„საყოველთაო ჯანდაცვაზე გადასვლის მიზნით გასატარებელ ზოგიერთ ღონისძიებათა შესახებ“ საქართველოს მთავრობის 2013 წლის 21 თებერვლის №36 დადგენილებაში ცვლილების შეტანის თაობაზე

1. მე-2 მუხლის 3¹¹ პუნქტი ჩამოყალიბდეს შემდეგი რედაქციით:

„3¹¹. ამ დადგენილებით დამტკიცებული №1.15 დანართისა და ასევე №1.16 დანართის მე-8 პუნქტით განსაზღვრული მომსახურების მოსარგებლეები არიან ონკოჰემატოლოგიური დაავადებების მქონე 18 წლამდე ასაკის საქართველოს მოქალაქეობის დამადასტურებელი დოკუმენტის, პირადობის ნეიტრალური მოწმობის, ნეიტრალური სამგზავრო დოკუმენტის მქონე პირები ან აფხაზეთის ავტონომიური რესპუბლიკის ტერიტორიებსა და ცხინვალის რეგიონში (ყოფილი სამხრეთ ოსეთის ავტონომიური ოლქის ტერიტორიებზე) ლეგიტიმურად მცხოვრები ფიზიკური პირები, რომლებიც საქართველოს კანონმდებლობით დადგენილი წესით არიან რეგისტრირებულნი და რომლებსაც მინიჭებული აქვთ პირადი ნომერი, ასევე საქართველოში სტატუსის მქონე მოქალაქეობის არმქონე პირები, საქართველოში თავშესაფრის მაძიებელი პირები, ლტოლვილის ან ჰუმანიტარული სტატუსის მქონე პირები.“.

2. დანართ №1.16-ს („ონკოლოგიურ პაციენტთა სიმსივნის საწინააღმდეგო ზოგიერთი მედიკამენტით უზრუნველყოფა“) მე-7 პუნქტის შემდეგ დაემატოს შემდეგი შინაარსის მე-8 პუნქტი:

„8. ამ დანართის პირველი პუნქტის „ა“ ქვეპუნქტის ფარგლებში შესყიდული მედიკამენტი რუქსოლიტინიბი ასევე გაიცემა ონკოჰემატოლოგიური დიაგნოზის მქონე პაციენტებზე (მათ შორის, ამ დადგენილებით დამტკიცებული №1 დანართის მე-2 მუხლის 3¹¹ პუნქტით განსაზღვრულ 18 წლამდე ასაკის პირებზე) ძვლის ტვინის ტრანსპლანტაციის შემდგომ განვითარებული სტეროიდრეზისტენტული GVHD სინდრომის დროს.“.