„თევზჭერისა და თევზის მარაგის დაცვის ტექნიკური რეგლამენტის დამტკიცების თაობაზე“ საქართველოს მთავრობის 2013 წლის 31 დეკემბრის №423 დადგენილებაში ცვლილების შეტანის შესახებ

1. მე-2 მუხლის 3² პუნქტი ჩამოყალიბდეს შემდეგი რედაქციით:

„3². სამეცნიერო-კვლევითი მიზნით თევზჭერა − პირის მიერ კანონმდებლობით დადგენილი სპეციალური მოთხოვნების შესაბამისად განხორციელებული თევზჭერა, რომლის დანიშნულებაა მეცნიერული ინფორმაციის მოპოვება (მათ შორის, ზედაპირული წყლის ობიექტში მონიტორინგის წარმოების ან/და თევზის რესურსის მარაგის, თევზის სახეობრივი და რაოდენობრივი შემადგენლობის შესახებ ინფორმაციის დადგენა) ან/და ინტროდუცირებული თევზის უცხო სახეობის ელიმინაციის ღონისძიებების განხორციელება, რომლის საჭიროებაც უნდა დასტურდებოდეს შესაბამისი კვალიფიკაციის მქონე სპეციალისტის არგუმენტირებული დასკვნით.“.

2. მე-4 მუხლს მე-8 პუნქტის შემდეგ დაემატოს შემდეგი შინაარსის მე-9 პუნქტი:

„9. ამ  მუხლის მე-3 პუნქტის „ლ“ ქვეპუნქტით განსაზღვრულ თევზჭერის ვადებთან, ასევე სახლართი ტიპის ბადეებთან დაკავშირებული შეზღუდვები არ ვრცელდება 2026-2027 წლებში ხრამის (წალკის) წყალსაცავში ქორჭილას, ფსევდორაზბორასა და კარჩხანას რეწვაზე.“.

3. მე-16 მუხლს მე-4 პუნქტის შემდეგ დაემატოს შემდეგი შინაარსის მე-5 პუნქტი:

„5. სამეცნიერო-კვლევითი მიზნით თევზჭერის ფარგლებში, ინტროდუცირებული თევზის უცხო სახეობის ელიმინაციის ღონისძიებების განხორციელებისას, თევზჭერის ბადე-იარაღებში მოხვედრილი თევზის სახეობები, რომლებიც არ წარმოადგენენ ელიმინაციის ღონისძიებებს დაქვემდებარებულ ობიექტებს, ექვემდებარებიან ცოცხალ მდგომარეობაში საარსებო გარემოში დაბრუნებას.“.