მცხეთის მუნიციპალიტეტის მერიის ინფრასტრუქტურის სამსახურის დებულების დამტკიცების შესახებ

1. მცხეთის მუნიციპალიტეტის მერიის ინფრასტრუქტურის  სამსახური (ტექსტში შემდგომში – სამსახური) წარმოადგენს მერიის სტრუქტურულ ერთეულს, რომელიც უზრუნველყოფს მუნიციპალიტეტის ტერიტორიაზე ინფრასტრუქტურული პროექტების განხორციელებას, მიმდინარე პროექტების მონიტორინგს, მუნიციპალური ინფრასტრუქტურული პრიორიტეტების განსაზღვრას და სამსახურის კომპეტენციას მიკუთვნებული სხვა საკითხების განხილვა/გადაწყვეტას.

2. სამსახურის საქმიანობის სამართლებრივი საფუძვლებია: საქართველოს ორგანული კანონით „ადგილობრივი თვითმმართველობის კოდექსი“,  სხვა საკანონმდებლო და კანონქვემდებარე აქტები, მერიის დებულება, ეს დებულება, ასევე მუნიციპალიტეტის ორგანოების და თანამდებობის პირების სამართლებრივი აქტები. 

მუხლი 2. სამსახურის ფუნქციები

სამსახური უზრუნველყოფს:

ა) მუნიციპალიტეტის ტერიტორიაზე განსახორციელებელი ინფრასტრუქტურული პროექტების განხილვას;

ბ) მუნიციპალიტეტის ტერიტორიაზე მიმდინარე ინფრასტრუქტურული პროექტების მონიტორინგს;

გ) წინადადებების/რეკომენდაციების მომზადებას საჭიროებიდან გამომდინარე, პროექტის განხორციელების ან/და მიმდინარე/დამტკიცებულ პროექტში ცვლილების შეტანის თაობაზე;

დ) მოქალაქეთა განცხადებების განხილვას და კომპეტენციის ფარგლებში, შესაბამისი ღონისძიებების გატარებას;

ე) კანონმდებლობითა და მუნიციპალიტეტის სამართლებრივი ატქებით განსაზღვრული სხვა ფუნქციების განხორციელებას.

მუხლი 3. სამსახურის სტრუქტურა

1. სამსახური შედგება სამსახურის სტრუქტურული ქვედანაყოფების – განყოფილებებისგან.

2.სამსახურის საქმიანობას წარმართავს სამსახურის ხელმძღვანელი, ხოლო განყოფილების საქმიანობას –  განყოფილების ხელმძღვანელი, რომელთა უფლებამოსილებები და სამსახურებრივი ფუნქციები განისაზღვრება მერიის დებულებით, ამ დებულებით და  თანამდებობრივი ინსტრუქციებით.

3. სამსახურის სტრუქტურული ქვედანაყოფებია:

ა) ინფრასტრუქტურული პროექტების დაგეგმვის განყოფილება;

ბ) ინფრასტრუქტურული პროექტების მართვის  განყოფილება.

მუხლი 4. ინფრასტრუქტურული პროექტების დაგეგმვის განყოფილება

განყოფილება უზრუნველყოფს:

ა) მუნიციპალური ინფრასტრუქტურის განვითარების შესახებ წინადადებების/რეკომედაციების  მომზადებას;

ბ) ინფრასტრუქტურული პროექტების განხორციელების დაგეგმვას;

გ) მოქალაქეთა განცხადებების განხილვას; განცხადებაში აღნიშნული ფაქტების/პრობლემის ადგილზე შესწავლას და საჭიროებების გათვალისწინებით, პრიორიტეტების განსაზღვრას;

დ) დამისამართების საკითხებზე შემოსული კორესპინდენციის განხილვას და შესაბამისი წინადადებების მომზადებას;

ე) განყოფილების კომპეტენციას მიკუთვნებულ საკითხებზე დასკვნების მომზადებას;

ვ) კანონმდებლობით, მუნიციპალიტეტის სამართლებრივი აქტებით და მერის დავალებით განსაზღვრულ სხვა უფლებამოსილებათა განხორციელებას.

მუხლი 5. ინფრასტრუქტურული პროექტების მართვის განყოფილება

კომპეტენციის შესაბამისად, განყოფილება:

ა) მონაწილეობას იღებს ინფრასტრუქტურული პროექტების განხილვაში და ამზადებს წინადადებებსა და რეკომენდაციებს;

ბ) ახორციელებს მიმდინარე ინფრასტრუქტურული პროექტების მონიტორინგს;

გ) უზრუნველყოფს პროექტანტთან კოორდინაციას რისკებისა და ხარვეზების თავიდან აცილების მიზნით;

გ) პროექტის განხორციელებისას, საჭიროების შემთხვევაში, ამზადებს წინადადებებს პროექტში ცვლილებების შეტანის აუცილებლობის შესახებ;

დ) ინფრასტრუქტურული პროექტების დაგეგმვის განყოფილების მიერ მოქალაქეთა განცხადებების განხილვისა და შესაბამისი დასკვნის მომზადების შემდგომ, უზრუნველყოფს სათანადო ღონისძიებების გატარებას;

ე) ასრულებს კანონმდებლობით და მუნიციპალიტეტის სამართლებრივი აქტებით განსაზღვრულ სხვა ფუნქციებს.

მუხლი 6. სამსახურის ხელმძღვანელი

1. სამსახურის ხელმძღვანელი:

ა) წარმართავს სამსახურის საქმიანობას და პასუხისმგებელია სამსახურისთვის დაკისრებული ამოცანების და ფუნქციების შესრულებაზე;

ბ) განსაზღვრავს სამსახურის თანამშრომელთა  მოვალეობებს;

გ) ანაწილებს დავალებებს სამსახურის სტრუქტურულ ქვედანაყოფებს შორის, უზრუნველყოფს სამუშაო გეგმებითა და მერის დავალებებით გათვალისწინებული ღონისძიებების განხორციელებას;

დ) ისმენს და აფასებს სტრუქტურული ქვედანაყოფის ხელმძღვანელების ან/და სამსახურის თანამშრომლების ანგარიშებს გაწეული საქმიანობის შესახებ;

ე) უზრუნველყოფს  სამსახურებრივი მოვალეობების შესასრულებლად აუცილებელი პირობების შექმნას;

ვ) მერს წარუდგენს წინადადებებს სამსახურის საკადრო საკითხებთან დაკავშირებით, სამსახურის სტრუქტურის, საშტატო რიცხოვნობის, მუშაობის ორგანიზაციის, მოსამსახურეთა წახალისების ან მათთვის დისციპლინური პასუხისმგებლობის ზომების შეფარდების, შვებულების, სამსახურებრივი მივლინების, მოხელეთა პროფესიული განვითარების თაობაზე;

ზ) მერს/ კურატორ მოადგილეს წარუდგენს სამსახურის მიერ მომზადებულ  წინადადებებს, დასკვნებს და რეკომენდაციებს;

თ) მერს  წარუდგენს ანგარიშს სამსახურის მიერ გაწეული საქმიანობის შესახებ;

ი) ახორციელებს  კანონმდებლობით, მერიის დებულებით, ამ დებულებით,  თანამდებობრივი ინსტრუქციებით და მერის დავალებებით  განსაზღვრულ სხვა უფლებამოსილებებს.

2. სამსახურის ხელმძღვანელის არყოფნის შემთხვევაში, მის მოვალეობას ასრულებს   სამსახურის ერთ-ერთი განყოფილების ხელმძღვანელი.

3. სამსახურის ხელმძღვანელი ანგარიშვალდებულია მერის წინაშე.

მუხლი 7. განყოფილების ხელმძღვანელი

1. განყოფილების ხელმძღვანელი:

ა) წარმართავს განყოფილების საქმიანობას და პასუხისმგებელია ამ განყოფილების მიერ დაკისრებული ამოცანებისა და ფუნქციების შესრულებაზე;

ბ) ანაწილებს ფუნქციებს განყოფილების საჯარო მოსამსახურეთა შორის;

გ) ორგანიზებას უწევს  განყოფილების საქმიანობას  და განყოფილების საჯარო მოსამსახურეებს უნაწილებს  ფუნქცია- მოვალეობებს.

2. განყოფილების ხელმძღვანელი ანგარიშვალდებულია სამსახურის ხელმძღვანელის წინაშე.

3. განყოფილების ხელმძღვანელის არყოფნის შემთხვევაში, განყოფილების ხელმძღვანელის  უფლება-მოვალეობებს ასრულებს ამავე განყოფილების ერთ-ერთი საჯარო მოხელე.

მუხლი 8. დასკვნითი დებულებები

1. ამ დებულებაში ცვლილების და დამატების შეტანა ხდება კანონით დადგენილი წესით და ნებისმიერი ცვლილება/ დამატება დებულების განუყოფელი ნაწილია.

2. სამსახურის რეორგანიზაცია  ხორციელდება  კანონმდებლობით  განსაზღვრული წესით.