„ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებაში ცვლილების შეტანის თაობაზე

1. ბრძანებით დამტკიცებული „ელექტრონული ტენდერის ჩატარების წესის“:

ა) მე-11 მუხლის შემდგომ დაემატოს შემდეგი შინაარსის 11¹ მუხლი:

„მუხლი 11¹. ელექტრონული ტენდერის დარეზერვება

1. კანონის 10³ მუხლითა და საქართველოს მთავრობის შესაბამისი სამართლებრივი აქტით განსაზღვრულ შემთხვევებში შესაძლებელია ჩატარდეს დარეზერვებული ელექტრონული ტენდერი.

2. შემსყიდველი ორგანიზაცია დარეზერვებულ ელექტრონულ ტენდერს ატარებს ამ წესის შესაბამისად, კანონის 10³ მუხლითა და საქართველოს მთავრობის შესაბამისი სამართლებრივი აქტით დადგენილი  თავისებურებების გათვალისწინებით.“;

ბ) მე-16 მუხლის მე-2 პუნქტის „ა“ ქვეპუნქტის შემდგომ დაემატოს შემდეგი შინაარსის „ა¹“ ქვეპუნქტი:

„ა¹) მითითებას სახელმწიფო შესყიდვის დარეზერვებაზე, ალტერნატიულ შესყიდვაზე ან/და ერთობლივ შესყიდვაზე (არსებობის შემთხვევაში);“;

გ) მე-17 მუხლის პირველი პუნქტის „ლ“ ქვეპუნქტის შემდგომ დაემატოს შემდეგი შინაარსის „მ“ ქვეპუნქტი:

„მ) ინფორმაციას სახელმწიფო შესყიდვის დარეზერვების თაობაზე (არსებობის შემთხვევაში).“;

დ) 27-ე მუხლის მე-7 პუნქტის შემდგომ დაემატოს შემდეგი შინაარსის 7¹ პუნქტი:

„7¹. სატენდერო კომისია არ ახდენს პრეტენდენტის დისკვალიფიკაციას, თუ:

ა) პრეტენდენტის მიერ წარდგენილი ხარჯთაღრიცხვა არ საჭიროებს დაზუსტებას და, ამავე ხარჯთაღრიცხვასა და ტექნიკურ დოკუმენტაციაში ან/და დაზუსტებულ ტექნიკურ დოკუმენტაციაში მითითებულ ფასთა შორის სხვაობა არ აღემატება 1 (ერთი) ლარს და ამავდროულად, ნაკლებია ელექტრონული ვაჭრობის შედეგად პრეტენდენტის მიერ სისტემაში დაფიქსირებულ წინადადების საბოლოო ფასზე;

ბ) პრეტენდენტის მიერ წარდგენილ დაზუსტებულ ხარჯთაღრიცხვასა და წარდგენილ ტექნიკურ დოკუმენტაციაში, ან/და დაზუსტებულ ტექნიკურ დოკუმენტაციაში მითითებულ ფასთა შორის სხვაობა არ აღემატება 1 (ერთი) ლარს და ამავდროულად, ნაკლებია ელექტრონული ვაჭრობის შედეგად პრეტენდენტის მიერ სისტემაში დაფიქსირებულ წინადადების საბოლოო ფასზე.“.

2. ბრძანების №3 დანართი შეიცვალოს ამ ბრძანებას თანდართული დანართით.

2. ამ ბრძანების პირველი მუხლის პირველი პუნქტის „დ“ ქვეპუნქტი ამოქმედდეს გამოქვეყნებისთანავე და გავრცელდეს ამოქმედების შემდგომ გამოცხადებულ ტენდერებზე.