„ქ. თბილისის მუნიციპალიტეტის ტერიტორიების გამოყენებისა და განაშენიანების რეგულირების წესების დამტკიცების შესახებ“ ქალაქ თბილისის მუნიციპალიტეტის საკრებულოს 2016 წლის 24 მაისის №14-39 დადგენილებაში ცვლილების შეტანის თაობაზე

„4 ⁶. ამ მუხლის მე-2 პუნქტის „მ“ ქვეპუნქტის საფუძველზე, კერძო საკუთრებაში არსებულ სხვა მიწის ნაკვეთზე (გარდა კულტურული მემკვიდრეობის ზოგად დამცავ ზონაში (ისტორიული განაშენიანების დაცვის ზონაში, განაშენიანების რეგულირების ზონასა და ისტორიული ლანდშაფტის დაცვის ზონაში) არსებული მიწის ნაკვეთისა), რომელზე განხორციელებული უნებართვო მშენებლობის ან სამშენებლო დოკუმენტაციის მოთხოვნის დარღვევით ნაწარმოები მშენებლობის შედეგად გადამეტებულია განაშენიანების ინტენსივობის კოეფიციენტი (კ-2), განაშენიანების ინტენსივობის კოეფიციენტის (კ-2) გადატანა გამოითვლება შემდეგი ფორმულით:

K₂₂ – კონკრეტულ სამშენებლო ობიექტზე/მიწის ნაკვეთზე (სადაც ხდება კ2 კოეფიციენტის გადატანა) პროპორციული გამოთვლით გადატანილი კ2 კოეფიციენტი;

K₂₃ – არის კონკრეტული სამშენებლო ობიექტზე/მიწის ნაკვეთზე (სადაც ხდება კ2 კოეფიციენტის გადატანა) უნებართვო მშენებლობის ან სამშენებლო დოკუმენტაციის მოთხოვნის დარღვევით ნაწარმოები მშენებლობის შედეგად ათვისებული კ2 კოეფიციენტის ოდენობა;

S_n1 – არის არსებულ სამშენებლო ობიექტზე არსებული, კონკრეტული მოცულობის სასარგებლო ფართი (საზაფხულო ფართის ჩათვლით), სადაც ხორციელდება არსებული კ2 კოეფიციენტის შემცირება;

P_f1 – არის არსებული სამშენებლო ობიექტზე/მიწის ნაკვეთზე თეთრი კარკასის მდგომარეობაში აშენებულ მრავალბინიან საცხოვრებელ სახლში 1 მ²  ბინის სარეალიზაციო ღირებულება, (რომელიც დგინდება სსიპ – ლევან სამხარაულის სახელობის სასამართლო ექსპერტიზის ეროვნული ბიუროს შესაბამისი საექსპერტო დასკვნით), სადაც ხორციელდება არსებული კ2 კოეფიციენტის შემცირება;

S₁ – არის არსებული სამშენებლო ობიექტზე ფილ(ებ)ის (საზაფხულო ფართის ჩათვლით)  შესაბამისი მოცულობა/ოდენობა – მ², სადაც ხორციელდება არსებული კ2 კოეფიციენტის შემცირება;

C – არის 1 მ² მშენებლობის ღირებულება ((შენობის თეთრი კარკასის კონდიცია), რომელიც დგინდება სსიპ – ლევან სამხარაულის სახელობის სასამართლო ექსპერტიზის ეროვნული ბიუროს შესაბამისი საექსპერტო დასკვნით));

S_n2 – არის იმ სამშენებლო ობიექტზე უნებართვო მშენებლობის ან სამშენებლო დოკუმენტაციის მოთხოვნის დარღვევით ნაწარმოები მშენებლობის შედეგად ათვისებული კონკრეტული მოცულობის სასარგებლო ფართი (საზაფხულო ფართის ჩათვლით)  სადაც ხორციელდება შესაბამისი ოდენობის კ2 კოეფიციენტის გადატანა;

P_f2 – არის კონკრეტულ სამშენებლო ობიექტზე/მიწის ნაკვეთზე თეთრი კარკასის მდგომარეობაში აშენებულ მრავალბინიან საცხოვრებელ სახლში 1 მ²  ბინის სარეალიზაციო ღირებულება, (რომელიც დგინდება სსიპ – ლევან სამხარაულის სახელობის სასამართლო ექსპერტიზის ეროვნული ბიუროს შესაბამისი საექსპერტო დასკვნით), სადაც ხორციელდება შესაბამისი ოდენობის კ2 კოეფიციენტის გადატანა;

S₂ – არის კონკრეტულ სამშენებლო ობიექტზე/მიწის ნაკვეთზე უნებართვო მშენებლობის ან სამშენებლო დოკუმენტაციის მოთხოვნის დარღვევით ნაწარმოები მშენებლობის შედეგად ათვისებული  ფილ(ებ)ის (საზაფხულო ფართის ჩათვლით)  შესაბამისი მოცულობა/ოდენობა – მ², სადაც ხორციელდება შესაბამისი კ2 კოეფიციენტის გადატანა;

U_i – არის იმ სამშენებლო ობიექტზე უნებართვო მშენებლობის ან სამშენებლო დოკუმენტაციის მოთხოვნის დარღვევით ნაწარმოები მშენებლობის შედეგად დამდგარი მიუღებელი (გამოუმუშავებელი) შემოსავალი (ასეთის არსებობის შემთხვევაში), სადაც ხორციელდება შესაბამისი კ2 კოეფიციენტის გადატანა.