„დუშეთის მუნიციპალიტეტში დასახლებული ტერიტორიის დასუფთავების მოსაკრებლის შემოღებისა და მისი გადახდის ინსტრუქციის დამტკიცების შესახებ” დუშეთის მუნიციპალიტეტის საკრებულოს 2026 წლის 29 მაისის №6 დადგენილებაში ცვლილების შეტანის თაობაზე

ა) დადგენილების პრეამბულა შეიცვალოს და ჩამოყალიბდეს შემდეგი რედაქციით:

„საქართველოს ორგანული კანონის „ადგილობრივი თვითმმართველობის კოდექსი“ მე-16 მუხლის მე-2 პუნქტის „დ“ ქვეპუნქტის, 24-ე მუხლის პირველი პუნქტის „დ.ბ“ ქვეპუნქტის, 61-ე მუხლის მე-2 პუნქტის,  93-ე მუხლის მე-2 პუნქტის, „ადგილობრივი მოსაკრებლების შესახებ“ საქართველოს კანონის მე-3 მუხლის პირველი და მე-6 პუნქტების, 12¹ მუხლისა და  „ნორმატიული აქტების შესახებ“ საქართველოს ორგანული კანონის 25-ე მუხლის პირველი პუნქტის „ბ“ ქვეპუნქტის შესაბამისად, დუშეთის მუნიციპალიტეტის საკრებულო ადგენს:“;

ბ) დადგენილების  მე-2 მუხლი შეიცვალოს და ჩამოყალიბდეს შემდეგი რედაქციით:

„მუხლი 2

1. ქალაქ დუშეთში, მუნიციპალიტეტში შემავალ დაბებსა და დასახლებულ პუნქტებში  მოსახლეობისათვის დასახლებული ტერიტორიის დასუფთავების მოსაკრებლის განაკვეთი განისაზღვროს ერთ სულზე 0.80 (ოთხმოცი თეთრი) ლარით  თვეში. ოჯახის წევრთა რაოდენობის მიუხედავად, სულადობის მაქსიმალური ზღვრული ოდენობა განისაზღვროს 4 სულით.

2. სოციალურად დაუცველი ოჯახების მონაცემთა ერთიან ბაზაში რეგისტრირებული პირები, რომელთა ოჯახის სარეიტინგო ქულა 120 001-ზე  ქულაზე ნაკლებია  (ასოცი ათას ერთი) გათავისუფლდნენ დასახლებული ტერიტორიის დასუფთავების სულადობრივი მოსაკრებლის გადახდისგან.

3. დუშეთის მუნიციპალიტეტის ტერიტორიაზე მცხოვრები საქართველოს ოკუპირებული ტერიტორიებიდან იძულებით გადაადგილებული პირები გათავისუფლდნენ დასახლებული ტერიტორიის დასუფთავების მოსაკრებლის გადახდისაგან.“;

გ) დადგენილების  მე-3  მუხლი შეიცვალოს და ჩამოყალიბდეს შემდეგი რედაქციით:

„მუხლი 3

იურიდიული პირებისათვის (ინდივიდუალური მეწარმეების, ორგანიზაციებისა და დაწესებულებებისათვის)  დასახლებული ტერიტორიის დასუფთავების მოსაკრებლის განაკვეთი განისაზღვროს №2 დანართის შესაბამისად.“;

დ) დადგენილების №2 დანართის სახელწოდება შეიცვალოს და ჩამოყალიბდეს შემდეგი რედაქციით:

„დასუფთავების მოსაკრებლის განაკვეთი იურიდიული პირებისათვის (ინდივიდუალური მეწარმეების, ორგანიზაციებისა და დაწესებულებებისათვის)“.