„სს საქართველოს რკინიგზისა და მისი წილობრივი მონაწილეობით არსებული/დაფუძნებული კომპანიებისა და ასეთი კომპანიების წილობრივი მონაწილეობით არსებული/დაფუძნებული კომპანიების საქონლის ან/და მომსახურების შესყიდვების სპეციალური წესის დამტკიცების თაობაზე“ საქართველოს მთავრობის 2025 წლის 29 დეკემბრის №609 დადგენილებაში ცვლილების შეტანის შესახებ

1. მე-4 მუხლს დაემატოს შემდეგი შინაარსის 1¹ პუნქტი:

„1¹. იმ შემთხვევაში, თუ შესყიდვის ღირებულება შეადგენს ან აღემატება 1 000 000 ლარს, შემსყიდველს უფლება აქვს, შესყიდვის ელექტრონულ პროცედურაში მოითხოვოს მხოლოდ საქონლის მწარმოებლის ან/და მომსახურების გამწევი კომპანიის მონაწილეობა.“.

2. მე-4 მუხლის მე-2 პუნქტს დაემატოს შემდეგი შინაარსის „დ“ და „ე“ ქვეპუნქტები:

„დ) სს საქართველოს რკინიგზის დირექტორთა საბჭოს გადაწყვეტილებით, იმ შემთხვევაში, თუ შესყიდვის ღირებულება შეადგენს ან აღემატება 1 000 000 ლარს, მხოლოდ შესასყიდი საქონლის უშუალო მწარმოებელთან ან/და მომსახურების უშუალო გამწევთან;

ე) სს საქართველოს რკინიგზის დირექტორთა საბჭოს გადაწყვეტილებით, ამ წესის ფარგლებში შესყიდული საქონლის ან/და მომსახურების გამწევი კომპანიისათვის მომსახურებაგასაწევი და მომსახურებაგაწეული ობიექტის საბაჟო, სატერმინალო, გადაზიდვის /ტრანსპორტირების, დაზღვევის, შენახვისა და საბროკერო მომსახურების შესყიდვა.“.

3. მე-6 მუხლის მე-3 პუნქტი ჩამოყალიბდეს შემდეგი რედაქციით:

„3. ყოველი შესყიდვის განხორციელებამდე სავალდებულოა ბაზრის კვლევის ჩატარება, რომელიც, თავის მხრივ, უნდა განხორციელდეს სახელმწიფო შესყიდვების სფეროში მოქმედი კანონმდებლობის, რეკომენდაციებისა და მეთოდური მითითებების შესაბამისად. ამასთან, ამ წესის მე-4 მუხლის 1¹ პუნქტითა და ამავე მუხლის მე-2 პუნქტის „დ“ ქვეპუნქტით გათვალისწინებულ შემთხვევებში შემსყიდველი ვალდებულია, ბაზრის კვლევა განახორციელოს იმ პირობით, რომ მასში მონაწილეობისა და შეთავაზების წარდგენის უფლება აქვთ მხოლოდ შესასყიდი საქონლის უშუალო მწარმოებლებს ან/და მომსახურების უშუალო გამწევებს.“.

4. მე-10 მუხლის პირველ პუნქტს დაემატოს შემდეგი შინაარსის „ი“ ქვეპუნქტი:

„ი) მითითებას, შესყიდვის ელექტრონულ პროცედურაში მხოლოდ საქონლის მწარმოებლის ან/და მომსახურების გამწევი კომპანიის მონაწილეობის შესახებ (ასეთის არსებობის შემთხვევაში), თუ შესყიდვის ღირებულება შეადგენს ან აღემატება 1 000 000 ლარს.“.

5. მე-13 მუხლის მე-3 პუნქტი ჩამოყალიბდეს შემდეგი რედაქციით:

„3. თუ შესყიდვის სავარაუდო ღირებულება 50 000 ლარზე ნაკლებია ან შესყიდვის ელექტრონული პროცედურა გამოცხადებულია ამ წესის მე-4 მუხლის 1¹ პუნქტის შესაბამისად, შემსყიდველი უფლებამოსილია, არ მოითხოვოს წინადადების უზრუნველყოფის გარანტია.“.

6. მე-15 მუხლის მე-2 პუნქტი ჩამოყალიბდეს შემდეგი რედაქციით:

„2. იმ შემთხვევაში, თუ პრეტენდენტს წინადადების ვადის დასრულების დროისთვის არ ექნება მოთხოვნათა სრული დაცვით წარდგენილი წინადადების უზრუნველყოფის გარანტია ან/და, ამ წესის    მე-4 მუხლის 1¹ პუნქტის შესაბამისად გამოცხადებული შესყიდვის ელექტრონული პროცედურის ფარგლებში, პრეტენდენტი არ იქნება საქონლის მწარმოებელი ან/და მომსახურების გამწევი კომპანია, პრეტენდენტის შეთავაზება არ განიხილება და კომისიას შეუძლია, მიმართოს წინადადების ყველაზე დაბალი ფასის მქონე მომდევნო პრეტენდენტს.“.

7. მე-16 მუხლის პირველი პუნქტი ჩამოყალიბდეს შემდეგი რედაქციით:

„1. ამ წესის თანახმად, როგორც ელექტრონული პროცედურის, ასევე პირდაპირი შესყიდვის შედეგად განხორციელებული შესყიდვები, დადებული ხელშეკრულებები და მათთან დაკავშირებული ფაქტობრივი გადახდებისა და ხელშეკრულების შესრულების მიმდინარეობის თაობაზე ინფორმაცია ან/და დოკუმენტები იტვირთება სისტემაში, მათი შედგენიდან არაუგვიანეს 10 დღისა. ამ პუნქტით გათვალისწინებული მოთხოვნები არ ვრცელდება პირდაპირ შესყიდვებზე, რომელთა ფარგლებში დადებული ხელშეკრულებები შეიცავს კონფიდენციალურობის დაცვის ვალდებულებას.“.

8. დანართში „სს საქართველოს რკინიგზის (ს/ნ: 202886010) მიერ ამ დადგენილებით დაშვებული საქონლის ან/და მომსახურების შესყიდვას“  დაემატოს შემდეგი შინაარსის 29-ე პუნქტი: