“ საქართველოს განათლებისა და მეცნიერების მინისტრის 2011 წლის 18 თებერვლის №18/ნ ბრძანებაში ცვლილების შეტანის თაობაზე

1. მე-7 მუხლის:

ა) მე-3 პუნქტის შემდეგ დაემატოს შემდეგი შინაარსის 3¹ პუნქტი:

„3¹. ერთსა და იმავე საგანში ერთდროულად 2 ან მეტი კლასის ექსტერნატის ფორმით დაძლევის შემთხვევაში დაწყებით და საბაზო საფეხურებზე სკოლა უფლებამოსილია ჩაატაროს საგნის კომბინირებული გამოცდა, რომელიც იძლევა თითოეული კლასის გამიჯნულად შეფასების შესაძლებლობას;“;

ბ) მე-5 პუნქტი ამოღებულ იქნეს.

2. მე-13 მუხლის მე-3 პუნქტი ჩამოყალიბდეს შემდეგი რედაქციით:

„3.  V კლასის II სემესტრიდან XII კლასის ჩათვლით სპორტის საგნობრივ ჯგუფში გაერთიანებულ საგნებში და არჩევით საგნებში მოსწავლე ფასდება ჩათვლის სისტემით: ჩაეთვალა/არ ჩაეთვალა. ამ პუნქტით გათვალისწინებულ საგნებში ექსტერნატის გამოცდის დაძლევისათვის ექსტერნმა თითოეულ საგამოცდო საგანში უნდა მიიღოს შეფასება – ჩაეთვალა.“.