„საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის − სახელმწიფო სერვისების განვითარების სააგენტოს და დელეგირებული უფლებამოსილების ფარგლებში საკონსულო თანამდებობის პირის მიერ გაწეული მომსახურების ვადების, ამ მომსახურებისათვის დაწესებული საფასურების ოდენობების და საფასურის გადახდის წესის დამტკიცების შესახებ“ საქართველოს მთავრობის 2011 წლის 29 დეკემბრის №508 დადგენილებაში ცვლილების შეტანის თაობაზე

1. მე-2 მუხლის:

ა) 23³ პუნქტის შემდეგ დაემატოს შემდეგი შინაარსის 23⁴ პუნქტი:

„23⁴. საქართველოს მოქალაქის მეუღლის ბინადრობის ნებართვის მიღების მიზნით, განცხადების შეტანიდან 90 კალენდარული დღის ვადაში გაცემისათვის – მომსახურების საფასური − 500 ლარი.“;

ბ) 24-ე პუნქტი ჩამოყალიბდეს შემდეგი რედაქციით:

„24. მუდმივი ცხოვრებისა და უვადო ბინადრობის ნებართვების მიღების მიზნით, განცხადების შეტანიდან:

ა) 30-ე კალენდარულ დღეს გაცემისათვის – მომსახურების საფასური − 500 ლარი;

ბ) 20 კალენდარული დღის ვადაში გაცემისათვის – მომსახურების საფასური − 500 ლარი და დაჩქარებული მომსახურების საფასური − 150 ლარი.“.

2. 5¹ მუხლი ჩამოყალიბდეს შემდეგი რედაქციით:

„მუხლი 5¹. დაჩქარებული მომსახურების გაწევის სპეციფიკა

1.  თუ  არსებობს ობიექტური გარემოება, რის გამოც შეუძლებელია დაჩქარებული მომსახურების გაწევა, სააგენტო უფლებამოსილია, განუმარტოს პირს დაჩქარებული მომსახურების მიღების შეუძლებლობის შესახებ და არ გაუწიოს მას დაჩქარებული მომსახურება.

2. მომსახურების დაჩქარებულ ვადებში განხორციელებაზე უფლებამოსილი სააგენტოს ტერიტორიული სამსახურები და განცხადების მიღების სხვა პირობები განისაზღვრება სააგენტოს თავმჯდომარის ბრძანებით.“.

2. დადგენილების პირველი მუხლის პირველი პუნქტი ამოქმედდეს 2026 წლის 1 სექტემბრიდან.