„ინტერესთა კონფლიქტის მართვის დებულების დამტკიცების შესახებ“ საქართველოს ეროვნული ბანკის პრეზიდენტის 2015 წლის 10 მარტის №26/04 ბრძანებაში ცვლილების შეტანის თაობაზე

1. მე-2 მუხლის „რ“ ქვეპუნქტი ჩამოყალიბდეს შემდეგი რედაქციით:

„რ) რისკის პოზიციის ღირებულება – საბალანსო და გარესაბალანსო ელემენტებისთვის საქართველოს ეროვნული ბანკის პრეზიდენტის 2013 წლის 28 ოქტომბრის №100/04 ბრძანებით დამტკიცებული „კომერციული ბანკების კაპიტალის ადეკვატურობის მოთხოვნების შესახებ დებულების“ (შემდგომში – ბაზელ III-ის დებულება) მე-10 მუხლის პირველი პუნქტით განსაზღვრული ღირებულება. ამასთან, გასათვალისწინებელია, რომ იმავე დებულების XIV თავში ჩამოთვლილი გარესაბალანსო ელემენტების კრედიტ-კონვერსიის ფაქტორად, ყველა შემთხვევაში, მიუხედავად რისკის კატეგორიისა, აიღება 100%. ხოლო, იმავე დებულების მე-10 მუხლის მე-2 პუნქტით განსაზღვრული სავალუტო და საპროცენტო კონტრაქტებისთვის რისკის პოზიციის ღირებულება არის სახელშეკრულებო ღირებულების 10%. პოტენციური მოთხოვნების შემთხვევაში რისკის პოზიციის ღირებულება არის პოტენციური მოთხოვნის ღირებულების ტოლი;“.

2. მე-6 მუხლის მე-10 პუნქტს დაემატოს შემდეგი შინაარსის „თ“ ქვეპუნქტი:

„თ) პოტენციური მოთხოვნები, რომლებიც წარმოიქმნება დაკავშირებული კომერციული ბანკების მიმართ, ამ უკანასკნელის მიერ არადაკავშირებულ პირზე გარანტიის გაცემისას, თუ ბანკის მიერ ჩატარებულია პრინციპალის გადახდისუნარიანობის ანალიზი და ის გადამხდელუნარიანია.“.