„ხაშურის მუნიციპალიტეტის დაბა სურამის გენერალური გეგმისა და დაბის ცენტრალური უბნის განაშენიანების გეგმის დამტკიცების თაობაზე” ხაშურის მუნიციპალიტეტის საკრებულოს 2021 წლის 6 აპრილის №7 დადგენილებაში ცვლილების შეტანის შესახებ

ა) მე-13 თავში (ფუნქციური ზონირება) სასოფლო სამეურნეო ტერიტორიის განმარტება ჩამოყალიბდეს შემდეგი რედაქციით:

„სასოფლო-სამეურნეო ტერიტორია“ (სსტ)

• ტერიტორიები, რომლებიც განკუთვნილია სასოფლო-სამეურნეო საქმიანობისთვის, შესაძლებელია განვითარდეს შზ-8 ფუნქციური ზონის შესაბამისად.“;

ბ) მე-14.3 ქვეთავში (სამშენებლო ტერიტორიები და მათი რეგლამენტები) „თ“ ქვეპუნქტი ჩამოყალიბდეს შემდეგი რედაქციით:

„თ) სასოფლო-სამეურნეო ზონა – (შზ-8) მოიცავს სასოფლო-სამეურნეო დანიშნულების მიწის ნაკვეთებს, რომლებზეც გარდა სასოფლო-სამეურნეო ფუნქციებისა დასაშვებია ქვემოთ ჩამოთვლილი ობიექტების არსებობა:

ნებადართული სახეობებია:

• დამხმარე სამეურნეო ობიექტები;

• ფერმა;

• სპორტული ინფრასტრუქტურა;

• ინდივიდუალური საცხოვრებელი სახლი.

საგამონაკლისო წესით შეიძლება ასევე დასაშვები იყოს:

• სასტუმრო;

• მარანი;

• კვების ობიექტი;

• სავაჭრო ობიექტი“.

•  ცვლილება შეეხება მხოლოდ იმ სასოფლო-სამეურნეო ტერიტორიებს, რომლებიც არ მდებარეობს გეოლოგიური თვალსაზრისით მაღალი რისკის შემცველ ზონაში;

გ) 15.31 ქვეთავი (ტერიტორია №30 (სპორტული ინფრასტრუქტურის ზონა)) ჩამოყალიბდეს შემდეგი რედაქციით:

„15.31. ტერიტორია №30 (სპორტული ინფრასტრუქტურის ზონა)

საპროექტო ტერიტორიის დაახლოებითი ფართობი: 70197 მ²

დადგენილი ზოგადი ფუნქციური ზონა: შერეული ზონა

კონკრეტული ფუნქციური ზონა: საკურორტო-სარეკრეაციო ზონა (შზ-4) წარმოადგენს შერეული ზონის ქვეზონას, რომელიც ემსახურება დასასვენებელი ან/და სამკურნალო დანიშნულების შენობა-ნაგებობების ფუნქციონირებას.

დადგენილი კოეფიციენტები: კ-1=0.5; კ-3=0.2; სართულიანობა - 3; 

ნებადართული სახეობებია:

• სარეკრეაციო სივრცეები და მისი ფუნქციონირებისთვის საჭირო დროებითი შენობა და ნაგებობა;

• სასპორტო ობიექტი;

• სარეკრეაციო სივრცეები და მისი ფუნქციონირებისთვის საჭირო შენობა და ნაგებობა;

• ტურისტული ობიექტი;

• სკოლამდელი აღზრდისა და ზოგადი განათლების დაწესებულება.

საგამონაკლისო წესით შეიძლება ასევე დასაშვები იყოს:

კვების ობიექტები

სასპორტო ობიექტები

განვითარების პირობები:

• ტერიტორიის განვითარება დასაშვებია მხოლოდ გდგ-ს ფარგლებში ან გგ-ს საფუძველზე დამუშავებული გდგ-ების შესაბამისად.

• საპროექტო ტერიტორიის ძირითადი ფუნქცია უნდა შეადგენდეს სპორტულ აქტივობას.

• აუცილებელია ერთი სტანდარტული ზომის საფეხბურთო/სარაგბო მოედნის მოწყობა (110*70მ).

• სტანდარტული მოედნის გარდა აუცილებელია მაქსიმალური რაოდენობისა და სხვადასხვა სახეობის მცირე ზომის მოედნების დაგეგმვა.

• სარეკომენდაციოა სტანდარტულთან მიახლოვებული ზომის სავარჯიშო მოედნის მოწყობა.

• აუცილებელია მოედნების ფუნქციონირებისთვის საჭირო შენობების განთავსება (გასახდელები, ტრიბუნები, დამხმარე სათავსები და ა.შ.).

• საჯარო ინტერესით განპირობებული სპორტული ინფრასტრუქტურის (მათ შორის, საგამონაკლისო წესით განსაზღვრული) განვითარება, ასევე სათანადო სატრანსპორტო კავშირით უზრუნველყოფილი კერძო ნაკვეთების დასაშვები და საგამონაკლისო ფუნქციებით განვითარება დასაშვებია, როგორც გდგ-ს საფუძველზე, ასევე მიწის ნაკვეთის სამშენებლოდ გამოყენების პირობების დადგენით. 

• თუ მიწის ნაკვეთის კონფიგურაცია შესაბამისობაშია გგ-თი დადგენილ კონფიგურაციასთან მისი განვითარება დასაშვებია მიწის ნაკვეთის სამშენებლოდ გამოყენების პირობების საფუძველზეც.

• მოსაწესრიგებელია საინჟინრო კომუნიკაციებისა და საავტომობილო გზებით უზრუნველყოფის საკითხები.

• გასათვალისწინებელია კავშირების შექმნა ბულვარის და მიმდებარე საპროექტო უბნების მიმართულებით.