ზესტაფონის მუნიციპალიტეტის საკრებულოს 2024 წლის 29 თებერვლის №7 დადგენილებაში „ზესტაფონის მუნიციპალიტეტის ადმინისტრაციულ საზღვრებში ავტოსატრანსპორტო საშუალებების პარკირების რეგულირების წესის დამტკიცების შესახებ“ ცვლილების შეტანის შესახებ

„1. მე-3 მუხლის მე-2 პუნქტს დაემატოს „ზ“ და „თ“ და „ი“ ქვეპუნქტები შემდეგი რედაქციით:

„ზ) ზესტაფონის მუნიციპალიტეტში რეგისტრირებული ომისა და თავდაცვის ძალების ვეტერანების კუთვნილი ავტოსატრანსპორტო საშუალებები;

თ) ელექტრომობილების მფლობელი პირების კუთვნილი ელექტრომობილები;

ი) შეზღუდული შესაძლებლობის სტატუსის მქონე პირების (I, II და III ჯგუფი) კუთვნილი ან მათ მფლობელობაში არსებული ავტოსატრანსპორტო საშუალებები.“.

2. მე-7 მუხლს დაემატოს მე-3 პუნქტი შემდეგი რედაქციით:

„3. ამ წესის მე-3 მუხლის მე-2 პუნქტის „ზ“, „თ“ და „ი“ ქვეპუნქტებით გათვალისწინებული პირებისათვის პარკირების საფასურისგან გათავისუფლების მიზნით, მუნიციპალიტეტი ადგენს შესაბამისი დოკუმენტის/საშვის გაცემის წესს, რომელიც ადასტურებს პირის უფლებას, ისარგებლოს უფასო პარკირებით.“.