,,საჯარო სამართლის იურიდიული პირის _ თინათინ წერეთლის სახელობის სახელმწიფოსა და სამართლის ინსტიტუტის დროებითი წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 31 მაისის №535 ბრძანებაში ცვლილებების შეტანის შესახებ“

სახელმწიფო სარეგისტრაციო კოდი 040.030.000.22.022.009.909

საქართველოს განათლებისა და მეცნიერების მინისტრის  

ბრძანება №69

2007 წლის 29 იანვარი

ქ. თბილისი

,,საჯარო სამართლის იურიდიული პირის – თინათინ წერეთლის სახელობის სახელმწიფოსა და სამართლის ინსტიტუტის დროებითი წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 31 მაისის №535 ბრძანებაში ცვლილებების შეტანის შესახებ

 ,,საქართველოს ზოგადი ადმინისტრაციული კოდექსის“ 63-ე მუხლის და ,,ნორმატიული აქტების შესახებ“ საქართველოს კანონის 36-ე მუხლის და ,,საჯარო სამართლის იურიდიული პირის – თინათინ წერეთლის სახელობის სახელმწიფოსა და სამართლის ინსტიტუტის სახელწოდების შეცვლის შესახებ“ საქართველოს მთავრობის 2006 წლის 21 სექტემბრის №178 დადგენილების საფუძველზე, ვბრძანებ:

 1. ,,საჯარო სამართლის იურიდიული პირის – თინათინ წერეთლის სახელობის სახელმწიფოსა და სამართლის ინსტიტუტის დროებითი წესდების დამტკიცების შესახებ“ საქართველოს განათლებისა და მეცნიერების მინისტრის 2006 წლის 31 მაისის №535 ბრძანებაში (სსმ III, 05.06.2006., №75, მუხ. 957) შეტანილ იქნეს შემდეგი ცვლილებები:

ა) ბრძანების სათაურში სიტყვები ,,თინათინ წერეთლის სახელობის სახელმწიფოსა და სამართლის ინსტიტუტი“ შეიცვალოს სიტყვებით: ,,თინათინ წერეთლის სახელმწიფოსა და სამართლის ინსტიტუტი“ და სათაური ჩამოყალიბდეს შემდეგი რედაქციით:

,,საჯარო სამართლის იურიდიული პირის – თინათინ წერეთლის სახელმწიფოსა და სამართლის ინსტიტუტის დროებითი წესდების დამტკიცების შესახებ“;

ბ) ბრძანების პრეამბულაში შევიდეს ცვლილება და ჩამოყალიბდეს შემდეგი რედაქციით:

,,მეცნიერების, ტექნოლოგიებისა და მათი განვითარების შესახებ“ საქართველოს კანონის 10¹ მუხლის მე-3 პუნქტის, ,,მეცნიერების, ტექნოლოგიებისა და მათი განვითარების შესახებ“ საქართველოს კანონში ცვლილებებისა და დამატებების შეტანის თაობაზე“ 2005 წლის 23 დეკემბრის საქართველოს კანონის მე-2 მუხლის 1-ლი პუნქტის, ,,საჯარო სამართლის იურიდიული პირის შესახებ“ საქართველოს კანონის მე-6 მუხლის და „თინათინ წერეთლის სახელმწიფოსა და სამართლის ინსტიტუტის შექმნის შესახებ“ საქართველოს პრეზიდენტის 2005 წლის 19 სექტემბრის №754 ბრძანებულების შესაბამისად,“;

გ) ბრძანების პირველი პუნქტი ჩამოყალიბდეს შემდეგი რედაქციით:

,,1. დამტკიცდეს საჯარო სამართლის იურიდიული პირის – თინათინ წერეთლის სახელმწიფოსა და სამართლის ინსტიტუტის დროებითი წესდება.“;

დ) ბრძანებით დამტკიცებულ წესდებას შეეცვალოს სახელი და ეწოდოს:

,,საჯარო სამართლის იურიდიული პირის – თინათინ წერეთლის სახელმწიფოსა და სამართლის ინსტიტუტის დროებითი წესდება“;

ე) წესდების პირველი მუხლის პირველი პუნქტი ჩამოყალიბდეს შემდეგი რედაქციით:

,,1. საჯარო სამართლის იურიდიული პირი – თინათინ წერეთლის სახელმწიფოსა და სამართლის ინსტიტუტი (შემდგომში – ინსტიტუტი) არის ,,მეცნიერების, ტექნოლოგიებისა და მათი განვითარების შესახებ“, ,,საჯარო სამართლის იურიდიული პირის შესახებ“ საქართველოს კანონებისა და ,,საჯარო სამართლის იურიდიული პირის – „თინათინ წერეთლის სახელმწიფოსა და სამართლის ინსტიტუტის შექმნის შესახებ“ საქართველოს პრეზიდენტის 2005 წლის 19 სექტემბრის №754 ბრძანებულების შესაბამისად შექმნილი სამეცნიერო კვლევითი დაწესებულება. ინსტიტუტი თავის საქმიანობას წარმართავს საყოველთაოდ აღიარებული დემოკრატიული პრინციპების საფუძველზე.“.

2.    ბრძანება ამოქმედდეს გამოქვეყნებისთანავე.

ა. ლომაია