„საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სახელმწიფო კონტროლს დაქვემდებარებული საჯარო სამართლის იურიდიული პირის – სამედიცინო და ფარმაცევტული საქმიანობის რეგულირების სააგენტოს მიერ გამოსაყენებელი ადმინისტრაციული სამართალდარღვევის ოქმის ფორმის, მისი შევსებისა და წარდგენის წესის დამტკიცების შესახებ“ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრის 2019 წლის 22 ოქტომბრის №01-92/ნ ბრძანებაში ცვლილების შეტანის თაობაზე

1. ბრძანების პრეამბულა ჩამოყალიბდეს შემდეგი რედაქციით:

„საქართველოს ადმინისტრაციულ სამართალდარღვევათა კოდექსის 239-ე მუხლის 38-ე ნაწილისა და „წამლისა და ფარმაცევტული საქმიანობის შესახებ“ საქართველოს კანონის 37​¹ მუხლის მე-3 პუნქტის, „სააღმზრდელო საქმიანობის ლიცენზირების შესახებ“ საქართველოს კანონის მე-8 მუხლის, „ტუბერკულოზის კონტროლის შესახებ“ საქართველოს კანონის მე-19 მუხლის, 21-ე მუხლის პირველი პუნქტის „დ“ ქვეპუნქტის, „ადამიანის სისხლისა და მისი კომპონენტების ხარისხისა და უსაფრთხოების შესახებ“ საქართველოს კანონის 33-ე მუხლისა და „ნორმატიული აქტების შესახებ“ საქართველოს ორგანული კანონის 25-ე მუხლის შესაბამისად, ვბრძანებ:“.

2. ბრძანებით დამტკიცებული №1 დანართი („ადმინისტრაციული სამართალდარღვევის ოქმი“ ფორმა) ჩამოყალიბდეს თანდართული რედაქციით.

3. ბრძანებით დამტკიცებული №2 დანართის (ადმინისტრაციული სამართალდარღვევის ოქმის ფორმის  შევსებისა და წარდგენის წესი) პირველი მუხლი ჩამოყალიბდეს შემდეგი რედაქციით:

„მუხლი 1. ზოგადი დებულება

წინამდებარე წესი განსაზღვრავს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს უფლებამოსილი ორგანოს მიერ  საქართველოს ადმინისტრაციულ სამართალდარღვევათა კოდექსის, „წამლისა და ფარმაცევტული საქმიანობის შესახებ“ საქართველოს კანონის, „სააღმზრდელო საქმიანობის ლიცენზირების შესახებ“ საქართველოს კანონის, „ტუბერკულოზის კონტროლის შესახებ“ საქართველოს კანონისა და „ადამიანის სისხლისა და მისი კომპონენტების ხარისხისა და უსაფრთხოების შესახებ“ საქართველოს კანონის მოთხოვნათა შესასრულებლად, ადმინისტრაციული სამართალდარღვევის ოქმის ფორმის შევსებისა და წარდგენის წესს.“.

მუხლი 2

ამ ბრძანების პირველი მუხლით განსაზღვრული ადმინისტრაციული სამართალდარღვევის ოქმის ფორმა ასევე გამოყენებულ იქნეს სსიპ – სამედიცინო და ფარმაცევტული საქმიანობის რეგულირების სააგენტოს მიერ ამ ბრძანების ამოქმედებამდე დაბეჭდილი ადმინისტრაციული სამართალდარღვევის ოქმებთან ერთად, ამ უკანასკნელის მარაგის ამოწურვამდე, მაგრამ არაუგვიანეს 2026 წლის 1 სექტემბრისა.

მუხლი 3

ბრძანება ამოქმედდეს გამოქვეყნებისთანავე.