,,ადმინისტრაციულ სამართალდარღვევათა საჯარიმო ქვითრის - ადმინისტრაციული სამართალდარღვევის ოქმის ფორმის, შევსების, ჩაბარების, წარმოებისა და აღრიცხვა - ანგარიშების წესის დამტკიცების შესახებ“ 2022 წლის 11 აგვისტოს №16 დადგენილებაში ცვლილების შეტანის შესახებ

1. დადგენილების დანართი 1-ის მე-2 მუხლი ჩამოყალიბდეს შემდეგი რედაქციით:

„მუხლი 2. საჯარიმო ქვითრის – ადმინისტრაციული სამართალდარღვევათა ოქმის შედგენაზე უფლებამოსილი საჯარო მოხელეები

საჯარიმო ქვითრის – ადმინისტრაციული სამართალდარღვევის ოქმის შედგენაზე უფლებამოსილი არიან მარნეულის მუნიციპალიტეტის მერიის ზედამხედველობის სამსახურის, მუნიციპალური ზედამხედველობის განყოფილების (შემდგომში  – „სტრუქტურული ერთეული“) საჯარო მოსამსახურეები (შემდგომში – „უფლებამოსილი პირი“), ქონების მართვისა და მატერიალურ-ტექნიკური უზრუნველყოფის სამსახურის, ქონების მართვის განყოფილების (შემდგომში  –„სტრუქტურული ერთეული“) საჯარო მოსამსახურეები (შემდგომში – „უფლებამოსილი პირი“) და ჯანდაცვის, სოციალური უზრუნველყოფის, კულტურის, სპორტის, ბავშვის უფლებების დაცვისა და მხარდაჭერის სამსახურის (შემდგომში  –„სტრუქტურული ერთეული“) ხელმღვანელი (შემდგომში – „უფლებამოსილი პირი“), ამ სამსახურების დებულებით განსაზღვრული კომპეტენციის შესაბამისად.“.