„საქართველოში სარეალიზაციოდ განკუთვნილი ფილტრიანი და უფილტრო სიგარეტებისგან (გარდა გასახურებელი თამბაქოსი) გამოფრქვეული ნივთიერებების (ნიკოტინის, კუპრის, მხუთავი გაზის) ზღვრულად დასაშვები ნორმების, მათი გაზომვისა და რეგულირების წესებისა და საქართველოში სარეალიზაციოდ განკუთვნილი ელექტრონული სიგარეტის ან სხვა მსგავსი მოწყობილობის ნიკოტინის შემცველი მასალის/კარტრიჯის/კაფსულის/კონტეინერის მოცულობის, მასში ნიკოტინის შემცველობის ზღვრულად დასაშვები ნორმებისა და თამბაქოს ნაწარმის რეალიზაციის ადგილებში, ასევე კოლოფსა/ბლოკსა და შეფუთვაზე მისათითებელი სამედიცინო გაფრთხილებებისა და მათი დატანის წესის დამტკიცების შესახებ“ საქართველოს მთავრობის 2020 წლის 6 მარტის №150 დადგენილებაში ცვლილების შეტანის თაობაზე

„ მუხლი 8. საქართველოში რეალიზაციისთვის განკუთვნილი სიგარის, სიგარილის, არმოსაწევი თამბაქოს, თამბაქოს ახალი ნაწარმის, ნიკოტინის შემცველი პროდუქტის თამბაქოს გარეშე, რომელიც განკუთვნილია ადამიანის მიერ ნიკოტინის მისაღებად და გასახურებელი თამბაქოს შეფუთვაზე განსათავსებელი სამედიცინო გაფრთხილება

1. სიგარის, სიგარილის, არმოსაწევი თამბაქოს, თამბაქოს ახალი ნაწარმისა და გასახურებელი თამბაქოს შეფუთვაზე (გარდა აფხაზეთის ავტონომიური რესპუბლიკისა) განთავსებული უნდა იყოს შემდეგი სამედიცინო გაფრთხილება:

ა) „თამბაქოს ეს ნაწარმი მავნეა თქვენი ჯანმრთელობისთვის და იწვევს დამოკიდებულებას. თამბაქოზე თავის დანებებისთვის დარეკეთ: 116001, ზარი უფასოა“;

ბ) „ეს ნაწარმი შეიცავს ნიკოტინს, რომელიც იწვევს დამოკიდებულებას. თამბაქოზე თავის დანებებისთვის დარეკეთ: 116001, ზარი უფასოა“.

2. ნიკოტინის შემცველი პროდუქტის თამბაქოს გარეშე, რომელიც განკუთვნილია ადამიანის მიერ ნიკოტინის მისაღებად, შეფუთვაზე (გარდა აფხაზეთის ავტონომიური რესპუბლიკისა) განთავსებული უნდა იყოს შემდეგი რომელიმე ერთი ან ორივე სამედიცინო გაფრთხილება:

ა) „ეს ნაწარმი მავნეა თქვენი ჯანმრთელობისთვის და იწვევს დამოკიდებულებას. თავის დანებებისთვის დარეკეთ: 116001, ზარი უფასოა“;

ბ) „ეს ნაწარმი შეიცავს ნიკოტინს, რომელიც იწვევს დამოკიდებულებას. თავის დანებებისთვის დარეკეთ: 116001, ზარი უფასოა“.

3. აფხაზეთის ავტონომიური რესპუბლიკის ტერიტორიაზე სიგარის, სიგარილის, არმოსაწევი თამბაქოს, თამბაქოს ახალი ნაწარმისა და გასახურებელი თამბაქოს შეფუთვაზე სამედიცინო გაფრთხილება უნდა იყოს განთავსებული აფხაზურადაც:

ა) „Аҭаҭынаалыҵ шәгәабзиара иаҧырхагоуп, шәалашьцылоит Аҭаҭын ахара казыжьыр зҭаху ауаа рзы аус ауеит хәыҧсадатәи аҭелл: 116001“;

ბ) „Аҭаҭынаалыҵ аникотин алоуп, шәалашьцылоит. Аҭаҭын ахара казыжьыр зҭаху ауаа рзы аус ауеит хәыҧсадатәи аҭелл: 116001“.

4. აფხაზეთის ავტონომიური რესპუბლიკის ტერიტორიაზე ნიკოტინის შემცველი პროდუქტის თამბაქოს გარეშე, რომელიც განკუთვნილია ადამიანის მიერ ნიკოტინის მისაღებად, შეფუთვაზე სამედიცინო გაფრთხილება უნდა იყოს განთავსებული აფხაზურადაც:

ა) „Абри аалыҵ  шәгәабзиара иаҧырхагоуп, ахьыҧшызаара ахылҵуеит. Икашәыжьырц азыҳәан аҭел шәас аномерла − 116001. Аҵәҵәа хәыҧсадатәуп“;

ბ) „Абри аалыҵ аникотин алоуп, уи ахьыҧшызаара ахылҵуеит..   Икашәыжьырц азыҳәан аҭел шәас аномерла  − 116001. Аҵәҵәа хәыҧсадатәуп.“.

 5. თამბაქოს მწარმოებლებმა ან/და იმპორტიორებმა უნდა უზრუნველყონ ამ მუხლით დადგენილი სამედიცინო გაფრთხილებების გამოყენება და როტაცია, „თამბაქოს კონტროლის შესახებ“ საქართველოს კანონის მე-6 მუხლის მე-5 პუნქტის შესაბამისად.“.