„სავალდებულო სერტიფიცირებისადმი დაქვემდებარებული სასოფლო-სამეურნეო კულტურათა ჯიშების თესლისა და სარგავი მასალის ეტიკეტირების წესის დამტკიცების შესახებ“ საქართველოს მთავრობის 2018 წლის 13 ივნისის №336 დადგენილებაში ცვლილების შეტანის თაობაზე

1.  2² პუნქტის „დ“ ქვეპუნქტი ჩამოყალიბდეს შემდეგი რედაქციით:

„დ) დალუქვის თვე და წელი ან სერტიფიცირების მიზნით ნიმუშის ბოლო ოფიციალური აღების თვე ან წელი. აღნიშნულია შემდეგნაირად: „დალუქულია“ ... (თვე და წელი) ან „ნიმუში აღებულია“ ...(თვე და წელი);“.

2. 2⁹ პუნქტი ჩამოყალიბდეს შემდეგი რედაქციით:

„2⁹. საფურაჟე და მარცვლეული კულტურების ყველა სახის „საბაზისო თესლისა“ და „სერტიფიცირებული თესლის“ ტარაზე (შეფუთვაზე): 

ა) ამ მუხლის 2^​2 პუნქტით გათვალისწინებულ ინფორმაციასთან ერთად, სერტიფიცირების ორგანოს ზედამხედველობით, უნდა დაიბეჭდოს ან კანონმდებლობით დადგენილი ნიმუშის აღებისას დაიშტამპოს ან დაიხვრიტოს  თითოეული ტარის (შეფუთვის) ოფიციალურად მინიჭებული ინდივიდუალური სერიული ნომერი, რომელიც არ იშლება;

ბ) ნაბეჭდის ან შტამპის ფორმა და ფერი უნდა იყოს ეტიკეტის შესაბამისი და არ უნდა იშლებოდეს;

გ) მწარმოებელმა/რეალიზატორმა სერტიფიცირების ორგანოს უნდა მიაწოდოს ინფორმაცია გაცემული ტარის (შეფუთვების) რაოდენობების შესახებ, მათი სერიული ნომრების ჩათვლით ყოველი პარტიისათვის, რომელიც ექვემდებარება ზედამხედველობას სერტიფიცირებული ორგანოს მიერ;

დ) სერტიფიცირების ორგანომ უნდა აწარმოოს ჩანაწერები ამგვარად მარკირებული თესლის თითოეულ პარტიაში ტარის (შეფუთვის) რაოდენობისა და მასში მოთავსებული თესლის შესახებ, სერიული ნომრების ჩათვლით.“.