„ბაღდათის მუნიციპალიტეტის მერიის პირველადი სტრუქტურული ერთეულის – ეკონომიკის სამსახურის დებულების დამტკიცების შესახებ“ ბაღდათის მუნიციპალიტეტის საკრებულოს 2018 წლის 17 იანვრის №7 დადგენილებაში ცვლილების შეტანის შესახებ

1. დადგენილებით დამტკიცებული დანართის პირველი მუხლის (ბაღდათის მუნიციპალიტეტის მერიის პირველადი სტრუქტურული ერთეულის – ეკონომიკის სამსახური) პირველი პუნქტი ჩამოყალიბდეს შემდეგი რედაქციით:

„1. ბაღდათის მუნიციპალიტეტის მერიის პირველადი სტრუქტურული ერთეულის – ეკონომიკის სამსახური (შემდგომში – სამსახური) წარმოადგენს ბაღდათის მუნიციპალიტეტის მერიის პირველად სტრუქტურულ ერთეულს, რომელიც უზრუნველყოფს მუნიციპალიტეტის ეკონომიკური დაგეგმარების პროგრამების შემუშავებას და მათ განხორციელებას, სოფლის მეურნეობის  განვითარების ხელშეწყობას, მუნიციპალური ქონების აღრიცხვა-რეგისტრაციას, მართვა-განკარგვასა და ეფექტურ გამოყენებას.“.

2. დადგენილებით დამტკიცებული დანართის მე-3 მუხლი (სამსახურის სტრუქტურა) ჩამოყალიბდეს შემდეგი რედაქციით:

„1. სამსახური შედგება პირველადი სტრუქტურული ერთეულის ხელმძღვანელის (შემდგომ – სამსახურის უფროსი), ერთი მეორადი სტრუქტურული ერთეულის – სოფლის მეურნეობის, ბუნებრივი რესურსებით სარგებლობისა და გარემოს დაცვის განყოფილებისა (შემდგომ – განყოფილება) და პროფესიული საჯარო მოხელეებისაგან.

2. სამსახურის განყოფილება შედგება მეორადი სტრუქტურული ერთეულის ხელმძღვანელის (შემდგომ – განყოფილების უფროსი) და პროფესიული საჯარო მოხელეებისაგან.

3. განყოფილების საქმიანობას წარმართავს განყოფილების უფროსი, რომლის უფლებამოსილებები განისაზღვრება ამ დებულებით და შესაბამის სამუშაოთა აღწერილობით.“.

3. დადგენილებით დამტკიცებული დანართის მე-7 მუხლი (სამსახურის ფუნქციები) ჩამოყალიბდეს შემდეგი რედაქციით:

„7.  სამსახურის  ფუნქციები

1. სამსახური დადგენილი წესით უზრუნველყოფს:

ა) მუნიციპალიტეტის საკუთრებაში არსებული უძრავი ქონების აღრიცხვა-რეგისტრაციას;

ბ) მუნციპალიტეტის ტერიტორიაზე მდებარე სახელმწიფო საკუთრებაში არსებული ან/და კანონმდებლობით მუნიციპალიტეტზე მიკუთვნებული ქონების მუნიციპალურ საკუთრებაში გადმოცემა/რეგისტრაციისათვის საჭირო დოკუმენტაციის მომზადებას;

გ) წინადადებების მომზადებას მუნიციპალიტეტის საკუთრებად რეგისტრირებული ქონების კატეგორიის შეცვლის თაობაზე;

დ) საჭიროების შემთხვევაში მუნიციპალიტეტის საკუთრებაში რეგისტრირებულ უძრავ ქონებაზე საჯარო რეესტრში რეგისტრირებულ მონაცემებში ცვლილების რეგისტრაციის განხორციელებას (მიწის ნაკვეთის/შენობა-ნაგებობის კორექტირება, დაზუსტება, დაყოფა, გაერთიანება და აშ.);

ე) მუნიციპალიტეტის ტერიტორიაზე არსებული დაურეგისტრირებელი სასოფლო-სამეურნეო დანიშნულების მიწის ნაკვეთების მუნიციპალიტეტის საკუთრებად რეგისტრაციის უზრუნველყოფას;

ვ) მუნიციპალიტეტის საკუთრებაში არსებული ქონების შეძენით/სარგებლობის უფლების  მიღებით დაინტერესებული ფიზიკური/იურიდიული პირების წერილობითი კორესპონდენციების განხილვას და ქონების საპრივატიზაციოდ ან/და სარგებლობაში გადასაცემად მასალების (საჭიროების შემთხვევაში ქონების რეგისტრაციის დაზუსტება, ქონების შეფასება, საპრივატიზაციო ნუსხისა და გეგმის პროექტის მომზადება და ა.შ) მომზადებას;

ზ) მოქმედი კანონმდებლობის შესაბამისად, წინადადებების შემუშავებას მუნიციპალურ საკუთრებაში არსებული იმ ძირითადი (განუსხვისებელი) ქონების გასხვისების შესახებ, რომელმაც დაკარგა თავისი ფუნქციური დანიშნულება;

თ) მუნიციპალიტეტის საკუთრებაში არსებული ქონების განკარგვის მიზნით აუქციონის ორგანიზებას და აუქციონის შედეგის გაფორმებისთვის შესაბამისი დოკუმენტების მომზადებას;

ი) მუნიციპალიტეტის მიერ დაფუძნებული არასამეწარმეო (არაკომერციული) იურიდიული პირების საკუთრებაში არსებული/ბალანსზე რიცხული ამორტიზებული ან/და გამოუყენებელი ქონების ჩამოწერის საკითხებთან დაკავშირებით შემოსული კორესპონდენციების განხილვას, შეთანხმებას, საპასუხო წერილების პროექტების მომზადებას;

კ) ბაღდათის მუნიციპალიტეტის ტერიტორიაზე სახელმწიფო და მუნიციპალიტეტის საკუთრებაში არსებული არასასოფლო-სამეურნეო დანიშნულების მიწის ნორმატიული ფასის დადგენის შესახებ ნორმატიული აქტის პროექტის მომზადებას;

ლ) მუნიციპალიტეტის პრიორიტეტების დოკუმენტებისა და  სამოქმედო გეგმების შემუშავების პროცესების კოორდინაციას;

მ) ეკონომიკური განვითარების დაგეგმვისათვის სათანადო სტატისტიკური ინფორმაციის შეგროვებასა და დამუშავებას;

ნ) ეკონომიკური განვითარების ხელშემწყობი ადგილობრივი და საერთაშორისო პროექტების დაფინანსების შესაძლებლობების იდენტიფიცირებას, დაინტერესებულ პირთათვის გაცნობას;

ო) ადგილობრივი გადასახადებისა და მოსაკრებლების თაობაზე წინადადებებისა და რეკომენდაციების მომზადებას;

პ) წინადადებების მომზადებას ეკონომიკური განვითარების მიზნით ინვესტიციების დაგეგმვის, ინვესტორებთან თანამშრომლობის, შესაბამისი საინვესტიციო პროგრამებისა და პროექტების მომზადების საკითხებზე;

ჟ) საერთაშორისო და ადგილობრივ დონორ ორგანიზაციებთან თანამშრომლობას და დაფინანსების შესაძლებლობების მოძიებას;

რ) ადგილობრივ და საერთაშორისო დონორ ორგანიზაციებთან თანამშრომლობას და დაფინანსების შესაძლებლობების მოძიებას. დონორების მოთხოვნებზე მორგებული საგრანტო წინადადებების შემუშავების უზრუნველყოფასა და წარდგენას;

ს) სხვადასხვა ფონდიდან დაფინანსების შესაძლებლობების იდენტიფიცირებას  და დაინტერესებულ პირთათვის ინფორმაციის მიწოდების უზრუნველყოფას.

2. სოფლის მეურნეობის, ბუნებრივი რესურსებით სარგებლობისა და გარემოს დაცვის განყოფილება უზრუნველყოფს:

ა) მუნიციპალიტეტში გარემოსდაცვითი ღონისძიებების გატარების ხელშეწყობას, ამ საკითხზე მომუშავე ორგანიზაციებთან თანამშრომლობასა და მათი პროგრამების მოზიდვას;

ბ) გარემოსდაცვითი აქტივობების კოორდინაციას;

გ) მუნიციპალიტეტის წინაშე არსებული გარემოსდაცვითი პრობლემების იდენტიფიცირებისა და გადაჭრის გზების მოძიებაში მონაწილეობას;

დ) ადგილმდებარეობის მიხედვით ბუნებრივი რესურსებისა და სასარგებლო წიაღისეულის მოპოვების ლიცენზიის გაცემის მიზანშეწონილობის განსაზღვრის საკითხში ჩართულობას;

ე) საქართველოს მთავრობის და საერთაშორისო ორგანიზაციების მიერ დაგეგმილი სოფლის მეურნეობის განვითარების პროექტების განხორციელების ხელშეწყობას;

ვ) სოფლის მეურნეობის პროდუქტების გადამამუშავებელი, შესანახი ინფრასტრუქტურის, სასოფლო-სამეურნეო მანქანა-დანადგარებისა და  მომსახურების ცენტრების შესახებ ინფორმაციის კონსოლიდაციას და დაინტერესებული უწყებებისათვის/პირებისათვის მიწოდებას;

ზ) მუნიციპალიტეტის პრიორიტეტული სტრატეგიული დოკუმენტების მომზადების ხელშეწყობას;

თ) მელიორაციის  დაგეგმილი პროექტების განხორციელების ხელშეწყობას უფლებამოსილების ფარგლებში;

ი) მოსახლეობის სასოფლო-სამეურნეო ტექნიკით უზრუნველყოფის ხელშეწყობას;

კ) საგაზაფხულო სამუშაოების შესახებ მონაცემების თავმოყრა-დამუშავებას;

ლ) მოქმედი კანონმდებლობითა და მუნიციპალიტეტის სამართლებრივი აქტებით განსაზღვრული სხვა ფუნქციების განხორციელებას.“.