„პროფესიული მომზადების პროგრამისა და პროფესიული გადამზადების პროგრამის ელექტრონული სისტემის შექმნის, მართვისა და ადმინისტრირების წესის“ დამტკიცების შესახებ“ საქართველოს განათლებისა და მეცნიერების მინისტრის 2024 წლის 06 აგვისტოს №68/ნ ბრძანებაში ცვლილების შეტანის თაობაზე

„3¹. პროფესიული მომზადების/პროფესიული გადამზადების პროგრამის განხორციელების უფლების ვადაში, პროფესიული მომზადების/პროფესიული გადამზადების პროგრამის განმახორციელებელი იურიდიული პირის/საგანმანათლებლო დაწესებულების მიერ, პროფესიული მომზადების/პროფესიული გადამზადების პროგრამაში საქართველოს მთავრობის 2019 წლის 15 მარტის №131 დადგენილებით დამტკიცებული „პროფესიული მომზადების პროგრამისა და პროფესიული გადამზადების პროგრამის განხორციელების უფლების მოპოვებისა და სახელმწიფოს მიერ აღიარებულად ჩათვლის წესისა და პირობების“ მე-14 მუხლით გათვალისწინებული ცვლილებების შეტანა და მე-16 მუხლით გათვალისწინებული მსმენელთა ზღვრული ადგილების რაოდენობის გაზრდის შესახებ ინფორმაციის ასახვა ხორციელდება ელექტრონული სისტემის მეშვეობით, რომელიც მოიცავს შემდეგ პროცესებს:

ა) ელექტრონულ სისტემაში არსებული პროფესიული მომზადებისა და პროფესიული გადამზადების პროგრამის ახალი ვერსიის შექმნა განახლებული მონაცემებით, რომელზეც შესრულებულია კვალიფიციური ელექტრონული ხელმოწერა ან/და კვალიფიციური ელექტრონული შტამპი;

ბ) იურიდიული პირის/საგანმანათლებლო დაწესებულების მიერ პროფესიული მომზადების პროგრამისა და პროფესიული გადამზადების პროგრამაში ცვლილების განხორციელების მიზნით ელექტრონული განაცხადის წარდგენა, რომელზეც განთავსებული უნდა იყოს კვალიფიციური ელექტრონული ხელმოწერა ან/და კვალიფიციური ელექტრონული შტამპი;

გ) ცენტრის მიერ ელექტრონული განაცხადისა და მასზე თანდართული დოკუმენტების განხილვა და საჭიროების შემთხვევაში დახარვეზება;

დ) იურიდიული პირის/საგანმანათლებლო დაწესებულების მიერ დადგენილი ხარვეზის აღმოფხვრა;

ე) საქართველოს მთავრობის 2019 წლის 15 მარტის №131 დადგენილებით დამტკიცებული „პროფესიული მომზადების პროგრამისა და პროფესიული გადამზადების პროგრამის განხორციელების უფლების მოპოვებისა და სახელმწიფოს მიერ აღიარებულად ჩათვლის წესისა და პირობების“ მე-14 მუხლით გათვალისწინებული ცვლილებების შემთხვევაში, წარმოდგენილი დოკუმენტების შესაბამისობის შემოწმება საბჭოს აპარატის მიერ და შესაბამისობის დადგენის შემთხვევაში ელექტრონულ სისტემაში დადასტურება/ცნობად მიღება; 

ვ) საქართველოს მთავრობის 2019 წლის 15 მარტის №131 დადგენილებით დამტკიცებული „პროფესიული მომზადების პროგრამისა და პროფესიული გადამზადების პროგრამის განხორციელების უფლების მოპოვებისა და სახელმწიფოს მიერ აღიარებულად ჩათვლის წესისა და პირობების“ მე-16 მუხლით გათვალისწინებული მსმენელთა ადგილების ზღვრული რაოდენობის გაზრდის შესახებ ელექტრონული განაცხადის წარდგენის შემთხვევაში, წარმოდგენილი დოკუმენტების შესწავლა და შეფასება მე-16 მუხლის მე-4 – მე-8 პუნქტების შესაბამისად;

ზ) ცენტრის მიერ პროფესიული მომზადების/პროფესიული გადამზადების პროგრამის ახალი ვერსიის ელექტრონულ სისტემაში რეგისტრაციის ან რეგისტრაციაზე უარის თქმის თაობაზე გადაწყვეტილების მიღება და მისი სისტემაში ასახვა;

თ) პროფესიული მომზადების/პროფესიული გადამზადების პროგრამისთვის უნიკალური კოდის მინიჭება.“.