,,საქართველოს ეროვნული ბანკის პრეზიდენტის 2003 წლის 12 ივნისის 135 ბრძანებით დამტკიცებულ ,,დროის რეალურ რეჟიმში ანგარიშსწორების (RTGS) შესახებ“ დებულებაში ცვლილებების შეტანის თაობაზე“

სახელმწიფო სარეგისტრაციო კოდი 220.090.000.18.011.010.142

საქართველოს ეროვნული ბანკის პრეზიდენტის

ბრძანება №73

2007 წლის 19 მარტი

ქ. თბილისი

საქართველოს ეროვნული ბანკის პრეზიდენტის2003 წლის 12 ივნისის №135 ბრძანებით დამტკიცებულ „დროის რეალურ რეჟიმში ანგარიშსწორების (RTGS) შესახებ” დებულებაში ცვლილებების შეტანის თაობაზე

     „საქართველოს ეროვნული ბანკის შესახებ“ საქართველოს ორგანული კანონის მე-2 მუხლის მე-2 პუნქტის „ე“ ქვეპუნქტის, 73-ე მუხლის მე-2 და მე-3 პუნქტების, აგრეთვე „კომერციული ბანკების საქმიანობის შესახებ“ საქართველოს კანონის მე-19 მუხლის პირველი პუნქტის შესაბამისად, საქართველოს ეროვნული ბანკის პრეზიდენტის 2003 წლის 12 ივნისის №135 ბრძანებით დამტკიცებულ „დროის რეალურ რეჟიმში ანგარიშსწორების (RTGS) შესახებ“ დებულებაში შეტანილ იქნეს შემდეგი ცვლილებები:

     1. დებულების მე-2 მუხლში (ტერმინთა განსაზღვრებები) შეიცვალოს განსაზღვრება „ანგარიშსწორების სისტემის (RTGS) მონაწილე (მომხმარებელი)“ და ჩამოყალიბდეს შემდეგი რედაქციით:

     „ანგარიშსწორების სისტემის (RTGS) მონაწილე (მომხმარებელი) – საქართველოს ეროვნული ბანკი, კომერციული ბანკები, ფინანსთა სამინისტროს სახაზინო სამსახური, საფონდო და ბანკთაშორისი სავალუტო ბირჟები, ფასიანი ქაღალდების ცენტრალური დეპოზიტარი.”.

     2. დებულების მე-5 მუხლის (ხელმოწერის გასაღებების პასპორტის მფლობელის ვალდებულებები) მე-6 პუნქტში სიტყვა „მიუხედავად“ შეიცვალოს სიტყვით „შემთხვევაში“.

     3. დებულების მე-7 მუხლის (ელექტრონული საბუთების გაცვლის ზოგადი პრინციპები) პირველი პუნქტი ჩამოყალიბდეს შემდეგი რედაქციით:

     „1. ელექტრონული საბუთის შედგენა ხდება სისტემის ორგანიზატორის მიერ განსაზღვრული უსაფრთხოების პროცედურების მიხედვით.“.

     4. ეს ბრძანება ამოქმედდეს ხელმოწერისთანავე.

 რ. გოცირიძე