„საერთაშორისო გადაზიდვების დღგ-ის ნულოვანი განაკვეთით დაბეგვრის გამოყენებისათვის წარსადგენი დოკუმენტების ნუსხის განსაზღვრის შესახებ“ საქართველოს ფინანსთა მინისტრის 2006 წლის 13 ივნისის №603 ბრძანებაში დამატების შეტანის თაობაზე“

სახელმწიფო სარეგისტრაციო კოდი 200.110.000.22.033.009.908

საქართველოს ფინანსთა მინისტრის

ბრძანება №71

2007 წლის 31 იანვარი

ქ. თბილისი

„საერთაშორისო გადაზიდვების დღგ-ის ნულოვანი განაკვეთით დაბეგვრის გამოყენებისათვის წარსადგენი  დოკუმენტების ნუსხის განსაზღვრის შესახებ“ საქართველოს  ფინანსთა მინისტრის 2006 წლის 13 ივნისის №603 ბრძანებაში  დამატების შეტანის თაობაზე

საქართველოს საგადასახადო კოდექსის 233-ე მუხლის მე-3 ნაწილის საფუძველზე და საქართველოს მთავრობის 2004 წლის 21 მაისის №39 დადგენილებით დამტკიცებული საქართველოს ფინანსთა სამინისტროს დებულების მე-4 მუხლის მე-3 პუნქტის ,,ლ“ ქვეპუნქტის შესაბამისად, ვბრძანებ:

1. ,,საერთაშორისო გადაზიდვების დღგ-ის ნულოვანი განაკვეთით დაბეგვრის გამოყენებისათვის წარსადგენი დოკუმენტების ნუსხის განსაზღვრის შესახებ“ საქართველოს ფინანსთა მინისტრის 2006 წლის 13 ივნისის №603 (სსმ III, 2006წ., №81, მუხ.1066) ბრძანებას დაემატოს 2² პუნქტი შემდეგი რედაქციით:

„2². საერთაშორისო გადაზიდვების დღგ-ის ნულოვანი განაკვეთით დაბეგვრის გამოყენებისათვის ამ ბრძანებით განსაზღვრული ტვირთების საერთაშორისო გადაზიდვების დამადასტურებული დოკუმენტები საგადასახადო ორგანოს წარედგინება მათი მოთხოვნის შემთხვევაში.“.

2. ბრძანება ამოქმედდეს გამოქვეყნებისთანავე.

ა. ალექსიშვილი