,,საქართველოს იუსტიციის მინისტრის 2000 წლის 11 იანვრის №10 ბრძანებაში ცვლილებების შეტანის თაობაზე“

სახელმწიფო სარეგისტრაციო კოდი 100.070.000.22.027.010.096

საქართველოს იუსტიციის მინისტრის

ბრძანება №66

2007 წლის 7 მარტი

ქ. თბილისი

საქართველოს იუსტიციის მინისტრის 2000 წლის 11 იანვრის №10 ბრძანებაში ცვლილებების შეტანის თაობაზე

 ,,პატიმრობის შესახებ“ საქართველოს კანონის მე-6 მუხლის მე-2 პუნქტის შესაბამისად, ვბრძანებ:

1. გაერთიანდეს №8 საპყრობილე (მცხეთის რაიონი, დაბა ქსანი) და №7 საერთო და მკაცრი რეჟიმის სასჯელაღსრულების დაწესებულება (მცხეთის რაიონი) და ეწოდოს ,,№7 საერთო, მკაცრი და საპყრობილის რეჟიმის სასჯელაღსრულების დაწესებულება (მცხეთის რაიონი, დაბა ქსანი)“.

2. საქართველოს იუსტიციის მინისტრის 2000 წლის 11 იანვრის №10 ბრძანებაში (სსმ III, 2000 წ., №2, მუხ. 23) შევიდეს შემდეგი ცვლილებები:

ა) ბრძანების მე-2 პუნქტის ,,ზ“ ქვეპუნქტი ჩამოყალიბდეს შემდეგი რედაქციით:

,,ზ) №7 საერთო, მკაცრი და საპყრობილის რეჟიმის სასჯელაღსრულების დაწესებულება (მცხეთის რაიონი, დაბა ქსანი);“;

ბ) ამოღებულ იქნეს ბრძანების მე-2 პუნქტის ,,რ“ ქვეპუნქტი.

3. საქართველოს იუსტიციის სამინისტროს სასჯელაღსრულების დეპარტამენტის თავმჯდომარემ უზრუნველყოს ამ ბრძანების პირველი პუნქტის განხორციელება და №8 საპყრობილისა (მცხეთის რაიონი) და №7 საერთო და მკაცრი რეჟიმის სასჯელაღსრულების დაწესებულების მოსამსახურეთა დასაქმება კანონმდებლობის მოთხოვნათა შესაბამისად.

4. ეს ბრძანება ამოქმედდეს 2007 წლის 6 მარ-ტიდან.

   გ. ქავთარაძე