„ერედვის მუნიციპალიტეტის 2026 წლის ადგილობრივი ბიუჯეტიდან სოციალური დახმარების გაცემის წესის დამტკიცების შესახებ“ ერედვის მუნიციპალიტეტის საკრებულოს 2025 წლის 1 დეკემბრის №16 დადგენილებაში ცვლილების შეტანის თაობაზე

ა) დადგენილებით დამტკიცებული წესის პირველი მუხლის პირველი პუნქტი ჩამოყალიბდეს შემდეგი რედაქციით:

„1. თითოეულ ახალშობილზე 1000 (ათასი) ლარის ოდენობით ერთჯერად სოციალურ დახმარებას მიიღებენ ერედვის მუნიციპალიტეტის ტერიტორიაზე მუდმივად მცხოვრები ის დევნილი ოჯახები, რომელთაც შეეძინათ ახალშობილი.“

ბ)  დადგენილებით დამტკიცებულ წესს დაემატოს 14³ მუხლი შემდეგი რედაქციით:

„მუხლი 14³. ინსულტგადატანილი პირების ერთჯერადი სოციალური დახმარება

1. ერთჯერად სოციალურ დახმარებას 800 (რვაასი) ლარის ოდენობით მიიღებენ ერედვის მუნიციპალიტეტის ტერიტორიაზე მუდმივად მცხოვრები ის იძულებით გადაადგილებული პირები, რომელთაც გადატანილი აქვთ ინსულტი, რის შედეგადაც აღენიშნებათ მოძრაობისა და მეტყველების გართულება და საჭიროებენ ხანგრძლივ მკურნალობას/რეაბილიტაციას.

2. დახმარების მისაღებად ბენეფიციარმა ან მისი ოჯახის წევრმა მუნიციპალიტეტში მიმდინარე წლის 20 დეკემბრამდე  უნდა წარმოადგინოს შემდეგი  დოკუმენტები:

ა) განცხადება მუნიციპალიტეტის გამგებლის სახელზე;

ბ) პირადობის დამადასტურებელი დოკუმენტის ასლი;

გ) დევნილობის მოწმობის ასლი;

დ) ჯანმრთელობის მდგომარეობის შესახებ ცნობა (ფორმა №100), გაცემული განცხადების წარდგენამდე არაუმეტეს 3 თვისა;

ე) განმცხადებლის საბანკო რეკვიზიტები;

ვ) ინფორმაცია თვითმმართველი ერთეულის ტერიტორიული ორგანოს ხელმძღვანელისაგან – თვითმმართველი ერთეულის რწმუნებულისაგან დახმარების მიმღების ერედვის მუნიციპალიტეტის ტერიტორიაზე მუდმივი მაცხოვრებლობის შესახებ (ასეთის მოთხოვნის შემთხვევაში).

3. ანაზღაურება მოხდება უნაღდო ანგარიშსწორების ფორმით:“.