დოკუმენტის სტრუქტურა
განმარტებების დათვალიერება
დაკავშირებული დოკუმენტები
დოკუმენტის მონიშვნები
უკან დაბრუნება | „აფხაზეთის ავტონომიური რესპუბლიკის იძულებით გადაადგილებულ პირთა სამინისტროს სისტემაში არსებული პროგრამების განხორციელების წესის დამტკიცების შესახებ“ აფხაზეთის ავტონომიური რესპუბლიკის იძულებით გადაადგილებულ პირთა მინისტრის 2026 წლის 02 მარტის #13-ძ/ს ბრძანებაში ცვლილების შეტანის შესახებ | |
|---|---|
| დოკუმენტის ნომერი | 25-ძ/ს |
| დოკუმენტის მიმღები | აფხაზეთის ავტონომიური რესპუბლიკის მინისტრი |
| მიღების თარიღი | 25/05/2026 |
| დოკუმენტის ტიპი | აფხაზეთის ავტონომიური რესპუბლიკის იძულებით გადაადგილებულ პირთა მინისტრის ბრძანება |
| გამოქვეყნების წყარო, თარიღი | ვებგვერდი, 01/06/2026 |
| სარეგისტრაციო კოდი | 040110000.33.062.016155 |
|
„აფხაზეთის ავტონომიური რესპუბლიკის იძულებით გადაადგილებულ პირთა სამინისტროს სისტემაში არსებული პროგრამების განხორციელების წესის დამტკიცების შესახებ“ აფხაზეთის ავტონომიური რესპუბლიკის იძულებით გადაადგილებულ პირთა მინისტრის 2026 წლის 2 მარტის №13-ძ/ს ბრძანებაში ცვლილების შეტანის შესახებ
|
„ნორმატიული აქტების შესახებ“ საქართველოს ორგანული კანონის მე-20 მუხლის მე-4 პუნქტის, „ნორმატიული აქტების შესახებ“ აფხაზეთის ავტონომიური რესპუბლიკის კანონის მე-18 მუხლის მე-3 პუნქტისა და „აფხაზეთის ავტონომიური რესპუბლიკის იძულებით გადაადგილებულ პირთა სამინისტროს დებულების დამტკიცების შესახებ“ აფხაზეთის ავტონომიური რესპუბლიკის მთავრობის 2019 წლის 31 ივლისის №18 დადგენილებით დამტკიცებული დებულების მე-3 მუხლის მე-3 პუნქტის „ი“ ქვეპუნქტის შესაბამისად,
ვბრძანებ: |
| მუხლი 1 |
„აფხაზეთის ავტონომიური რესპუბლიკის იძულებით გადაადგილებულ პირთა სამინისტროს სისტემაში არსებული პროგრამების განხორციელების წესის დამტკიცების შესახებ“ აფხაზეთის ავტონომიური რესპუბლიკის იძულებით გადაადგილებულ პირთა მინისტრის 2026 წლის 2 მარტის №13-ძ/ს ბრძანებით (სსმ, ვებგვერდი, 05/03/2026, სარეგისტრაციო კოდი: 040110000.33.062.016151) დამტკიცებულ „აფხაზეთის ავტონომიური რესპუბლიკის იძულებით გადაადგილებულ პირთა სამინისტროს სისტემაში არსებული პროგრამების განხორციელების წესში“ (შემდგომში – წესი) შეტანილ იქნეს ცვლილებები და წესის:
1. მე-4 მუხლის მესამე პუნქტის „ბ“ ქვეპუნქტი ჩამოყალიბდეს შემდეგი სახით: „ბ) პროექტი (გარდა სამშენებლო მასალის, სარემონტო და სარეაბილიტაციო სამუშაოების საჭიროებისა), რომელიც უნდა ითვალისწინებდეს შემდეგ პუნქტებს:“. 2. მე-4 მუხლის მესამე პუნქტს დაემატოს შემდეგი შინაარსის „ბ.ჟ“ ქვეპუნქტი: „ბ.ჟ) ბენეფიციარის საბანკო რეკვიზიტები.“. 3. მე-4 მუხლს დაემატოს შემდეგი შინაარსის „41“ პუნქტი: „41. პროგრამის მიზნებისათვის ბენეფიციარსა და სააგენტოს შორის ფორმდება ხელშეკრულება (გარდა სააგენტოს მიერ ინიცირებული ღონისძიებისა) ურთიერთვალდებულებების შესახებ, რომელშიც განისაზღვრება პროექტის განხორციელების ვადა და სააგენტოს მიერ ბენეფიციარის დაფინანსების/თანადაფინანსების ოდენობა.“. |
| მუხლი 2 |
ბრძანება ამოქმედდეს გამოქვეყნებისთანავე.
|
|
დოკუმენტის კომენტარები