„საჯარო სამართლის იურიდიული პირის – სასწავლო უნივერსიტეტის – ბათუმის სახელმწიფო საზღვაო აკადემიის წესდების დამტკიცების შესახებ“ საქართველოს ეკონომიკისა და მდგრადი განვითარების მინისტრის 2012 წლის 10 ივლისის №1-1/1439 ბრძანებაში ცვლილების შეტანის თაობაზე

1. ბრძანების სათაური ჩამოყალიბდეს შემდეგი რედაქციით:

„საჯარო სამართლის იურიდიული პირის – ბათუმის სახელმწიფო საზღვაო აკადემიის წესდების დამტკიცების შესახებ“. 

2. ბრძანების პირველი პუნქტი ჩამოყალიბდეს შემდეგი რედაქციით:

„1. დამტკიცდეს საჯარო სამართლის იურიდიული პირის – ბათუმის სახელმწიფო საზღვაო აკადემიის წესდება (შემდგომში – წესდება) თანდართული რედაქციით.“.

3. წესდების პირველი მუხლი ჩამოყალიბდეს შემდეგი რედაქციით:

„მუხლი 1. წესდების რეგულირების სფერო ეს წესდება არეგულირებს საჯარო სამართლის იურიდიული პირის – ბათუმის სახელმწიფო საზღვაო აკადემიის (შემდგომში – აკადემია) სტატუსს, ფუნქციებს, საქმიანობის ძირითად მიმართულებებს, სტრუქტურას, მართვის ორგანოებისა და თანამდებობის პირთა არჩევის/დანიშვნის წესსა და უფლებამოვალეობებს, საჯარო სამართლის იურიდიული პირის – ბათუმის სახელმწიფო საზღვაო აკადემიის ფუნქციონირებასთან დაკავშირებულ სხვა საკითხებს.“.

4. წესდების მე-2 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. საჯარო სამართლის იურიდიული პირი – ბათუმის სახელმწიფო საზღვაო აკადემია არის სახელმწიფოს მიერ დაფუძნებული საჯარო სამართლის იურიდიული პირი, რომლის საქმიანობა წესრიგდება საქართველოს კონსტიტუციით, საქართველოს საერთაშორისო ხელშეკრულებებითა და შეთანხმებებით, „უმაღლესი განათლების შესახებ“, „მეზღვაურთა განათლებისა და სერტიფიცირების შესახებ“, ,,პროფესიული განათლების შესახებ“ და „საჯარო სამართლის იურიდიული პირის შესახებ“ საქართველოს კანონების, ამ წესდებისა და სხვა საკანონმდებლო და კანონქვემდებარე ნორმატიული აქტებით. აკადემია წარმოადგენს უმაღლეს საგანმანათლებლო დაწესებულებას – უნივერსიტეტს.“;

ბ) მე-2 პუნქტი ჩამოყალიბდეს შემდეგი რედაქციით:

„2. აკადემიის სრული სახელწოდებაა: „საჯარო სამართლის იურიდიული პირი –  ბათუმის სახელმწიფო საზღვაო აკადემია“.“.  

5. წესდების მე-4 მუხლის:

ა) „ა“ ქვეპუნქტი ჩამოყალიბდეს შემდეგი რედაქციით:

„ა) საქართველოს კანონმდებლობით, საერთაშორისო ხელშეკრულებებითა და საგანმანათლებლო სფეროში აღიარებული სტანდარტებით განსაზღვრული მოთხოვნების შესაბამისად, სტუდენტის ინტერესებსა და შესაძლებლობებზე ორიენტირებული უმაღლესი და პროფესიული განათლების განხორციელება, საზღვაო სფეროსთვის კვალიფიციური კადრების მომზადებისა და გადამზადების უზრუნველსაყოფად.“;

ბ) „ბ“ ქვეპუნქტი ამოღებულ იქნეს.

6. წესდების მე-6 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. აკადემიის მართვის ორგანო/მმართველი სუბიექტებია: აკადემიის რექტორი, აკადემიური საბჭო, სენატი (წარმომადგენლობითი საბჭო) ინსტიტუციური მართვისა და ხარისხის განვითარების ცენტრი, ადმინისტრაციის აპარატი.“;

ბ) მე-5-მე-7 პუნქტები ჩამოყალიბდეს შემდეგი რედაქციით:

„5. აკადემიას აქვს ფილიალი – ბათუმის სახელმწიფო საზღვაო აკადემიის ფოთის ფილიალი, რომელიც არის აკადემიის ნაწილი და ახორციელებს იმავე საგანმანათლებლო და საწვრთნელ საქმიანობას, რასაც აკადემია.

6. „პროფესიული განათლების შესახებ“ საქართველოს კანონით განსაზღვრული პროფესიული საგანმანათლებლო და მოკლევადიანი კურსების განხორციელების მიზნით აკადემიაში ფუნქციონირებს პროფესიული  განათლების ცენტრი.

7. „მეზღვაურთა განათლებისა და სერტიფიცირების შესახებ“ საქართველოს კანონით განსაზღვრული საწვრთნელი კურსების განხორციელების მიზნით აკადემიაში ფუნქციონირებს აბესალომ ზენაიშვილის სახელობის მეზღვაურთა სასწავლო, საწვრთნელი და სერტიფიცირების ცენტრი.“.

7. წესდების 6¹ მუხლის პირველი პუნქტის „ბ“ ქვეპუნქტი ჩამოყალიბდეს შემდეგი რედაქციით:

„ბ) აკადემიური პერსონალის, ადმინისტრაციული და დამხმარე პერსონალისა და სტუდენტთა მონაწილეობას გადაწყვეტილებების მიღებისა და მათი შესრულების კონტროლის პროცესში;“.

8.  წესდების მე-7 მუხლის:

ა)  პირველი პუნქტი ჩამოყალიბდეს შემდეგი რედაქციით:

„1. აკადემიას ხელმძღვანელობს აკადემიის რექტორი, რომელიც იმავდროულად არის სენატისა და აკადემიური საბჭოს თავმჯდომარე.“;

ბ) მე-3 პუნქტის:

ბ.ა) „ზ“ ქვეპუნქტი ამოღებულ იქნეს;

ბ.ბ) „ს“ ქვეპუნქტი ჩამოყალიბდეს შემდეგი რედაქციით:

„ს) ქმნის აკადემიის სტრუქტურულ ერთეულებს;“;

ბ.გ) „ს“ ქვეპუნქტის შემდგომ დაემატოს შემდეგი შინაარსის „ს¹“ და  „ს²“  ქვეპუნქტები:

„ს¹) ამტკიცებს აკადემიის ორგანიზაციულ სტრუქტურას;

ს²) ამტკიცებს აკადემიის სტრუქტურული ერთეულების დებულებებს;“.

 9. წესდების მე-8 მუხლის:

ა) პირველი პუნქტი ჩამოყალიბდეს შემდეგი რედაქციით:

„1. აკადემიური საბჭო არის აკადემიის კოლეგიური წარმომადგენლობითი მართვის ორგანო, რომლის შემადგენლობაში შედის საბჭოს თავმჯდომარე, ინსტიტუციური მართვისა და ხარისხის განვითარების ცენტრის უფროსი, სასწავლო პროცესების საკოორდინაციო ცენტრის უფროსი, ძირითადი საგანმანათლებლო ერთეულების ხელმძღვანელები, ძირითადი საგანმანათლებლო ერთეულების საბჭოების 3-3 წარმომადგენელი, მათ შორის, თითო სტუდენტი ყოველი ფაკულტეტიდან.“;

ბ) მე-4 პუნქტი ჩამოყალიბდეს შემდეგი რედაქციით:

„4. აკადემიური საბჭოს თავმჯდომარეა რექტორი.“;

გ) მე-4 პუნქტის შემდგომ დაემატოს შემდეგი შინაარსის „4¹“ პუნქტი:

„4¹. სხვა უმაღლეს საგანმანათლებლო დაწესებულებაში აკადემიური ან ადმინისტრაციული თანამდებობის დაკავების შემთხვევაში აკადემიური საბჭოს წევრს უწყდება აკადემიური საბჭოს წევრობა.“;

დ) მე-5 პუნქტის:

დ.ა) „ზ“ -„ი“ ქვეპუნქტები ჩამოყალიბდეს შემდეგი რედაქციით:

„ზ) წარადგენს დასაბუთებული ცვლილებების პროექტს შესაბამისი დასაბუთებით აკადემიის ინსტიტუციური მართვისა და ხარისხის განვითარების ცენტრის დებულებაში;
თ) ირჩევს აკადემიის ინსტიტუციური მართვისა და ხარისხის განვითარების ცენტრის უფროსს;

ი) წარადგენს დასაბუთებულ წინადადებებს ფაკულტეტის დეკანის, ინსტიტუციური მართვისა და ხარისხის განვითარების ცენტრის უფროსის და ფაკულტეტის ხარისხის უზრუნველყოფის სამსახურის ხელმძღვანელის არჩევის წესსა და საარჩევნო პროცედურაში ცვლილებების თაობაზე;“;

დ.ბ) „ნ“ ქვეპუნქტი  ჩამოყალიბდეს შემდეგი რედაქციით:

„ნ) აკადემიის ინსტიტუციური მართვისა და ხარისხის განვითარების ცენტრის  წარდგინებით ამტკიცებს საგანმანათლებლო საქმიანობის შეფასების წესს;“;

დ.გ) „ს“ ქვეპუნქტი  ჩამოყალიბდეს შემდეგი რედაქციით:

„ს) ყოველი სასწავლო წლის ბოლოს მოისმენს აკადემიის ინსტიტუციური მართვისა და ხარისხის განვითარების ცენტრის უფროსის ანგარიშს;“.

10. წესდების 8¹ მუხლის:

ა) პირველი პუნქტი ჩამოყალიბდეს შემდეგი რედაქციით:

„1. სენატი არის აკადემიის აღმასრულებელი რგოლის კოლეგიალური მართვის ორგანო, რომლის შემადგენლობაში შედის: რექტორი, ძირითადი საგანმანათლებლო ერთეულების ხელმძღვანელები, სასწავლო პროცესების საკოორდინაციო ცენტრის უფროსი, ინსტიტუციური მართვისა და ხარისხის განვითარების ცენტრის უფროსი, ადმინისტრაციის ხელმძღვანელი, ბათუმის სახელმწიფო საზღვაო აკადემიის ფოთის ფილიალის უფროსი, აბესალომ ზენაიშვილის სახელობის მეზღვაურთა  სასწავლო, საწვრთნელი და სერტიფიცირების ცენტრის უფროსი, პროფესიული განათლების ცენტრის უფროსი, სტუდენტური თვითმმართველობის წარმომადგენელი და სააგენტოს წარმომადგენელი.“;

ბ) მე-3 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) ამტკიცებს მაგისტრატურისა და ბაკალავრიატის საგანმანათლებლო პროგრამებისათვის სტუდენტთა, პროფესიული განათლების ცენტრისა და ბათუმის სახელმწიფო საზღვაო აკადემიის ფოთის ფილიალის მოკლევადიანი მომზადება-გადამზადების კურსების მსმენელთა, ასევე აბესალომ ზენაიშვილის სახელობის  მეზღვაურთა სასწავლო, საწვრთნელი და სერტიფიცირების ცენტრის მსმენელთა სწავლის/წვრთნის საფასურის ოდენობას;“.
 

11.  წესდების მე-9 მუხლის:

ა) სათაური ჩამოყალიბდეს შემდეგი რედაქციით:

„მუხლი 9. ინსტიტუციური მართვისა და ხარისხის განვითარების ცენტრი“;

ბ) პირველი პუნქტი ჩამოყალიბდეს შემდეგი რედაქციით:

„1. აკადემიის საქმიანობის ხარისხის მართვის სისტემის შემუშავების, დანერგვის, განახლებისა და სისტემატური შეფასების მიზნით მოქმედებს ინსტიტუციური მართვისა და ხარისხის განვითარების ცენტრი;“;

გ) მე-3 პუნქტი ამოღებულ იქნეს;

დ) მე-4 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) განსაზღვრავს ხარისხის კონტროლის კრიტერიუმებსა და მათი გამოყენების მეთოდიკას, რომლითაც ხელმძღვანელობს ცენტრი და ფაკულტეტის ხარისხის უზრუნველყოფის სამსახურები;“.

12. წესდების მე-11 მუხლის პირველი პუნქტი ჩამოყალიბდეს შემდეგი რედაქციით:

„1. ფაკულტეტის საბჭო არის ფაკულტეტის წარმომადგენლობითი ორგანო, რომლის შემადგენლობაში შედიან შესაბამისი ფაკულტეტისა და სასწავლო პროცესების საკოორდინაციო ცენტრის შესაბამისად არჩეული აკადემიური პერსონალი, დარგის მოწვეული სპეციალისტები და სტუდენტთა თვითმმართველობის წარმომადგენლები. საბჭოს წევრთა ოდენობა და ფაკულტეტის საბჭოში მათი წარმომადგენლობის ვადა განისაზღვრება ფაკულტეტის დებულებით.“.

13. წესდების მე-14 მუხლის  მე-3 პუნქტის „ე“ ქვეპუნქტი ჩამოყალიბდეს შემდეგი რედაქციით:

„ე) რეგულარულად წარუდგენს თავისი მუშაობის შედეგებს ფაკულტეტის საბჭოსა და ინსტიტუციური მართვისა და ხარისხის განვითარების ცენტრს.“.
14. წესდების 15¹  მუხლის:
ა) სათაური ჩამოყალიბდეს შემდეგი რედაქციით:
„15¹. ბათუმის სახელმწიფო საზღვაო აკადემიის ფოთის ფილიალი“;
ბ) პირველი-მე-3 პუნქტები ჩამოყალიბდეს შემდეგი რედაქციით:

„1. ბათუმის სახელმწიფო საზღვაო აკადემიის ფოთის ფილიალი არის  აკადემიის  ნაწილი და ახორციელებს იმავე საგანმანათლებლო საქმიანობას, რასაც აკადემია.

2. ბათუმის სახელმწიფო საზღვაო აკადემიის ფოთის ფილიალის საქმიანობა, მიზნები და ფუნქციები რეგულირდება სსიპ ბათუმის სახელმწიფო საზღვაო აკადემიის ფოთის ფილიალის დებულებით, რომელსაც ამტკიცებს რექტორი.

3. ბათუმის სახელმწიფო საზღვაო აკადემიის ფოთის ფილიალის ქონება და ფულადი სახსრები წარმოადგენს აკადემიის საკუთრებას და აღირიცხება აკადემიის ბალანსზე.“.

15. წესდების მე-18 მუხლი ჩამოყალიბდეს შემდეგი რედაქციით:

„მუხლი 18. აკადემიის არჩევითი თანამდებობები და საარჩევნო პროცედურა

1. აკადემიაში არჩევით თანამდებობებს განეკუთვნება: ფაკულტეტის დეკანი, ინსტიტუციური მართვისა და ხარისხის განვითარების ცენტრის უფროსი და ფაკულტეტის ხარისხის უზრუნველყოფის სამსახურის ხელძღვანელი.

2. ფაკულტეტის დეკანის, აკადემიის ინსტიტუციური მართვისა და ხარისხის განვითარების ცენტრის უფროსის და ფაკულტეტის ხარისხის უზრუნველყოფის სამსახურის ხელძღვანელის არჩევის წესი და საარჩევნო პროცედურა განისაზღვრება რექტორის მიერ დამტკიცებული წესით.“.

16. წესდების მე-20 მუხლის მე-2 პუნქტი ჩამოყალიბდეს შემდეგი რედაქციით:

„2. პროფესორების შემადგენლობას განეკუთვნება წამყვანი პროფესორი, პროფესორი, ასოცირებული პროფესორი და ასისტენტ-პროფესორი.“.

17. წესდების 26-ე მუხლის მე-2 პუნქტი ჩამოყალიბდეს შემდეგი რედაქციით:

„2. ადმინისტრაციულ თანამდებობებს განეკუთვნება: რექტორი, ადმინისტრაციის ხელმძღვანელი, აკადემიის სტრუქტურული ერთეულების ხელმძღვანელები, სტრუქტურული ერთეულის ხელმძღვანელის მოადგილეები. დამხმარე პერსონალს განეკუთვნება ყველა დასაქმებული, რომელიც არ არის აკადემიური ან ადმინისტრაციული თანამდებობის პირი.“.

18. წესდების 29-ე მუხლის მე-6 პუნქტი ამოღებულ იქნეს.

19. წესდების 34-ე მუხლის მე-2 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) აბესალომ ზენაიშვილის სახელობის მეზღვაურთა სასწავლო, საწვრთნელი და სერტიფიცირების ცენტრის, პროფესიული განათლების  ცენტრისა და ბათუმის სახელმწიფო საზღვაო აკადემიის  ფოთის ფილიალის შემოსავლები;“.

20. წესდების  36-ე მუხლის მე-3 პუნქტის „გ“ ქვეპუნქტი ჩამოყალიბდეს შემდეგი რედაქციით:

„გ) მონაწილეობს აკადემიის ავტორიზაციისა და აკრედიტაციის პროცესში.“.