საჯარო სამართლის იურიდიული პირის – აჭარის ავტონომიური რესპუბლიკის დასაქმების სააგენტოს დებულების დამტკიცების შესახებ

2. სააგენტო თავის საქმიანობას ახორციელებს საქართველოს კონსტიტუციის, აჭარის ავტონომიური რესპუბლიკის კონსტიტუციის, „საჯარო სამართლის იურიდიული პირის შესახებ“ საქართველოს კანონის, საქართველოსა და აჭარის ავტონომიური რესპუბლიკის სხვა სამართლებრივი აქტებისა და წინამდებარე დებულების შესაბამისად.

3. სააგენტოს სახელწოდებაა „საჯარო სამართლის იურიდიული პირი – აჭარის ავტონომიური რესპუბლიკის დასაქმების სააგენტო“.

4. კანონმდებლობითა და ამ დებულებით დადგენილ ფარგლებში, სააგენტო ანგარიშვალდებული და პასუხისმგებელია აჭარის ავტონომიური რესპუბლიკის მთავრობისა (შემდგომში – მთავრობა) და სამინისტროს წინაშე.

5. სააგენტო კანონმდებლობითა და ამ დებულებით განსაზღვრული მიზნებისა და დაკისრებული ფუნქციების განსახორციელებლად, საკუთარი სახელით იძენს უფლებებს და მოვალეობებს, დებს გარიგებებს, საკუთარი სახელით გამოდის სასამართლოში მოსარჩელედ და მოპასუხედ, აგრეთვე მესამე პირთან ურთიერთობაში.

6. სააგენტოს აქვს დამოუკიდებელი ბალანსი, ხარჯთა ნუსხა, საბანკო და სახაზინო ანგარიშები, ბლანკი, ბეჭედი და გააჩნია იურიდიული პირის სხვა რეკვიზიტები.

7. სააგენტოს იურიდიული მისამართია: საქართველო, ქ. ბათუმი, ი. ჯავახიშ­ვილის ქუჩა №70/72.

2. სააგენტოს ფუნქციებია:

ა) აჭარის ავტონომიური რესპუბლიკის ადმინისტრაციულ ტერიტორიაზე სამუშაოს მაძიებელთა რეგისტრაცია და აღრიცხვა;

ბ) სამუშაოს მაძიებელ პირთა პერსონალური მონაცემების დამუშავება, ამ პირთა შესახებ მონაცემთა ბაზის შექმნა და მისი მუდმივი განახლება;

გ) სამუშაოს მაძიებელთა კონსულტირება და მათი შრომითი მოწყობის მიზნით საშუამავლო საქმიანობის ორგანიზება;

დ) სააგენტოს სერვისებით მოსარგებლეთა კონსულტირება და ხელშეწყობა/ინფორმირებულობა შრომის უსაფრთხოების საკითხებთან დაკავშირებით;

ე) ქვეყნის ფარგლებს გარეთ შრომითი მოწყობის მიზნით სამუშაოს მაძიებელთა კონსულტირება და ინფორმირებულობა/ხელშეწყობა;

ვ) დასაქმების ხელშეწყობის პროგრამების შემუშავებაში მონაწილეობა და მისი განხორციელება;

ზ) სამუშაოს მაძიებელთათვის პროფესიული ტრენინგების ჩატარე­ბა/ორგა­ნიზება სხვადასხვა სფეროში;

თ) შრომის ბაზრის კვლევა;

ი) სააგენტოს მიერ გაწეული მომსახურების შედეგად დასაქმებულთა აღრიცხვა და მონაცემთა ბაზის შევსება/განახლება;

კ) საჯარო და კერძო სექტორში მოქმედი ორგანიზაციების კონსულტირება სააგენტოს სერვისებით სარგებლობის შესახებ/საჯარო და კერძო სექტორთან მჭიდრო თანამშრომლობა;

ლ) აჭარის ავტონომიური რესპუბლიკის ტერიტორიაზე არსებული საჯარო და კერძო სექტორში მოქმედი ორგანიზაციების მონაცემთა ბაზის შექმნა და მისი მუდმივი განახლება;

მ) სააგენტოს ერთიან მონაცემთა ბაზის შესაბამისად გაწეული სერვისების შესახებ უტყუარი სტატისტიკური მონაცემების წარმოება;

ნ) საჯარო და კერძო სექტორში არსებული ვაკანსიების შესახებ ინფორმაციის გავრცელების ხელშეწყობა;

ო) ფორმალური და არაფორმალური განათლების შესახებ ინფორმაციის გავრცელების ხელშეწყობა;

პ) ინოვაციური იდეების შემუშავება და სერვისების მუდმივი განვითარება.

3. სააგენტოს უფლებამოსილებებია:

ა) თავისი კომპეტენციის ფარგლებში მოსახლეობის დასაქმების უზრუნ­ველმყოფი მარეგულირებელი ნორმატიული აქტების პროექტების მომზადებაში მონა­წილეობა;

ბ) კომპეტენციის ფარგლებში სააგენტოს საქმიანობისათვის საჭირო სამართ­ლებრივი აქტების შემუშავება და მიღება;

გ) სააგენტოს უფლებამოსილებას მიკუთვნებულ საკითხებზე მოქალაქეთა განცხადებების, საჩივრებისა და წინადადებების განხილვა, შესაბამისი გადაწყვეტი­ლების მიღება;

დ) საქმიანობის სფეროსთან დაკავშირებით საერთაშორისო ორგანიზაციებთან, დონორ ქვეყნებთან ურთიერთობის დამყარება, ერთობლივი პროექტების შემუშავება და განხორციელება;

ე) საკუთარი ფუნქციების განხორციელების მიზნით, საქართველოს იუსტიციის სამინისტროს მმართველობის სფეროში მოქმედი საჯარო სამართლის იურიდიული პირის – სახელმწიფო სერვისების განვითარების სააგენტოს მონაცემთა ელექტრონულ ბაზაში დაცული პერსონალური მონაცემებისა და სსიპ – საჯარო რეესტრის ეროვნული სააგენტოს მონაცემთა ელექტრონულ ბაზაში დაცული (ბიზნეს-რეესტრის) მონა­ცემების გამოთხოვა და გამოყენება მოქმედი კანონმდებლობის შესაბამისად;

ვ) ხელშეკრულებების დადება საქართველოსა და უცხოელ ფიზიკურ და/ან იურიდიულ პირებთან, საერთაშორისო ორგანიზაციებთან ამ დებულებით დადგე­ნილი მიზნების მისაღწევად;

ზ) მიღებული ფინანსური სახსრების განკარგვა სააგენტოს საქმიანობის, სააგენტოს მიერ დადებული ხელშეკრულებების დაფინანსებისათვის, პროექტებისა და პროგრამების ფარგლებში საქონლის, სამუშაოებისა და მომსახურების მიწოდე­ბისათვის;

თ) სემინარების, კონფერენციების, სამუშაო შეხვედრების, ტრენინგების უზ­რუნ­ველყოფა როგორც ქვეყნის შიგნით, ისე ქვეყნის გარეთ;

ი) შესაბამისი კვალიფიკაციის პერსონალის დაქირავების უზრუნველყოფა;

კ) არსებული პერსონალისათვის კვალიფიკაციის ამაღლების მიზნით საჭირო ღონისძიებების ორგანიზება და ხელშეწყობა;

ლ) სააგენტოს მიზნების მისაღწევად კანონმდებლობით გათვალისწინებული სხვა უფლებამოსილებების განხორციელება.

2. სააგენტოს დირექტორი:

ა) მართავს სააგენტოს და წარმოადგენს მესამე პირებთან ურთიერთობაში, ანიჭებს წარმომადგენლობით უფლებამოსილებას;

ბ) წარმართავს სააგენტოს საქმიანობას საქართველოს კონსტიტუციის, საკანონმდებლო აქტების, მინისტრის ბრძანებებისა და სხვა სამართლებრივი აქტების მოთხოვნათა დაცვით;

გ) ახორციელებს სააგენტოს საერთო ხელმძღვანელობას, სამართლებრივ, მეთოდურ საინფორმაციო უზრუნველყოფას;

დ) სააგენტოს სახელით ხელს აწერს საერთაშორისო ორგანიზაციებსა და დონორებთან დადგენილი წესით დადებულ ხელშეკრულებებს, სახელმწიფო ვალდებულებების შესრულებასთან დაკავშირებულ ხელშეკრულებებს, სააგენტოს მიერ დაფინანსებული პროექტების და პროგრამების განხორციელებასთან დაკავშირებულ საგრანტო ხელშეკრულებებსა და სხვა ოფიციალურ დოკუმენტებს;

ე) ამტკიცებს სააგენტოს საქმიანობის ყოველწლიურ გეგმას და წარუდგენს სამინისტროს;

ვ) კვარტალში ერთხელ, ასევე მოთხოვნის შემთხვევაში, სამინისტროს წარუდგენს ანგარიშს სააგენტოს მიერ განხორციელებული საქმიანობის თაობაზე;

ზ) ხელს აწერს სააგენტოს ფინანსურ ოპერაციებთან დაკავშირებულ დოკუ­მენტებს, ან ახდენს ამ ფუნქციის დელეგირებას შესაბამის კომპეტენტურ პირებზე ბრძანების საფუძველზე;

თ) უფლებამოსილია სხვადასხვა უწყებიდან მოიწვიოს შესაბამისი სპე­ციალის­ტები, აგრეთვე დამოუკიდებელი ექსპერტები;

ი) თანამდებობაზე ნიშნავს და თანამდებობიდან ათავისუფლებს სააგენტოს თანამშრომლებს, აფორმებს ადმინისტრაციულ და შრომით ხელშეკრულებებს საქართ­ველოს მოქმედი კანონმდებლობის შესაბამისად, მათ მიმართ იყენებს წახალისებისა და დისციპლინური პასუხისმგებლობის ზომებს;

კ) ზედამხედველობს სააგენტოს სტრუქტურული ერთეულების მიერ თავიანთი მოვალეობების შესრულებას;

ლ) ზრუნავს სააგენტოს თანამშრომელთა პროფესიული უნარ-ჩვევების განვითარებასა და კვალიფიკაციის ამაღლებაზე;

მ) კომპეტენციის ფარგლებში გამოსცემს ინდივიდუალურ-ადმინისტრაციულ სამართლებრივ აქტებს (ბრძანებებს);

ნ) ანაწილებს უფლება-მოვალეობებს სააგენტოს თანამშრომლებს შორის, აძლევს მათ მითითებებსა და დავალებებს, აკონტროლებს სააგენტოს თანამშრომელთა მიერ სამსახურებრივი მოვალეობების შესრულებას, ამტკიცებს სააგენტოს შინაგანაწესს;

ო) სამინისტროს წინასწარი თანხმობით განსაზღვრავს და ინდივიდუალურ სამართლებრივი აქტით ამტკიცებს საშტატო ნუსხას, ხელფასის ფონდს, თანამდე­ბობრივ სარგოებსა და ხარჯთა ნუსხას;

პ) პასუხისმგებელია სააგენტოს საქმიანობის სწორად წარმართვაზე, სააგენტოს ქონების, მათ შორის, ფულადი სახსრების მიზნობრივ ხარჯვასა და გამოყენებაზე;

ჟ) ქმნის სათათბირო ორგანოებს (კომისია, საბჭო) და განსაზღვრავს მათ უფლებამოსილებებს;

რ) ახორციელებს კანონმდებლობით მინიჭებულ სხვა უფლებამოსილებებს.

3. სააგენტოს დირექტორს ჰყავს ერთი მოადგილე, რომელსაც თანამდებობაზე ნიშნავს და თანამდებობიდან ათავისუფლებს მინისტრი, სააგენტოს დირექტორის წარდგინებით ან საკუთარი ინიციატივით, კანონმდებლობით დადგენილი წესით.

4. სააგენტოს დირექტორის მოადგილე სააგენტოს დირექტორის დავალებით ხელმძღვანელობს და კოორდინაციას უწევს სააგენტოს საქმიანობის ცალკეულ მიმართულებებს, სააგენტოს დირექტორის თანხმობით წარმოადგენს სააგენტოს ინტერესებს მესამე პირთან ურთიერთობაში.

 5. სააგენტოს დირექტორის არყოფნისას, უფლებამოსილების განხორციელების შეუძლებლობისას ან სააგენტოს დირექტორის უფლებამოსილების შეწყვეტის შემთხვევაში სააგენტოს დირექტორის მოვალეობას ასრულებს მისი მოადგილე, ხოლო სააგენტოს დირექტორის მოადგილის არყოფნისას, უფლებამოსილების განხორციელების შეუძლებლობისას ან სააგენტოს დირექტორის მოადგილის უფლებამოსლების შეწყვეტის შემთხვევაში, სააგენტოს დირექტორის მოვალეობას ასრულებს სააგენტოს დირექტორის მიერ წინასწარ განსაზღვრული სააგენტოს ერთ-ერთი სტრუქტურული ერთეულის ხელმძღვანელი.

ა) ადმინისტრაციულ-სამართლებრივი უზრუნველყოფის სამსახური;

ბ) პროგრამული ბიუჯეტირების, მონიტორინგისა და ფინანსების სამსახური;

გ) რეგიონული სერვისებისა და დასაქმების ხელშეწყობის სამსახური.

ა) სააგენტოს სისტემაში შემავალი სტრუქტურული ერთეულების უფლება­მოსილებათა განხორციელებისათვის საჭირო საინფორმაციო-ტექნიკური, ორგანიზა­ციული და სხვა სახის მომსახურების უზრუნველყოფა;

ბ) სააგენტოს დირექტორის ბრძანებებისა და რეზოლუციების ანალიზი და შესრულებაზე ზედამხედველობა;

გ) სააგენტოს დირექტორის მოხსენებების, გამოსვლების, ანგარიშების მომზა­დების ორგანიზება;

დ) სააგენტოს საქმიანობის მასობრივი ინფორმაციის საშუალებებით გაშუქება, პრესკონფერენციების და ბრიფინგების ჩატარება, საზოგადოებასთან და არასამთავრობო ორგანიზაციებთან ურთიერთობა;

ე) პიარღონისძიებების დაგეგმვა და ორგანიზება;

ვ) სააგენტოს საქმიანობის სამართლებრივი უზრუნველყოფა;

ზ) სააგენტოს ხელმძღვანელობის ინფორმაციულ-ანალიტიკური უზრუნველ­ყოფა საქართველოსა და აჭარის ავტონომიური რესპუბლიკის საკანონმდებლო და კანონქვემდებარე აქტების თაობაზე;

თ) სააგენტო საქმისწარმოების ორგანიზება და არქივის წარმოება, სხვადასხვა სახელმწიფო უწყებებიდან, ფიზიკური და იურიდიული პირებისაგან შემოსული კორესპონდენციების, აგრეთვე სხვა საკონტროლო დავალებების შესრულების ანალი­ზი და კონტროლი;

ი) საჯარო ინფორმაციის გაცემისა და პროაქტიულად გამოქვეყნების უზრუნ­ველყოფა;

კ) სააგენტოს კადრების აღრიცხვა, პირადი საქმეების წარმოება;

ლ) სააგენტოს თანამშრომელთა დანიშვნა-გათავისუფლების შესახებ სამართ­ლებრივი აქტების პროექტების, შესაბამისი წარდგინებების მომზადება, სააგენტოს მოსამსახურეთა პირადი საქმეების შედგენა და საკადრო საკითხებთან დაკავში­რებული ღონისძიებათა უზრუნველყოფა, სააგენტოს თანამშრომელთა მივლინებების ბრძანებების პროექტების მომზადება;

მ) სააგენტოს შინაგანაწესის შესრულების კონტროლის განხორციელება, სააგენტოს მოსამსახურეთა შრომის დისციპლინის დაცვის კონტროლი;

ნ) სააგენტოს პროგრამების პროექტების შემუშავებასა და კომპეტენციის ფარგლებში მათ განხორციელებაში მონაწილეობის მიღება;

ო) სააგენტოს ადმინისტრაციული შენობის შიგნით სათანადო სისუფთავისა და სანიტარული წესრიგის დაცვის უზრუნველყოფა;

პ) სააგენტოს დირექტორის ბრძანებებითა და სხვა ნორმატიული აქტებით გათვალისწინებული ფუნქციებისა და ამოცანების განხორციელება.

2. ადმინისტრაციულ-სამართლებრივი უზრუნველყოფის სამსახური ანგარიშვალდებულია სააგენტოს დირექტორის წინაშე. სამსახურის ყოველდღიურ საქმიანო­ბას კოორდინაციას უწევს სააგენტოს დირექტორი და/ან დირექტორის მოადგილე, რომელიც ახორციელებს სამსახურის მიმართ სამსახურებრივ ზედამხედველობასა და კონტროლს.

ა) სააგენტოს საფინანსო-საბიუჯეტო ურთიერთობის წარმართვა;

ბ) სააგენტოს ერთიანი ბიუჯეტის პროექტების შემუშავება;

გ) სააგენტოსათვის ბიუჯეტიდან გამოყოფილი ასიგნებების მიზნობრივი დანიშნულებით გამოყენებაზე კონტროლი;

დ) სააგენტოს ბუღალტრული აღრიცხვა-ანგარიშგების წარმოება;

ე) სააგენტოს კვარტალური და წლიური ბალანსების შედგენა;

ვ) სააგენტოს საბუღალტრო საქმიანობის ანალიზი, საბუღალტრო საქმიანობის სრულყოფისა და გაუმჯობესების შესახებ ღონისძიებათა გეგმის შემუშავება;

ზ) ბუღალტრული ანგარიშგების შედგენა და დაწესებულ ვადებში შესაბამის ორგანოში წარდგენა;

თ) სააგენტოს თანამშრომელთა თანამდებობრივი სარგოს და სხვა გასაცემი თანხების აღრიცხვა და გაცემა;

ი) სააგენტოს ფინანსურ ვალდებულებათა დამოწმების დოკუმენტაციის მომზადება და აჭარის ავტონომიური რესპუბლიკის ფინანსთა და ეკონომიკის სამინისტროს სახაზინო სამსახურში წარდგენის უზრუნველყოფა;

კ) სახელმწიფო შესყიდვების დაგეგმვა – წლიური შესყიდვების გეგმის შედგენა-შეჯერება-კორექტირება მოთხოვნილებების შესაბამისად და სახელმწიფო შესყიდვების სააგენტოში წარდგენა;

ლ) კანონმდებლობით დადგენილი წესით, სატენდერო დოკუმენტაციისა და სახელმწიფო შესყიდვებისათვის სხვა საჭირო დოკუმენტების მომზადება და შესყიდვების შესახებ განაცხადებისა და ანგარიშების გამოქვეყნება;

მ) სააგენტოს საქმიანობის ფარგლებში საქონლის, სამუშაოებისა და მომსა­ხურების შესყიდვის განსახორციელებლად ფასების მოკვლევის მიზნით ბაზრის შესწავლა;

ნ) სახელმწიფო შესყიდვების შესახებ ხელშეკრულებების პროექტების მომზადება;

ო) სააგენტოს საქმიანობის, სააგენტოს მიერ დადებული ხელშეკრულებების დაფინანსებისათვის, პროექტებისა და პროგრამების ფარგლებში საქონლის, სამუ­შაოებისა და მომსახურების მიწოდებისათვის მიღებული ფინანსური სახსრების მართვა;

პ) სახელშეკრულებო პირობების შესრულებაზე კონტროლისა და მონიტო­რინგის განხორციელებაში მონაწილეობის მიღება;

ჟ) სახელმწიფო შესყიდვების შესახებ საქართველოს კანონმდებლობით გათვალისწინებული სახელმწიფო შესყიდვების განხორციელების უზრუნველყოფა;

რ) ხელშეკრულებით დადგენილი მიწოდების ვადების დარღვევის და/ან ვადაგადაცილების შემთხვევაში შესაბამისი პირებისათვის სათანადო ინფორმაციის დროუ­ლი მიწოდება;

ს) მოქმედი კანონმდებლობის შესაბამისად სააგენტოს მიერ განხორციე­ლებული სახელმწიფო შესყიდვების ანგარიშების მომზადება და შესაბამის ორგანოში წარდგენის უზრუნველყოფა;

ტ) დასაქმების ხელშეწყობის პროგრამების შემუშავებასა და მისი განხორ­ციელებაში მონაწილეობა;

უ) სააგენტოს პროგრამების განხორციელებაზე კონტროლი;

ფ) სააგენტოს პროგრამების მიმდინარეობისა და შედეგების მონიტორინგი და შესაბამისი აქტების შედგენა/გაფორმება;

ქ) სააგენტოს ბალანსზე რიცხული შენობა-ნაგებობების, ინვენტარის, დანად­გარ-მოწყობილობებისა და სხვა უძრავ-მოძრავი ქონების მოვლა-პატრონობა, მათი მიმდინარე და კაპიტალური შეკეთების, ხანძარსაწინააღმდეგო პროფილაქტიკური ღონისძიებების ორგანიზაციული უზრუნველყოფა;

ღ) სააგენტოს ბალანსზე რიცხული სამსახურებრივი ავტომანქანების გამართული მუშაობის უზრუნველყოფა;

 ყ) სააგენტოს დირექტორის ბრძანებებითა და სხვა ნორმატიული აქტებით გათვალისწინებული ფუნქციებისა და ამოცანების განხორციელება.

2. პროგრამული ბიუჯეტირების, მონიტორინგისა და ფინანსების სამსახური ანგარიშვალდებულია სააგენტოს დირექტორის წინაშე. სამსახურის ყოველდღიურ საქმიანობას კოორდინაციას უწევს სააგენტოს დირექტორი და/ან დირექტორის მოადგილე, რომელიც ახორციელებს სამსახურების მიმართ სამსახურებრივ ზედამ­ხედ­ველობასა და კონტროლს.

ა) სამუშაოს მაძიებელთა რეგისტრაცია შრომის ბაზრის მართვის ერთიან ელექტრონულ სისტემაში და შესაბამისი ბაზის წარმოება;

ბ) ორგანიზაციათა (დამსაქმებელი, საგანმნათლებლო პროვაიდერი) რეგისტრაცია შრომის ბაზრის მართვის ერთიან ელექტრონულ სისტემაში და შესაბამისი ბაზის წარმოება;

გ) შრომის ბაზარზე არსებული ვაკანსიების თაობაზე ინფორმაციის მოძიება და შრომის ბაზრის მართვის ერთიან ელექტრონულ სისტემაში რეგისტრაცია;

დ) მოძიებული ვაკანსიების შესახებ ინფორმაციის დაინტერესებული პირები­სათვის მიწოდება;

ე) სამუშაოს მაძიებელთა კონსულტირება და მათი შრომითი მოწყობის მიზნით საშუამავლო საქმიანობის ორგანიზება;

ვ) დასაქმების ხელშემწყობი ღონისძიებების განხორციელების მიზნით სხვა­დასხვა ორგანიზაციასთან თანამშრომლობა;

ზ) დასაქმებულთა აღრიცხვა და მონაცემთა ბაზის შევსება/განახლება;

თ) დასაქმების ხელშეწყობის პროგრამების შემუშავებასა და მის განხორ­ციელებაში მონაწილეობა;

ი) კომპეტენციის ფარგლებში, სააგენტოს პროგრამების მიმდინარეობისა და შედეგების მონიტორინგში ჩართულობა;

კ) სტატისტიკური მონაცემების შეგროვება, ანალიზი და ანგარიშების მომ­ზადება;

ლ) სააგენტოს დირექტორის ბრძანებებითა და სხვა ნორმატიული აქტებით გათვალისწინებული ფუნქციებისა და ამოცანების განხორციელება.

2. რეგიონული სერვისებისა და დასაქმების ხელშეწყობის სამსახური ანგა­რიშ­ვალდებულია სააგენტოს დირექტორისა და დირექტორის მოადგილის წინაშე. სამსა­ხურის ყოველდღიურ საქმიანობას კოორდინაციას უწევს სააგენტოს დირექტორი და/ან დირექტორის მოადგილე, რომელიც ახორციელებს სამსახურების მიმართ სამსა­ხურებრივ ზედამხედველობასა და კონტროლს.

2. სტრუქტურული ერთეულის უფროსი, თავისი კომპეტენციის ფარგლებში:

ა)  წარმართავს სტრუქტურული ერთეულის საქმიანობას;

ბ) წარმოადგენს სტრუქტურულ ერთეულს დაკისრებული უფლება-მოვა­ლეო­ბების განხორციელებისას და პასუხისმგებელი არის მასზე დაკისრებული ფუნქციებისა და ამოცანების შესრულებაზე;

გ) ანაწილებს მოვალეობებს მისდამი დაქვემდებარებულ თანამშრომლებს შო­რის და აძლევს მათ მითითებებს;

დ) ახორციელებს კონტროლს მისდამი დაქვემდებარებაში მყოფ თანამშრომ­ელთა მიერ სამსახურებრივი მოვალეობის შესრულებაზე და დისციპლინის დაცვაზე;

ე) თავისი ამოცანებისა და ფუნქციების განსახორციელებლად, კომპეტენციის ფარგლებში გამოითხოვს სათანადო ინფორმაციასა და დოკუმენტაციას სააგენტოს სხვა სტრუქტურული ერთეულებისაგან;

ვ) ვიზას ადებს სტრუქტურულ ერთეულში მომზადებულ დოკუმენტებს;

ზ)  წარადგენს ანგარიშს მისდამი დაქვემდებარებული სტრუქტურული ერ­თეუ­ლის მიერ გაწეული საქმიანობის შესახებ;

თ) ორგანიზებას უკეთებს ამ დებულებით სტრუქტურული ერთეულისათვის დაკისრებული ფუნქციების შესრულებას, რისთვისაც სააგენტოს დირექტორს და/ან დირექტორის მოადგილეს წარუდგს წინადადებებს ცალკეული საკითხების მოწეს­რიგების და გადაწყვეტის თვალსაზრისით;

ი) სააგენტოს დირექტორს და/ან დირექტორის მოადგილეს წარუდგენს წინა­დადებებს მათდამი დაქვემდებარებული თანამშრომლების წახალისების ან მათთვის დისციპლინური პასუხისმგებლობის დაკისრების შესახებ;

კ) შუამდგომლობს იმ სახსრების, მოწყობილობებისა და ინვენტარის გამო­ყოფაზე, რაც აუცილებელია სტრუქტურული ერთეულის წინაშე მდგარი ფუნქციებისა და ამოცანების შესასრულებლად;

ლ) კომპეტენციის ფარგლებში ამზადებს დასკვნებს სტრუქტურული ერთეუ­ლის სახელით და პერიოდულად სააგენტოს დირექტორს და/ან დირექტორის მოად­გილეს წარუდგენს ანგარიშს სტრუქტურული ერთეულების თანამშრომლების მიერ გაწეული მუშაობის შესახებ;

მ) სტრუქტურული ერთეულის ხელმძღვანელის არყოფნის შემთხვევაში, სტრუქტურული ერთეულის ხელმძღვანელის წარდგინების საფუძველზე და სააგენტოს დირექტორის გადაწყვეტილებით, ხელმძღვანელის მოვალეობას ასრულებს შესაბამისი სტრუქტურული ერთეულის ერთ-ერთი თანამშრომელი.

2. სააგენტოს სახელმწიფო კონტროლი მოიცავს სააგენტოს მიერ განხორ­ციელებული საქმიანობის კანონიერების, მიზანშეწონილობის, ეფექტიანობისა და საფინანსო-ეკონომიკური საქმიანობის ზედამხედველობას.

3. მინისტრი უფლებამოსილია შეაჩეროს ან გააუქმოს სააგენტოს დირექტორის არამართლზომიერი გადაწყვეტილება.

4. სააგენტოს დირექტორი ვალდებულია სამინისტროს და მთავრობას მოთხოვ­ნისთანავე წარუდგინოს წერილობითი ანგარიში მის მიერ განხორციელებული საქმიანობის, მათ შორის, ფინანსური სახსრების თაობაზე.

ა) უძრავი ქონების შეძენა, გასხვისება და დატვირთვა;

ბ) სესხის აღება;

გ) თავდებობა;

დ) ბიუჯეტის, საშტატო ნუსხისა და ხელფასის ფონდის განსაზღვრა;

ე)   თანამშრომელთა მატერიალური წახალისებისათვის გამოსაყოფი სახსრების, აგრეთვე სააგენტოს მიერ შესაძენი საწვავისა და გასაწევი საკომუნიკაციო ხარჯების ლიმიტების განსაზღვრა;

ვ) სხვა გადაწყვეტილებების მიღება ქონებასთან დაკავშირებით, თუ ისინი სცილდება ჩვეულებრივი საქმიანობის ფარგლებს.

2. სააგენტოს მიერ სესხის აღებისა და თავდებობის განხორციელებაზე აუცილებელია აგრეთვე აჭარის ავტონომიური რესპუბლიკის ფინანსთა და ეკონომიკის სამინისტროს თანხმობა.

2. სააგენტოს ქონებას შეიძლება შეადგენდეს აგრეთვე სააგენტოს ფუნქციო­ნირების განმავლობაში მისივე ფინანსური სახსრებით შეძენილი ან/და შექმნილი ქონება. ასეთ ქონებაზე სააგენტოს აქვს უსასყიდლო სარგებლობის, ხოლო აჭარის ავტონომიურ რესპუბლიკას საკუთრების უფლება.

3. სააგენტოს ქონებასთან დაკავშირებული სხვა საკითხები განისაზღვრება საქართველოსა და აჭარის ავტონომიური რესპუბლიკის კანონმდებლობის შესაბა­მისად.

4. სააგენტოს შემოსავლის წყარო შეიძლება იყოს:

ა) აჭარის ავტონომიური რესპუბლიკის ბიუჯეტიდან გამოყოფილი მიზნობ­რივი სახსრები;

ბ) სახელმწიფო შეკვეთების შესრულებიდან მიღებული შემოსავლები;

გ) ხელშეკრულების საფუძველზე გაწეული მომსახურებიდან მიღებული შემო­სავლები;

დ) დამხმარე სამეწარმეო საქმიანობიდან მიღებული შემოსავლები;

ე) მიზნობრივი კრედიტები და გრანტები;

ვ) საქართველოს კანონმდებლობით ნებადართული სხვა შემოსავლები.

5. ამ მუხლით გათვალისწინებული სახსრები და შემოსავლები მთლიანად ხმარდება სააგენტოს დებულებით გათვალისწინებული მიზნებისა და ფუნქციების განხორციელებას, მატერიალურ-ტექნიკური ბაზის გაუმჯობესებას, სააგენტოს თანამშრომლების ხელფასების გაცემასა და მატერიალურ წახალისებას. სააგენტოს სახსრებისა და შემოსავლების რაიმე სხვა მიზნით გამოყენება დაუშვებელია.

 2. სააგენტოს წლიურ ბალანსს ამოწმებს სამინისტროს მიერ დანიშნული დამოუკიდებელი აუდიტორი.