„შპს სთარინგ ჯორჯიას მიერ საქონლისა და მომსახურების შესყიდვების სპეციალური წესის დამტკიცების შესახებ“ საქართველოს მთავრობის 2025 წლის 24 დეკემბრის №580 დადგენილებაში ცვლილების შეტანის თაობაზე

1. მე-5 მუხლის მე-3 პუნქტი ჩამოყალიბდეს შემდეგი რედაქციით:

„3. ყოველი შესყიდვის განხორციელებამდე სავალდებულოა ბაზრის კვლევის ჩატარება, გარდა ამავე მუხლის მე-4 და მე-5 პუნქტებით გათვალისწინებული შემთხვევებისა. ბაზრის კვლევა ხორციელდება სახელმწიფო შესყიდვების სფეროში მოქმედი კანონმდებლობის, შესაბამისი რეკომენდაციებისა და მეთოდური მითითებების შესაბამისად.“.

2. მე-5 მუხლს დაემატოს შემდეგი შინაარსის მე-4 და მე-5 პუნქტები:

„4. შემსყიდველი თავისუფლდება ბაზრის კვლევის ჩატარების ვალდებულებისგან მხოლოდ ღონისძიების მოსამზადებელ ან მიმდინარეობის პერიოდში დაგეგმილი შესაბამისი ღონისძიებების მომზადების ეტაპზე, ამ წესის დანართით განსაზღვრული შემდეგი კატეგორიის შესყიდვების მიმართ: 1, 10, 11, 12, 13, 15, 16, 17, 20, 21, 24, 25, 27, 31, 32, 36, 37, 38, 39, 40, 41, 42, 44.

5. შემსყიდველი თავისუფლდება ბაზრის კვლევის განხორციელების შესახებ განცხადების სისტემის ბაზრის კვლევის მოდულში (MRS მოდული) გამოქვეყნებით ბაზრის კვლევის ჩატარების ვალდებულებისგან მხოლოდ ღონისძიების მოსამზადებელ ან მიმდინარეობის პერიოდში დაგეგმილი შესაბამისი ღონისძიებების მომზადების ეტაპზე, ამ წესის დანართით განსაზღვრული შემდეგი კატეგორიის შესყიდვების მიმართ: 22, 23, 45.“.