„საქართველოს შინაგან საქმეთა სამინისტროში სამსახურის გავლის წესის დამტკიცების შესახებ“ საქართველოს შინაგან საქმეთა მინისტრის 2013 წლის 31 დეკემბრის №995 ბრძანებაში ცვლილების შეტანის თაობაზე

ა) პირველ პუნქტს დაემატოს შემდეგი შინაარსის „დ¹“ ქვეპუნქტი:

„დ¹) როტაციისას;“;

ბ) მე-2 პუნქტი ჩამოყალიბდეს შემდეგი რედაქციით:

„2. თანამდებობრივი გადაადგილების შესახებ სამართლებრივი აქტის გამოცემამდე, ამ მუხლის პირველი პუნქტის „ა“ და „ა¹“, ქვეპუნქტით გათვალისწინებულ შემთხვევებში უნდა არსებობდეს სამინისტროს მოსამსახურის თანხმობა, ხოლო ამავე მუხლის პირველი პუნქტის „ბ“, „გ“, „დ¹“, „ვ¹“ და „ზ“ ქვეპუნქტებით გათვალისწინებულ შემთხვევებში წინასწარ უნდა ეცნობოს მას.“;

გ) მე-7 პუნქტის შემდეგ დაემატოს შემდეგი შინაარსის მე-8 პუნქტი:

„8. სამინისტროს სისტემაში შესაძლებელია განხორციელდეს მოსამსახურის როტაცია (თანამდებობრივი გადაადგილება) შესაძლო კორუფციული რისკების პრევენციის მიზნით ან/და სხვა სამსახურებრივი საჭიროებიდან გამომდინარე. როტაცია გულისხმობს პოლიციელის პერიოდულ გადაყვანას ტოლფას თანამდებობაზე იმავე ან სხვა სტრუქტურულ ქვედანაყოფში.“.